Sinaloa në shënjestër, DEA: Arrestuam 617 anëtarë të njërit prej karteleve më të fuqishme në botë
Agjencia Amerikane e Zbatimit të Ligjit për Drogën, DEA, njoftoi se 617 persona u arrestuan gjatë një operacioni njëjavor që kishte në shënjestër kartelin famëkeq të drogës Sinaloa.
Sipas të dhënave të DEA-s, u sekuestruan 480 kilogramë pluhur fentanili, më shumë se 714 mijë pilula të falsifikuara, 2209 kilogramë metamfetaminë dhe 7469 kilogramë kokainë. Ata gjithashtu konfiskuan 420 armë zjarri, para të gatshme dhe prona me vlerë pothuajse 13 milionë dollarë.
The DEA shared results of a week-long operational surge aimed at dismantling the #Sinaloa #Cartel, one of the world’s most violent and powerful drug cartels. While the numbers reflect a one-week snapshot (Aug 25-29), the efforts to combat the cartel persist year-round. @DEAHQ pic.twitter.com/L8YBgQPXrN
— DEALosAngeles (@DEALOSANGELES) September 8, 2025
Një nga kërcënimet më të mëdha për sigurinë kombëtare të SHBA-së
“Arrestimet kishin për qëllim shkatërrimin e Sinaloas, një nga kartelet më të dhunshme dhe të fuqishme të drogës në botë, përgjegjëse për përmbytjen e Shteteve të Bashkuara me fentanil, metamfetaminë, kokainë dhe heroinë,” tha DEA.
Në muajin shkurt, administrata e Presidentit Donald Trump e shpalli kartelin Sinaloa dhe shtatë grupe të tjera si organizata terroriste të huaja. DEA vazhdon ta shohë Sinaloan si një nga kërcënimet më të mëdha për sigurinë publike dhe sigurinë kombëtare të SHBA-së.
“Karteli i pamëshirshëm kërkon të fitojë para duke helmuar komunitetet tona”
“Këto rezultate tregojnë angazhimin e DEA-s për të mbrojtur popullin amerikan”, tha Drejtori i DEA-s, Terrance Cole.
“Çdo kile helm i sekuestruar, çdo dollar i marrë nga kartelet dhe çdo arrestim që bëjmë përfaqëson jetë të shpëtuara dhe komunitete të mbrojtura. DEA nuk do të pushojë derisa Karteli Sinaloa të shpërbëhet nga fillimi në fund.”
Brian M. Clark, Agjent Special i Përgjegjshëm për Zyrën Rajonale të Los Angeles, tha: “Shtrirja e Kartelit Sinaloa është e gjerë dhe e pandalshme. Ky kartel i pamëshirshëm kërkon të fitojë para duke helmuar komunitetet tona me helmin e tij, pavarësisht vuajtjeve njerëzore. Kjo është arsyeja pse puna e DEA-s mbetet kritike dhe e fokusuar.”
Ndryshe, Operacionet e koordinuara u kryen nga 25 deri më 29 gusht në territoret e mbuluara nga 23 zyra në terren të DEA-s dhe shtatë rajone të huaja, tha DEA. Ato rezultuan në arrestimin e 617 personave dhe sekuestrimin e një sasie të madhe narkotikësh.
Operacioni përfaqëson një nga goditjet më të rëndësishme ndaj kartelit të fuqishëm meksikan, i cili konsiderohet përgjegjës për përmbytjen e Shteteve të Bashkuara me drogë të rrezikshme, tha DEA.
