Situata në Veri të Kosovës, Lajçak: Ulni tensionet, lejoni lirinë e lëvizjes

Pas situatës së krijuar në Veri të Kosovës me vendosjen e targave të përkohshme për qytetarët e Serbisë, ku serbët lokal dhe jo vetëm kanë bllokuar rrugën drej Jarinjes, Përfaqësuesi Special i Bashkimit Evropian për dialogun Kosovë-Serbi, Miroslav Lajçak, i shqetësuar tha se ka informuar shtetet e BE ndërsa palëve u bëri thirrje të ulin tensionet dhe të lejojnë lirinë e lëvizjes.

“I informova shtetet e BE -së mbi situatën në veri të Kosovës. Jam i shqetësuar dhe bëj thirrje për një shkallëzim të menjëhershëm. Është e rëndësishme të ulni tensionet, të rivendosni një atmosferë paqësore dhe të lejoni lirinë e lëvizjes,” thekson Miroslav Lajçak përmes rrjetit social Twitter duke shprehur gatishmërinë:

Ne jemi të gatshëm për të lehtësuar bisedimet për të gjitha çështjet e hapura në dialog!

Ndryshe, Ambasadorët e Quintit si në Prishtinë ashtu dhe Beograd kanë vazhduar përpjekjet për gjetjen e një zgjidhje kompromisi të cilën Presidenti i Serbisë, Aleksandar Vuçiç, e refuzoi ndërsa Kryeministri i Kosovës e bëri të qartë se targat e përkohshme ose do t’i mbajnë ose do t’i heqin të dyja shtetet.