Situata pas zgjedhjeve të 25 Prillit, PD mbledh Kryesinë dhe Këshillin Kombëtar

Pas situatës së krijuar me zgjedhjet e 25 Prillit, ku Partia Demokratike vazhdon betejën ligjore mbi masakrën elektorale ndërkohë strukturat lokale janë në pritje të veprimeve të mëtutjeshme, krerët e partisë kanë vendosur të mbledhin Kryesinë dhe Këshillin Kombëtar të dielën më 16 Maj.

Në njoftimin drejtuar anëtarëve të Kryesisë dhe Këshillit Kombëtar, sigluar nga Sekretari i Përgjithshëm, Gazmend Bardhi, sqarohet se mbledhja do të zhvillohet më 16 Maj në orën 17:00, përkatësisht në orën 19:00 me këtë rend dite:

“Diskutime dhe vendimmarrje sipas Statutit për proceset politike pas situatës së krijuar me masakrën elektorale të zgjedhjeve të 25 Prillit”.

Ndryshe, pas zgjedhjeve të 25 Prillit sot KAS ka merr vendimin e parë duke hedhur poshtë kërkesat e PD për pavlefshmërinë e zgjedhjeve në Qarkun Gjirokastër ndërkohë Kryetari i PD, Lulzim Basha, ka zhvilluar takime me strukturat e Partisë Demokratike në Durrës dhe Lezhë.

Njoftimi: 

Të nderuar anëtarë të Kryesisë!

Ditën e dielë, datë 16 Maj 2021, ora 17:00, do të zhvillohet mbledhje e Kryesisë së Partisë, me rend ditë: “Diskutime dhe vendimmarrje sipas Statutit për proceset politike pas situatës së krijuar me masakrën elektorale të zgjedhjeve të 25 Prillit”.

Më pas, në orën 19:00, me të njëjtin rend dite, do të zhvillohet mbledhja e Këshillit Kombëtar.

Mbledhjet do të zhvillohen në selinë e Partisë, në sallën e Grupit Parlamentar, Kati i II.

Ju lutem merrni masat për pjesëmarrjen tuaj!

Me respekt,
Sektetari i Përgjithshëm
Gazment Bardhi