Siri, avioni ushtarak rus me 14 persona në bord, goditet nga raketa izraelite

Një avion ushtarak rus Il-20, me 14 persona në bord, u zhduk nga radari pas fluturimit mbi Siri, bëri të ditur Ministria e Mbrojtjes e Rusisë.

“Lidhja me ekuipazhin e avionit rus Il-20, mbi Detin Mesdhe, është humbur”, tha ministria.

Kontrollorët e trafikut ajror në Khmeimim Airbase humbën kontaktin me avionin mbrëmjen e së hënës. Kjo ndodhi gjatë një sulmi nga aeroplanët izraelit F-16 në Latakia

Forca ushtarake ruse është në operacion kërkimi.

Rusia ka nisur sulme ushtarake në Siri në vitin 2015, pas kërkesës së presidentit sirian, Bashar al-Assad, i cili ka mbetur në pushtet pavarësisht shtatë vjetëve luftë civile.

Konflikti, deri më tash, ka vrarë mbi 350 mijë njerëz.

Incidenti me avionin rus raportohet të ketë ndodhur rreth 35 kilometra larg bregdetit sirian, derisa ai po kthehej në bazën ajrore ruse Hmeimim, pranë qytetit veriperëndimor të Sirisë, Latakia. Radarët rusë gjithashtu regjistruan nisjen e raketave nga një luftanije franceze në Mesdhe në mbrëmjen e 17 shtatorit.