Si u bë Trumpi serb dhe Sorosi shqiptar?!
nga Agim Popoci
Në vorbullën e politikës shqiptare të ditës, ku sofrat janë bosh dhe popullit i serviret propagandë dhe jo bukë, ndodhë që të përfshihet edhe Presidenti i SHBA. Dhe jo vetëm kaq! Të fajësohet pse preken dhe kufijtë kosovar, madje edhe për cenimim e integritetit territorial të Kosovës në dobi të Serbisë!
Kur politikën e ditës e udhëheqin batonët dhe buzhalët, Kosova nuk ka se si të përfundoj ndryshe! Për çfarë cenimi, tradhtie, ndarje të Kosovës me mbështetjen e Presidentit Trump është fjala, askush nuk e din vetëm se i bashkangjiten fushatës së miliarderit George Soros, i cili deri më sot vetëm një gjë e ka konfirmuar se është superfinancues i partive më të ndyta komuniste të bllokut lindor, duke përfshirë edhe Shqipërinë me Kosovën!
Ti kthehemi realitetit të krijuar në Kosovë! Ramush Haradinaj u deshtë të bëhet kryeministër për ti thënë popullit, i cili nuk jeton dot pa biskotën serbe “Plazma”, se nuk duhet të blihet malli serb. Po, ky popull edhe mund ta imagjinoj Presidentin e SHBA, Donald Trump që mund të bëhet serb e George Soros shqiptar!
Aq më shumë kur këtë popull e karakterizon mungesa e kujtesës historike.
100 vjet keqtrajtime, përdhunime dhe vrasje të shqiptarëve nga shteti serb u harruan në fundin e qershorit të vitit 1999, kur këmba serbe sapo u largua, dhe dyqanet në Kosovë u mbushën me mall serbë. Ideja se nuk kanë kur të furnizohen u deshtë shumë kohë që të bëhet nul. Por, ja që nuk ndodhi hataja, jetohet edhe pa këtë mall, edhe pa “Plazma”, edhe pa qumështin e lirë të Kralevës, edhe pa miellin për të cilën u tronditë mileti.
Dhe jo vetëm kaq! U harrua shumë shpejtë edhe krijuesi i Kosovës, SHBA. Po, po, krijuesi, ai cili i vuri të gjitha pikat mbi “i” në këtë vend, dhe për të mos u kthyer shumë në kohë, intensivisht që nga viti 1992. Për këtë arsye, krijesën e vetë, Kosovën, nuk ka se si e shkelë SHBA, nëse Presidenti nuk është ai i vitit 1992.
Shembull për këtë është periudha kur Presidenti ishte Barack Obama. Ai vetëm gruan nuk e kishte serbe, por gjithçka rreth tij ishte pjellë serbe e cila vetëm kundër Kosovës mendon, duke filluar nga bashkëpunëtorët e tij më të ngushtë, pa paratë e të cilëve ai nuk bëhej dot kurrë President, dhe nuk pa njeri tanke serbe që u futën në Prishtinë. Aq më shumë ndonjë sorosist që kritikon Presidentin Obama pse shteti i ri i Kosovës pësoi një stanjacion pikërisht me ikjen e Presidentit Bush. Jo, sepse preokupim i George Sorosit nuk ishte dhe nuk është kundërshtimi i asnjë demokrati amerikan, aq më pak Presidentit Obama, bëmat e administratës së të cilit do të mbahen mend për shumë kohë me ndërhyrjet që bënë edhe në kokat e liderëve kosovarë. Dhe, po del se mirë bënë, sepse u dëshmua se janë të paaftë, se miratojnë Ligje dhe Vendime që nuk i përfill populli, siç është rasti me taksën 100 ndaj produkteve serbe.
Nëse Ambasadori i SHBA, Phlip Kosnett, kërkon që të hiqet taksa 100 % për produktet serbe, kjo nuk përkthehet siç e duan batonët dhe buzhalët, kundër Presidentit Trump dhe “mbështetjes që ai shprehë për Serbinë” ndërkohë që mbijnë nga çdo anë plane të ndryshme për shkëmbim territoresh, ndarje dhe copëtim të Kosovës!
Nëse Ambasdaori i SHBA, për arsye të ndryshme kërkon nga Qeveria e Kosovës që të anulohet taksa ndaj produkteve serbe, nuk e dëgjoi njëri që Ambasadori Kosnett të ketë kërkuar nga shqiptarët që të blejnë me patjetër produktet serbe. Dhe, as që do ta bëjë një gjë të tillë; Këtu duhet të jenë të kujdesshëm shqiptarët, dhe jo për veprimet e Presidentit të SHBA, qoftë ky edhe Donald Trump! Pra, jo vetëm keqtrajtimet, përdhunimet dhe vrasjet serbe por as masa që mori Qeveria Haradinaj nuk arriti t’ju çelë sytë kosovarëve, përkundër rezultatit spektakolar që kishte kjo masë ndaj produkteve serbe. Dhe jo vetëm kaq!
Sot batonët dhe buzhalët flasin për ndarjet dhe shkëmbimet e territoreve, duke ju bashkuar lojës së Presidentit Thaçi dhe homologut të tij serb Vuçiç, që fusin në sitë letrat e Presidentit të SHBA për të gjetur “nënkuptimin ndarje ose shkëmbim territoresh” thuase ky është shqetësimi më i madh që kanë shqiptarët!
