“Si të martohemi, kur nuk flasim”, Soreca: Shqipëria është shumë afër…

Kryeministri Edi Rama ngelet i dashuruar me Evropën por tha se ajo nuk i flet dhe s’ka se si martohen, por Ambasadori i BE, Luigi Soreca, sot nga Kukësi i dha një përgjigje ndryshe duke shprehur keqardhje për mungesën e konsensusit për reformën zgjedhore.

“Ne kemi vite që flasim me Shqipërinë dhe BE flet me Shqipërinë. Vendimi i marrë në Mars për negociatat u mor në një moment të vështirë. Shumë kushte janë përmbushur dhe Shqipëria është shumë afër plotësimit të të gjitha prej tyre. Kam mirëpritur vendimin e Presidentit dhe Parlamentit për nxjerrjen e dy vendeve vakant për Gjykatën Kushtetuese. KLGJ duhet të bëjë vlerësimin dhe ky është një kusht që duhet të përmbushet në javët në vijim për fatin e konferencës së parë ndërqeveritare,” tha Amabsadori i BE duke iu rikthyer Marrëveshjes së shkelur të 5 Qershorit: “Marrëveshja e 5 qershorit është një hap i rëndësishem. Shqipëria shpresoj të bëjë segmentin e fundit me qëllim që komisioni të marrë vendimin për konferencën ndërqeveritare ndoshta në fund të këtij viti. Ju e dini qendrimin e BE për reformën zgjedhore. Ne kemi punuar për marrëveshjen dhe u përmbush kushti për administratën zgjedhore,” tha Ambasadori Soreca duke përfunduar:

“Ne kemi shprehur keqardhjen që mazhoranca vijon punen pa konsesus dhe është e rëndesishme që të gjendet konsensusi mes palëve. Duhet të punojnë fort që zgjedhjet të jenë të lira dhe të ndershme”, është shprehur Soreca.”

Ndryshe, dje në Forumin “Europa Park” në Munich të Gjermanisë, Kryeministri Edi Rama tha se ne jemi të dashuruar me një dashuri të verbër me Evropën. “Ne duam të martohemi me ju, por duhet të flasim. Ne duhet të bëhemi shtete të besueshme demokratike.”