Situata në parlament e jashtëzakonshme, Berisha: Edi Ramës do ti japim përgjigjen e merituar!

Pas mbledhjes së Grupit Parlamentar të Partisë Demokratike, Kryetari i PD, Sali Berisha, tha se situata në parlament është e jashtëzakonshme dhe që në seancën e ardhshme, Edi Rama do të marrë përgjigjen e merituar.

“Sot Shqipëria në parlamentin e saj nuk ka më pluralizmin e vërtetë. Sot ka një pushtet të Edi Ramës, po e theksoj edhe njëherë, dje Radio France International, e akuzon si të lidhur me drogën. Ndërkohë janë të dhënat e gjithanshme për lidhjet e tij me kartelet më të rrezikshme të botës, tani këtij i duhet të shuajë me çdo kusht, zërat e opozitës së vërtetë dhe të mbajë pluralizmin me peng opozitën,” tha Sali Berisha duke i cilësuar këto akte antidemokratike, destabilizuese dhe të papranueshme për popullin opozitar ndërsa garantoj se po hyjnë në një periudhë të re, në të cilën do të fitojnë, në të cilën populli opozitar do të fitojë.

Deklaratë:

Situatës së jashtëzakonshme të krijuar në parlament nga Edi Rama, i cili në një qëndrim të paprecedentë në historinë e parlamentarizmit, merr përsipër ti caktojë opozitës ti caktojë kryetarin e saj, të bllokojë çdo Komision Hetimor Parlamentar që nuk i intereson, merr përsipër të bllokojë të gjitha këto në kundërshtim me Kushtetutën, çdo iniciativë ligjore të deputetëve të parlamentit, dhe janë me dhjetëra të tilla, grupi parlamentar e konsideron këtë një situatë të jashtëzakonshme dhe garanton qytetarët se që në seancën e ardhshme dhe në vazhdim, do të japë çdo përgjigje të merituar.

Sot Shqipëria në parlamentin e saj nuk ka më pluralizmin e vërtetë. Sot ka një pushtet të Edi Ramës, po e theksoj edhe njëherë, dje Radio France International, e akuzon si të lidhur me drogën. Ndërkohë janë të dhënat e gjithanshme për lidhjet e tij me kartelet më të rrezikshme të botës, tani këtij i duhet të shuajë me çdo kusht, zërat e opozitës së vërtetë dhe të mbajë pluralizmin me peng opozitën.

Këto akte janë antidemokratike, destabilizuese dhe janë të papranueshme për popullin opozitar.

Ju garantoj se ne hyjmë në një periudhë të re, në të cilën do të fitojmë, në të cilën populli opozitar do të fitojë.

Pyetje: A po diskuton grupi parlamentar i PD, për të zgjeruar aksionin në terren dhe për të nisur takimet e përbashkëta me bazën dhe a ka një gatishmëri edhe nga grupi tjetër i deputetëve që ju të jeni bashkë edhe kur të takoni demokratët në bazë.

Sali Berisha: Ju siguroj se diskutime intensive, pozitive po zhvillohen dhe të gjitha këto që thoni ju do të ndodhin.

Pyetje: Dmth pranoni se bashkë me Gazment Bardhin do të dilni në bazë?

Sali Berisha: Kurdo që ta gjykojmë oportune. Gazment Bardhi është kryetari i grupit parlament të PD, i të gjithë deputetëve të PD, përveç një grupi të vogël që kanë mbetur dhe uroj të kuptojnë greminën e turpit në të cilën po i fut Lulzim Pengu, sepse ata nuk janë aty si deputetë për tu keqpërdorur nga Lulzim Pengu dhe Edi Rama, por janë për tu qëndruar besnik idealeve dhe ti bashkohen sa më parë grupit të PD.

Pyetje: Z. Berisha, ju po thoni se në Kuvendin e Shqipërisë nuk ka më pluralizëm. Por në kushtet që sipas jush nuk ka më pluralizëm, cilat janë ato veprime konkrete që ju si opozitë mund të ndërmerrni. A ka mekanizma si parlamentar edhe ekstraparlamentar për të arritur në të ashtuquajturin pluralizëm brenda Kuvendit të Shqipërisë.

Sali Berisha: Ne besojmë se ka mekanizma, dhe ne do të adaptojmë çdo formë legjitime për rivendosjen e pluralizmit politik në parlament.

Pyetje: Në mbledhjen e grupit pati propozime për krijimin e një partie të re politike. A u diskutua?

Sali Berisha: Jo nuk është diskutuar. Unë ua dhanë përgjigje.