Siguria e digave, projekti shtyhet për një vit për shkak të situatës me COVID-19
Banka Botërore bëri me dije se qeveria shqiptare i ka kërkuar shtyrjen me një vit të mbylljes së projektit për sigurinë e digave vetëm në një nga linjat e kreditimit nga tre që ka në total ky projekt.
Sipas një raporti të bërë publik BB njoftoi Ministria e Financave dhe Ekonomisë kërkoi këtë për shkak të situatë së pandemisë përmes një shkrese të dërguar në fund të tetorit.
“Projekti ka tre burime financimi që janë aktualisht të skeduluar për t’u mbyllur në 31 dhjetor 2020. E para kredia e IDA me vlerë 35.3 milionë, e dyta nga Banka Ndërkombëtare për Rindërtim dhe Zhvillim me një vlerë21.6 milionë USD dhe e treta po një kredi nga IBRD si shtesë me vlerë 14.9 milionë USD e disbursuar rreth 50 për qind. Financimi origjinal dhe ajo shtesë e parë janë disbursuar plotësisht dhe nuk do të ketë aktivitete që mbeten pezull e për rrjedhojë do të mbyllen në 31 dhjetor 2020 ndërsa shtesa e dytë e kësaj kredie do të skedulohet për t’u zgjatur edhe një vit deri në 31 dhjetor 2021” vlerëson BB në raportin e saj.
Në total financimi për projektin e sigurisë së digave ka një shumë prej 71.8 milionë USD.Kjo do të jetë zgjatja e katër e projektit duke e çuar në total kohëzgjatjen kumulative të kërkuar nga nisja e projektit në vitin 2008 rreth 96 muaj.
Edhe pse zbatimi ka qenë në përgjithësi në nivele të kënaqshme kompletimi deri në fund të këtij viti nuk është i mundur për disa shkaqe. Së pari vonesa në nisjen e rehabilitimit të portave izoluese nr.3 në HEC-in e Fierzës për shkak të nivelit të lartë të rezervuarit, nevoja për punë shtesë të zbuluara në portat izoluese të HEC-it Koman (3 dhe 4) dhe nevoja për punë shtesë në portën radiale të Fierzës numër 3 dhe pamundësia e kontraktorit për të punuar në pjesën shkarkuese për shkak të operimit të kaskadës gjatë sezonit të lagësht nga Nëntori 2019 deri në prill 2020 kur KESH kishte kërkuar që të mbante kapacitet të plotë shkarkues në HEC-in e Komanit. Së fundmi një tjetër arsye është edhe ajo e kufizimeve nga COVID që kanë ndikuar jo pak zbatimin e projektit.
Pandemia ka shkaktuar vonesa në një sërë aspektesh duke nisur nga importi i pajisjeve të reja dhe vonesat në kthimin e pajisjeve që ishin dërguar jashtë për riparim tek prezentë periodike në terren e nënkontraktorëve që bënin çmontimin apo testimin dhe komisionimin e pjesëve të ndryshme të projektit, mungesa e punonjësve të projektit apo KESH në terren apo ngadalësimi i punës./Monitor/
