Siguria në Kosovë, Stoltenberg: Çelësi për sigurinë në Ballkan

Në fjalimin e fundvitit, duke theksuar ndër tjera edhe aktivitetet e NATO-s në Kosovë, Sekretari i Përgjithshëm i Aleancës Veri-Atlantike, Jens Stoltenberg, tha se ky është çelësi për sigurinë në Ballkanin Perëndimor.

“Ky vit ka qenë një vit si asnjë tjetër. Lufta e ilegale e agresionit të Rusisë në Ukrainë e ka bërë botën tonë më të rrezikshme”, shprehet Stoltemberg në mesazhin e tij duke shtuar se përballë krizës më të madhe të sigurisë në Evropë që nga Lufta e Dytë Botërore, NATO është përgjigjur me forcë dhe unitet.

”Brenda disa orësh nga pushtimi, ne aktivizuam planet tona të mbrojtjes,” rikujtoi ai.

“Tani kemi mbi 40,000 trupa nën komandën e NATO-s në pjesën lindore të Aleancës”.

Stoltemberg tha se mbështetur nga aftësi të konsiderueshme në ajër dhe në det, NATO ka  dyfishuar numrin e grupeve  luftarake, nga katër në tetë.

“Dhe ne do të vazhdojmë të forcojmë parandalimin dhe mbrojtjen tonë. Ajo që bëni ju, forcat tona të armatosura, u dërgon një mesazh të qartë Moskës dhe kujtdo që do të na sfidonte: NATO është këtu,” tha ai në mesazhin e tij përmes rrjetit social Twitter.

“Ne do të ruajmë dhe mbrojmë çdo pëllëmbë të territorit tonë. Këtë vit, kam pasur privilegjin të takoj shumë prej jush. Ushtrimi në Norvegji. Mbrojtja e qiellit nga Komanda Ajrore Ramstein duke shërbyer në bordin e USS aeroplanmbajtëseses George H.W. Bush”.

“Ruajtja e një mjedisi të sigurt dhe sigurinë në Kosovë, e cila është kyçe për stabilitetin e rajonit të Ballkanit Perëndimor, ose të ndihma e forcave të sigurisë në Irak për të siguruar që ISIS të mos kthehet. Ju luani një rol thelbësor për sigurinë tonë,” tha ai në fjalimin e tij duke konstatuar

“Dhe, aleatët e NATO-s po investojnë më shumë në mbrojtje”.

Në fund, Sekretari i Përgjithshëm i NATO-s, Jens Stoltenberg, u shpreh se mbështetja e forcave të armatosura e bën Aleancën më të fortë dhe të gjithë njerëzit janë më të sigurt.