Situatë e qetë në veri, Escobar dhe Lajçak sot takim me Kurtin
Ndonëse për sot është bërë thirrje për një protestë masive në Zveçan, mëngjesin e sotëm numri i protestuesve është shumë i vogël dhe situata paraqitet e qetë.
Madje afër godinës së komunës në Zveçan ka një numër shumë më të vogël protestuesish në krahasim me ditët paraprake, raporton RFE, aty ku sot në mëngjes janë shfaqur edhe kryetari dhe nënkryetari i Listës Srpsa, Goran Rakiç dhe Igor Simiç.
Edhe përgjatë javës së kaluar në protesta, si Rakiç ashtu dhe Simiç, i kanë bërë thirrje të vazhdueshme pjesëtarëve të KFOR-it që të jenë garantuesit e vetëm të sigurisë në atë pjesë, dhe që të mos ketë pjesëtarë të Policisë së Kosovës.
Escobar dhe Lajçak sot në Kosovë
I dërguari amerikan për Ballkanin Perëndimor, Gabriel Escobar, dhe i dërguari i Bashkimit Evropian për dialogun Kosovë-Serbi, Mirosllav Lajçak do të zhvillojnë takime me krerë më të lartë shtetërorë në Prishtinë dhe Beograd, më 5 dhe 6 qershor.
Zyra e kryeministrit të Kosovës, Albin Kurti ka bërë të ditur se takimi me diplomatët e huaj do të nisë në orën 20:00 në ndërtesën e Qeverisë.
Një ditë më parë, Escobar tha për BBC se tensionet në veri të Kosovës kanë qenë të shmangshme, dhe i ka bërë thirrje Qeverisë së Kosovës që të marrë hapa drejt uljes të tensioneve.
Në mesin e kërkesave të përmendura për Qeverinë e Kosovës, raporton RFE, ka qenë që kryetarët e rinj shqiptarë të mos shkojnë në ndërtesat komunale, dhe që të tërhiqen forcat e Policisë së Kosovës nga ato ndërtesa.
Ndryshe, serbët janë duke mbajtur protesta që nga momenti i parë i vendosjes së kryetarëve të rinj në godinat e komunave në veri, aty ku Lista Srpska i ka bojkotuar zgjedhjet e prillit duke u bërë thirrje edhe qytetarëve serbë që të mos dalin në zgjedhje.
Për pasojë, në katër komunat në veri të Kosovës, Mitrovicë Veri, Zveçan, Lepsoaviç dhe Zubin Potok, kryetarë u zgjodhën 4 shqiptarë!
Sot, për uljen e tensionet e tensioneve, BE si kërkesë kryesore ka mbajtjen e zgjedhjeve të jashtëzakonshme dhe korigjimin e këtij realiteti elektoral!
