Singapor, patenta e shoferit kushton 100 mijë €! Makinën nuk mund ta bleni…

Çmimi i patentës së shoferit për drejtimin e makinës familjare në Singapor ka arritë vlerën rekord prej 101.000 euro.

Në vitin 1990, qyteti-shtet e ka futur sistemin 10 vjeçar të patentës së shoferit, COE, si masë për rrëmujën në trafik. Kështu banorët e Singaporit duhet të kenë COE nëse duan të blejnë makinë. Patentat e shoferit shiten çdo dy javë në ankande publike, e qeveria kontrollon numrin e patentave që shiten.

Singapori, përveç tatimit dhe doganës, është shteti më i shtrenjtë në botë ku mund ta bleni një makinë. Për shembull, Toyota Camry Hybrid e re në Singapor kushton rreth 250.000 dollar singapori ku përfshihet patenta dhe tatimi, dhe është gjashtë herë më shtrenjtë se në SHBA, raporton BBC.

Ka COE të ndryshme, për makina të vogëla, motoçikleta dhe makina komerciale. Patenta më e lirë kushton 104.000 dollarë ose rreth 72.000 euro, që është tre herë më shumë se në vitin 2020 kur gjatë pandemisë kërkesa për makina të reja ishte më e vogël.

Përkundër kësaj, Singapori renditet ndër shtetet me numrin më të madh të milionerëve në botë. Mirëpo, popullsia lokale nuk mund ta marrë aq lehtë patentën e shoferit.

Qeveria ka vendos këtë lloj sistemi për të nxitur qytetarët të shfrytëzojnë transportin publik, dhe sot ky lloj transporti renditet ndër më të mirë në botë.

Qyteti-shtet, me rreth 5.5 milionë banorë, vitin e kaluar kishte pak më pak se 1 milion makina personale. Numri i COE që mund të merren, varet nga numri i makinave të vjetëra që largohen nga rrugët.