Singapor, ekzekutohet me varje për 1 kg marijuanë

Përkundër përpjekjeve të familjarëve dhe aktivistëve për amnisti ose rigjykim të rastit, sot në mëngjes Tangaraju Suppiah, 46 vjeç, nga Singapori, u var në litar për shkak të trafikut të 1 kilogrami marijuanë.

Gjatë ditëve të fundit anëtarët e familjes së të dënuarit i kanë dërguar letër presidentes së Singaporit, Halimah Yacob, ku i kërkuan amnisti për Tangaraju ndërsa mbesa e tij duke i bërë thirrje opinionit publik që të kërkoj nga presidentja singaporiane Halimah Yacob që ta parandaloj ekzekutimin, mbrëmjen e së martës tha se nuk do të humb shpresat deri në momentin e fundit.

“Do ta vrasin në 6 të mëngjesit, e ne do të shpresojmë deri në orën 5:55 të mëngjesit. Daja im është njeri shumë i mirë, nuk kishte as arsim dhe as para, por ka punuar shumë që të kujdeset për ne,” tha Phil Robertson nga Human Rights Watcha duke cilësuar këtë ekzekutim të paparë.

This afternoon, the courts dismissed Tangaraju’s final legal application without giving him an oral hearing. He has no more legal options left. His only chance is for President Halimah Yacob to grant him clemency.#StopTheKilling #SpareTangaraju

— Transformative Justice Collective (@tjc_singapore) April 25, 2023

Tangaraju Suppiah është dënuar për “pjesëmarrje në konspiracion” trafikimin e një kilogrami marijuanë nga Malajzia në Singapor në vitin 2013, raporton BBC. Ndonëse nuk është kapur gjatë trafikimit, prokurorët janë shprehur se ai ishte fajtor për koordinimin e trafikut të drogës, dhe këtë e kishin konstatuar me përgjimin e dy telefonave që ai kishte përdorur.

Ndryshe, Singapori ka disa prej ligjeve më të rrepta kundër drogës në botë për të cilat thotë se janë të domosdoshme për mbrojtjen e shoqërisë.

Në vitin 2022 Singapori ka ekzekutuar 11 persona për shkak të trafikut të drogës, duke përfshirë këtu dhe Nagaenthrana Dharmalingama, malejzianin me vështirësi në të mësuar, rasti i të cilit shkaktoi reagime të ashpëra globale si dhe protesta të rralla në Singapor.