Si bëhet bashkimi i gruas me ‘green card’ me burrin që vjen nga Shqipëria?

Avokati Kieran Both jep sqarime për bashkimet familjare në SHBA. Një lexues i rubrikës i shkruan:

Përshëndetje Z. Avokat,

Rastësisht gjeta adresën tuaj në internet dhe vendosa t’u shkruaj. E fejuara ime është në Amerikë prej dy vjetësh. Ne kemi menduar të martohemi këtë vit që vjen. Ju lutem na jepni informacion për procesin, se çfarë duhet të bëjmë dhe sa gjatë do të shkojë .

Eshtë e vështirë për një çift të ri të rrinë larg njeri tjetrit.

Ju faleminderit

I. H.

Albania

Përgjigje: Ju falenderoj që ndiqni rubrikën tonë . Uroj që të filloni familje së shpejti.

Si banore e përhershme e SHBA gruaja juaj ka të drejtë të aplikojë për disa anëtarë të caktuar të familjes së saj për emigrim në SHBA. Ajo mund të bëj kërkesë për ju, si edhe fëmijët nën moshën 21 vjeç.

Ju duhet të prisni dy vjet, afërsisht , para se t’u vijë radha për intervistën. Nëse gruaja juaj bëhet shtetase amerikane, procesi përshpejtohet.

Procesi i aplikimit.

Për t’u bërë ju me green card gruaja juaj duhet:

Të mbushë formularin I-130 ( Petition for alien relative – visa petition)
Të provojë që është rezidente permanente e Amerikës.
Dorëzojë evidenca të marëdhënies me ju, certefikatën e martesës , certefikatën e lindjes, divorcit, etj. Udhëzimet që janë në formularin I-130 u tregojnë me hollësi për dokumentat që kërkohen.

Meqënëse ju banoni jashtë Amerikës, I-130 do të dërgohet nw Qëndrën Kombëtare të vizës (NVC)pasi të ketë kaluar në procesin e emigracionit, (USCIS). Koha e këtij procesi shkon nga 5-deri 22 muaj varet nga qëndra ku shkojnë dokumentat.

Kategoria e preferencave

Kur një person aplikon për të afërmin e tij ose anëtarin e familjes , ai vendoset në kategorinë përkatëse të emigracionit. Kategoria është e rëndësishme pasi ajo përcakton edhe gjatësinë e kohës së pritjes për marrjen e vizës së emigrantit, tw njeriut tuaj.

Në kategorinë e parë vendosen: Fëmijët e pamartuar vajzat e djemtë e shtetasit amerikan 21 vjeç dhe më)
Në kategorinë e dytë të preferencave (2A) bashkëshortët e rezidentëve permanentë dhe femijët nën moshën 21 vjeç
Kategoria II (2B) fëmijët e rritur të rezidentëve permanentë.
Kategoria e tretë e preferencave : Fëmijët e martuar të çdo moshe të shtetasve amerikanë.
Kategoria e katërt e preferencave: Vëllezërit e motrat e rritura të shtetasve amerikan.

Viza do të jetë gati për bashkëshortin sipas kategorisë së preferencave duke pataur parasysh se kur, në ç’datë janë dorëzuar dokumentat në Emigracion(dmth formulari I-130). Kategoria e preferencave vendos se sa gjatë do të presë ai/ajo për vizën e emigrantit. Nëse bashkëshorti/bashkëshortja juaj ka aplikuar për ju, ju mund ta ndiqni ecurinë e procesit në Visa Bulletin që del çdo muaj nga Departamenti i Shtetit në këtë adresë: https://travel.state.gov.content/visa/en/law-policy/bulletin.htlm

Kategoria F2A preferenca e dytë(2A) për bashkëshortët e atyre që kanë green card është tashmë në proces për I-130 që janë dorësuar në ose para 22 Korrikut,2016. Kjo do të thotë që pritja do të shkojë afërsisht dy vjet.

NVC është përgjegjëse për mbledhjen e pagesave (fees) si dhe dokumentat shtesë nga aplikimi për vizë emigranti për njeriun tuaj, si kur merret aplikimi(I-130) edhe kur viza është gati.

Bashkëshortes suaj i kërkohet që të dorëzojë afidavit of support, që është një dokument I firmosur nga sponsori që deklaron se është sponsor financiar i emigrantit që vjen ne SHBA , për të jetuar përfundimisht. Sponsori primar ëshë bashkëshorti/bashkëshortja/ në këtë rast. Ajo/ai duhet të ketë të ardhura të mjaftushme për të qënë sponsor. Nëse nuk i ka, atëhere është e nevojshme një sponsor i dytë(co-sponsor). Limiti i të ardhurave për kohën që flasim, për një familje me dy veta, është $20.575, me përjashtim të rasteve kur bashkëshorja është në përbërje të forcave të armatosura. Deklarata financiare e sponsorit është ligjërisht e përgjegjshme nga ai që e firmos. Përgjegjsia e tij ligjore vazhdon derisa emigranti-anëtar i familjes që vjen, ose bëhet shtetas amerikan ose punon 10 vjet.

NVC ia dërgon dosjen konsullatës amerikane kur viza është gati dhe ju do të informoheni për vazhdimin e procesit. Procesi në këtë pikë quhet ” Consular proccesing”.

Nëse bashkëshorti/bashkëshortja juaj bëhet shtetas amerikan ndërkohë që ju po prisni për vizë, atëherë statusi juaj dhe i fëmijëve nën moshën 21 vjeç, avancohet dhe viza për ju bëhet gati në mënyrë të menjëhershme./Illyria