Situata me Kosovën nuk është mirë, Vuçiç: Po shkon drejt njohjes nga Serbia!
Ndonëse prezantoi armatimin e ri për ushtrinë serbe dhe sot mund të thuhet sërish se u bë vendi më i armatosur në Ballkan, sot Presidenti i Serbisë, Aleksandar Vuçiç, duke deklaruar pas parakalimit që e pagëzoi “Mburoja 2022” se Serbia është roje e paqes dhe stabilitetit dhe se nuk do të jetë thes i askujt për goditje, e pranoi se nga Kosova, Serbia nuk duhet të pres asgjë të mirë dhe gjithçka po shkon drejt njohjes së pavarësisë së Kosovës.
“Nuk ka asgjë të mirë që mund të presim. Shumë mendojnë se situata në Ukrainë ndërlidhet me Kosovën, nuk kemi asgjë të mirë që të presim nga bisedimet rreth Kosovës sepse ne nuk po bisedojmë. Ne dikur kishim dialog, e tani me Kurtin nuk e kemi,” tha Vuçiç duke e thënë qartë para oficerëve më të lartë serbë dhe liderin e Republika Srpskas që kishte në krah, se nuk ka miqësi në politikën ndërkombëtare:
“Sa i përket Kosovës, situata nuk është mirë, gjithçka po shkon drejt asaj që serbët do të largohen dhe Serbia do ta njohë pavarësinë e Kosovës, jam skeptik në këtë pikëpamje,” tha Presidenti i Serbisë, Aleksandar Vuçiç, ndërsa për zhvillimet e fundit në Rusi u shpreh qartë:
“Nuk ka miqësi në politikën ndërkombëtare, i përhershëm është vetëm interesi!”
Ndryshe, parakalimin e armatimit të cilin Presidenti i Serbisë, Aleksandar Vuçiç, e e pagëzoi “Mburoja 2022” nuk ishte thjeshtë parakalim i armatimi por u bë me qëllim të prezantimit të sistemit antirakteor kinez FK-3 me të cilin ushtria serbe u pajis kohë më parë.
