Situatë kritike, Rama merret me propagandë, Basha: Të rishikohet Akti Normativ, të ndihmohen…

Situatë seriozisht e jashtëzakonshme, tha Kryetari i Partisë Demokratike, duke folur sot rreth situatës së krijuar nga koronavirusi ndërsa kërkoi rishikimin e Aktit Normativ në mënyrë që të gjithë personat që kanë nevojë, të ndihmohen. testimin e qytetarëve tha se ndihma qytetarëve duhet dhënë me para në dorë sepse edhe sistemi ekonomik rrezikon të kolapsoi.

“Edhe njëherë dua të falënderoj nga zemra gjithsecilin prej jush për sakrificën e këtyre 3 javëve. Për shqiptarët edhe më e rëndë kjo sakrificë se sa për qytetarët e vendeve të tjera për shkak të rrethanave ekonomike.
Me këtë nivel të lartë vetëdijesimi, me vullnetin për të qëndruar në krah të njëri- tjetrit dhe me masat, ne të gjithë së bashku do ta kalojmë këtë dhe do shikojmë pas me një lloj krenarie. Autoritetet t’i përgjigjen sakrificës së qytetarëve, mjekëve, mijëra sipërmarrësve duke bërë të mundur që nëpërmjet paketës të jemi pjesë e kalimit me sukses të kësaj pandemie. Deri tani prijnë qytetarët me ndërgjegjësimin e tyre dhe mjekët. Unë dhe PD do insistojmë në mënyrë të përditshme duke parashtruar dhe propozimet tona në mënyrë të detajuar. Koha nuk pret, jemi në garë me kohën. Kanë kaluar 3 javë nga shpalosja e parë e propozimit tonë ekonomik. Duhet të merren pa asnjë vonesë masat për t’i ardhur në ndihmë çdo shqiptari. Kjo është një kohë e jashtëzakonshme, të cilën me shumë mundësi do ta mbajmë mend gjatë por është një kohë që do e kalojmë së bashku,” tha Lulzim Basha, në një videokonferencë sot me gazetarë ndërsa i pyetur se çfarë nuk po bën mirë qeveria, Lulzim Basha, tha se do ketë një kohë kur të kërkojmë llogari dhe transparencë totale.

“Kjo nuk është koha për një debat politik. nuk është koha për të treguar përgjegjësitë. Qëllimi jonë të mundësojmë që veprimet të kryhen siç duhet dhe në kohë. Pa diskutim do ketë një kohë kur të kërkojmë llogari dhe transparencë totale.  Por nuk është koha për të bërë këtë. Tani është koha tek përqendrimi i energjive tona te kalimi i kësaj pandemie me sa më pak viktima.”

Situatën, Basha e vlerërsoi kritike ndërsa kritikoi qeverinë se paratë i çon nëpër koncesione dhe jo për këtë situatë emergjente.

“Situata është kritike. Ka fjalë të mëdha dhe nuk ka vepra. Kosova ka vënë në dispozicion 170 mln euro, kurse Shqipëria ka vënë në dispozicion një të tretën e kësaj shume, edhe pse ka buxhet 2-fish më shumë se Kosova. Bizneset janë në panik. Të vendosen fonde mjaftueshëm për biznesin. Janë të shumtë shqiptarët në vështirësi ekonomike. Si do ta shtyjnë? Absolutisht për t’u përshëndetur dyfishimi i ndihmës sociale, por janë hequr plot familje nga ajo listë.

Nuk ka xhiro për bizneset, nuk ka fitim. Paketa duhet të trefishohet. Një media ka bërë publike sesi është hapur tender për blerje qeleshesh. Kjo tregon gjendjen mendore të rëndë të qeverisjes. Duhet të mos dëgjojmë më raste si nëna në Vlorë, që thoshte ha bukë me sheqer. Të varfërit janë pa ushqime sot.”

Edhe me këtë rast lideri i opozitës e përsëriti se duhen bërë më tepër testime.

“Qytetarët dhe mjekët kanë nevojë për sa më shumë testime. Për shqiptarët, ky 3 mujor ka qenë më i rëndë se për evropianët, për shkak të rrethanave ekonomike. Ne së bashku do e kalojmë këtë të keqe. Në pandemi prijnë qytetarët me ndërgjegjen e tyre dhe patjetër mjekët e infermierët me punën e tyre sublime. Duhet të merren masa, në mënyrë që shqiptarët të kenë kushtet bazë, mos t’ju mungojë ushqimi, të kenë minimumin financiar për të jetuar në mënyrë normale. Uroj të ketë sa më pak humbje jetesh,” tha Basha ndërsa kërkoi që qeveria të bëjë edhe transparencën për këtë situatë.

“Do kërkojmë përgjegjësit pse u vonuan masat, por nuk është koha tani. Tani është koha për të përqëndruar energjitë tona në kalimin me sukses, me sa më pak viktima të kësaj epidemie. Shqipëria nuk ka transparencë. I kërkoj qeverisë që të bëjë transparencën. Sa pika testimi do të hapen, të na thotë qeveria. Ekspertët na kanë thënë se një test vlen 3-4 euro. Testimi duhet të bërë sa më masiv.

Është shumë më pak se shumat marramendëse se sa kontratat e tenderave. Është hapur një tender për zyrat e Spitalit të Traumës. Nuk është prioritet kjo, por jeta e personelit. Duhen pajisje testuese. Duke qenë këta mangësi, mjekët rrezikohen shumë. Të ndryshojë rrënjësisht përqasja e këtyre 3 javëve. Është e domosdoshme që sakrifica e shqiptarëve të mos shkojë kot.”