Nëse shqiptarët nuk janë të gatshëm të ndërtojnë shtetin e tyre, duke respektuar produktin përkatësisht prodhuesin vendor i cili derdhë taksa në buxhetin e shtetit ku jetojnë, pak rëndësi ka se kur do të bëhet ose dhe a duhet të bëhet një Marrëveshje me Serbinë! Po, për Serbinë është prioritet sepse i duhet në rrugën e saj drejtë anëtarësimit në BE, dhe kjo e fundit ka frikë ka përafrimi i Vuçiçit me Rusinë.
Por shqiptarët e Kosovës kishin rastin të shohin edhe në Serbinë e Millosheviçit se si kërcënonin Evropën me përafrimin me “Nënën Rusi”, madje miratuan në Parlamentin e RFJ edhe bashkimin me Federatën Ruse, por kjo flluksë më shpejtë u harrua nga Brukseli zyrtar se sa nga Serbia, e cila karshi Bashkimit Evropian deri më sot ka shitur vetëm propagandë!
Që të mos ndodhë kjo edhe me Kosovën tonë të dashur, aty ku George Soros vazhdon me morrat e tij joqeveritar ta konturon shoqërinë civile laboratorike,
aty ku sot moszhvillimi i mendësisë së krijimit të një shteti modern nuk është rastësi, duhet ti themi ndal atij që bllokon proceset.
Projektet idiote të Sorosit dhe jo vetëm, që konsumojnë lekë pa fund, nuk kanë krijuar një qytetar të ri që e krijon të ardhmen me zhvillimin e demokracisë, por organizata qeveritare që hartojnë raporte të rreme sikur impakti i tyre është ekselent. Sot për fat të keq, jo që nuk kemi atë shqiptarin e krijuar nën regjimin pushtues serb, por gjeneratat e reja shqiptare që erdhën në jetë me sorosistët nëpër këmbë, që shohin nga Beogradi për ta parë nëse ngrohë dielli në Prishtinë.
Këto janë dhe projektet që e kanë sjellë Kosovën në këtë situatë, aty ku demokracia dhe jeta parlamentare është mizerabël, dhe grupet e interesit nuk thirren në Parlament për tu dëgjuar, në mënyrë që të hartohen Ligje, por thirren për ti dëgjuar deputetët se çfarë duhet të bëjnë në mënyrë që të vazhdojnë të thithin fonde.
Vendimi më i qëlluar i Qeverisë së Kosovës që nga ekzistimi i këtij shteti, për taksat 100 ndaj produkteve serbe, nuk mund ta ketë fundin tek një kërkesë e Ambasadorit amerikan ose kërkesë për pezullim të kryeparlamentarit. Duke njohur dhe respektuar historinë, meqë asnjë President i SHBA nuk bëhet dot serb, qoftë ky edhe Donald Trump, shqiptarët e Kosovës duhet të heqin dorë një herë e mirë nga vartësia e politikës së ditës në Beograd. Interesat e Beogradit janë vetëm të serbëve dhe askujt tjetër, dhe për shqiptarët kurrë në asnjë çast, shembull nuk duhet të jenë serbët dhe veprimet e tyre gjithnjë e më shumë kriminale. E sa për tregtinë me mallra serbe, besoj se mjafton argumenti që asnjë shtet në Ballkan nuk varet nga produktet serbe, madje gjithnjë e më pak ka produkte të këtij shteti nëpër dyqanet ballkanike.
Sa për Marrëveshjet që po mbijnë çdo ditë dhe po komentohen nga batonët dhe buzhelët. Çdo shqiptarë duhet ta respektoj veten e vetë, dhe të mos humb kohë, me Marrëveshje që fusin në pazar Trepçën ose Gazivodën, e imagjinata e atyre që hartojnë projekte dhe nuk shikojnë as nga dritarja shkon deri aty sa fusin edhe pjesën e autostradës Beograd-Shkup që kalon nga Lugina e Preshevës.
Pse duhet shqiptarët të futen në negociata për Trepçën kur ajo është e Kosovës së pranuar nga shtetet më të fuqishme në botë, për këtë mund të broçkullisin vetëm batonët dhe buzhalët;
Pse shqiptarët duhet të futen në negociatat për Gazivodën kur ai është një financim i paguar vetëm nga qytetarët e Kosovës, për këtë nuk mund të broçkullisin as batonët e aq më pak buzhalët që për momentin e kanë prishur terezinë me Thaçin. E sa për urën idiote që e ndërtoi krimineli Sllobodan Millosheviç mbi këtë liqe për 26 shtëpi serbe ku rezident ishin 23 serbë, për këtë nuk duhet të shqetësohet fare Prishtina zyrtare.
Dhe në fund, Marrëveshje të ndryshme mund të publikohen edhe në të ardhmen por si mund ta jap Serbia pjesën e autostradës që kalon nëpër Luginë të Preshevës, aq më shumë kur arsyetimi është tejet i çuditshëm: Që Serbia ta njehë Kosovën! Serbia mund ta njohë dhe do ta njehë Kosovën, por që ta jap këtë pjesë të korridorit më të rëndësishëm ortodoks Beograd-Selanik, nuk ka çmim. Nëse batonët dhe buzhalët nuk e kanë kuptuar se veriu i Kosovës nuk do të ketë më asnjë vlerë për Serbinë kur të mbyllet Marrëveshja me Kosovën, mund të shfletojnë shtypin kroatë dhe atë serbë, dhe të mos lexojnë vetëm shkrimet e veta. Krajina dhe Knini me të cilat një kohë Millosheviçi bënte namin në Ballkan dh ejo vetëm, sot nuk përmenden. Sot nuk janë çështje as në mes të Kroacisë dhe Serbisë, jo se Beogradi zyrtar nuk i don serbët që jetojnë, jo se Krajina nuk është më e pasur se Kosova, por thjeshtë nuk ka interes!
