Sirena alarmi në veri, Sveçla: Arrestohet një nga organizatorët e sulmeve ndaj KFOR-it!
Sërish pasdite dramatike në veri të Mitrovicës! Sirenat e alarmit u dëgjuan në Mitrovicë të Veriut, qytetarët serbë filluan të grumbullohen, telelvizioni publik i Serbisë, RTS, informoi për një serb të arrestuar me inicialet M.M. dhe për pak minuta ministri i Brendshëm i Kosovës, Xhelal Sveçla sqaroi se është arrestuar njëri nga organizatorët e sulmeve ndaj pjesëtarëve të KFOR-it.
“Policia e Kosovës sot ka arrestuar Milun Milenkoviç – Llune, një nga udhëheqësit e formacionit kriminal “Mbrojtja Civile” dhe prijësin e bandave kriminale që ndër vite kanë terrorizuar qytetarët tanë, kanë sulmuar pjesëtarët e Policisë së Kosovës dhe institucionet e Republikës së Kosovës. I njejti ka qenë edhe organizatori kryesor i sulmeve ndaj forcave të KFOR-it dhe Policisë së Kosovës në Zveçan,” tha Xhelal Sveçla përmes rrjetit social Facebook duke bërë të ditur se gjatë arrestimit të tij, janë sulmuar zyrtarët e Policisë së Kosovës me ç’rast tre nga ta janë të lënduar lehtë.
“Siç edhe e kam theksuar në vazhdimësi, koha e bandave kriminale në veriun e vendit tonë ka përfunduar. Të gjithë individët apo grupet kriminale që kanë cënuar sigurinë dhe rendin kushtetues të Republikës së Kosovës, do të përballen me drejtësinë,” tha ministri i Brendshëm, Xhelal Sveçla duke u zotuar:
“Republika nuk do të zmbrapset.”
Ndërkohë, televizioni publik i Serbisë, RTS, duke ju referuar dëshmitarëve okularë, raporton se arrestimi është kryer nga forcat e Njësisë speciale të Kosovës që nuk ishin nën uniformë, menjëherë reaguan qytetarët, kishte përplasje, policia u tërhoq në Mëhallën e Boshnjakëve ndërsa shumë shpejt erdhi dhe një makinë e blinduar!
Por shumë shpejtë dolën pamjet e arrestimit në rrjetet sociale që përgënjeshtruan këtë propagandë serbe.
https://t.co/lVOGYLH4Z9 👈
— VESTI (@radojkovicveljk) June 13, 2023
Ponovo sirena u Kosovskoj Mitrovici čuju se kratki rafali opsirnije na linku iznad!!!#Kosovo #Srbija #Serbia #Beograd #Belgrade #Vucic #Kurti #NATO #KFOR pic.twitter.com/ktVJ2hc9SB
Ndërkohë sirenat e alarmit në veri të Mitrovicës kanë vazhduar ndonëse krimineli serb, Milun Milenkoviç – Llune, tashmë është i arrestuar dhe pritet të dalë para drejtësisë.