Ndërkohë i pyetur nëse do të ulej në një tryezë me Ramën për të diskutuar mbi mënyrën e daljes nga kjo krizë, Basha tha:

Shqipëria duhet të marrë shembull modelet e vendeve fqinje, si Kosova, Maqedonia e Veriut, për t’u ardhur në ndihmë qytetarëve të saj në këtë kohë pandemie tha Lulzim Basha ndërsa sqaroi qeveria ka buxhet për të përballuar këtë krizë, ndërsa sugjeroi që të anulohen kontratat koncensionare apo dhe rialokimet për shpenzime operative apo dhe ato të luksit.

“S’ka nevojë që të merreni me modelet e vendeve që kanë fuqiy të tjera. Le të rrimë tek Kosova, Maqedonia e veriut,. Për të parë se si zgjidhen problemet dhe dëshira për të ndihmuar njerëzit. Ne kemi propozuar një paket ë të plotë, që ka të bëjë me aspektin e masave në shëndetësi, detyrimet e shtetit që burojnë nga shpallja e gjendjes së jashtëzakonshme. Efektet e shtresave në nevojë dhe se si mund të garantojmë mirëfunksionimin e institucioneve në këto kohë krize. Përgjigja për pyetjen se ku ti gjej paratë është e qartë; anulo kontratat koncensionare 120 mln euro . Rialoko 140 mln euro, nga shpenzimet operative, luksi, që s’janë domosdoshmëri në kohë krize. Kjo do të administronte një situatë 2-3 mujore krize. Buxheti k a dhe rezerva të tjera për të përballuar krizën. Mos të shohim Amerikën, por Kosovën. Në këto kushte nga opozita ka pasur bashkëpunimin. Të propozosh zgjidhje, është detyra jonë dhe bashkëpunimi luajal që opozita mund të bëjë për hir të interesit të qytetarëve.”, tha Basha ndërsa në kohë kur qeveria ka ndaluar daljen e të moshuarve nga shtëpia, kreu i PD-së Lulzim Basha theksoi se ka disa mënyrë për t’i ardhur në ndihmë kësaj kategorie.

“Ka disa mënyra se si mund të ndihmojmë të moshuarit. Duhet të jenë në qendër të vëmendjes. E pafalshme që të kenë mungesë likujditeti. Zgjidhja e menjëhershme është që të gjithë kenë likujditet. Të gjithë duhet të përfitojnë para cash nga paketa ekonomike. Një nga modelet që po përdoret në disa vende është caktimi i një orë të veçantë të daljes së moshave të treta. Ky është një model që s’ka pse mos të shqyrtohet. S’jam ekspert i kësaj fushe e s’marr përsipër të bëjë atë, por kjo moshë duhet të ketë vëmendje të duhur dhe pa burime financiare sic po shohim dhe dëgjojmë.”

Të gjitha familjet dhe bizneset kanë nevojë për një likuiditet duke kërkuar para cash, si paketa që ka miratuar Shtetet e Bashkuara, tha Basha, dhe paketa e sotme financiare për situatën nga koronavirusi është e pamjaftueshme sepse nëse nuk ka likuiditet për bizneset e familjet mund të shkojmë drejt një kolapsi ekonomik.

“Ka nevojë për një mbështetje sa më të madhe për ata që janë në nevojë.
Duke marrë shkas nga akti normativ për seleksionimin e bizneseve, 30 mijë përfitojnë, 70 mijë jo. I gjithë biznesi i mbyllur. Ka nevojë për një paketë realiste, të paktën si Kosova. Paketa e sotme e pamjaftueshme. Ka nisur kalbëzimi i strukturës ekonomike. Do ketë pasoja të parikuperueshme. Ka 3 javë që kemi paraqitur paketën. Akoma s’kemi asnjë disbursim. Ka nevojë për likuiditet, ka nevojë për cash. Si për familjet ashtu dhe për bizneset që të mos çohen drejt një kolapsi ekonomik.”

Kryetari i Partisë Demokratike tha se ministri i vendosur për situatën nga koronavirusi është në detyrë duke qenë në konflikt interesi ndërsa koncesionet që kryen qeveria janë afera të hapura korruptive në kurriz të shqiptarëve.

“Nuk dua të bëj krahasim me Italinë, por nëse nuk marrim masa, situata mund të shkojë më keq. Nëse do kishim vepruar dhe jo pritur për 3 javë, situata do ishte më e mirë. Më mirë vonë se kurrë. Duhet vepruar menjëherë. Të ndalet rrjedhja e parave e taksapaguesve shqiptarë në drejtime të tjera.

Paratë e taksave të shkojnë në drejtimet për të ardhur në ndihmë në këtë situatë. Të ndërpriten 120 milionë euro kontrata. Kjo është e papërgjegjshme dhe kriminale. Ministri është në konflikt interesi. Koncesionet janë shpenzime luksi, një aferë e hapur korruptive, që po dëmton familjet në nevojë, të papunët, të vetëpunësuarit etj,” tha lideri i opozitës duke sqaruar se prononcimet e tyre nuk ishin as akuza dhe as kritika por kërkesa për veprim.

“Asnjë nga prononcimet dhe deklaratat tona nuk është as kritikë as akuzë, është kërkesë të veprohet në një interes të vetëm që ka shoqëria shqiptare, shëndeti. Kemi mirëpritur edhe ato shprehje të vlerësimit që kanë ardhur si nga qytetarët, nga biznesi, shëndetësia dhe në raste të veçanta nga autoritetet. Kjo është detyra jona.”

Rama merret me propagandë, tha Basha, njerëzit duhet të ndihmohen.

“Duhet sot që t’ju vijmë në ndihmë njëerëzve në nevojë. Rama merret me propagandë në kohë krize. Kriza kërkon vendosmëri. Biznesi i vogël, Dhoma Amerikane e Tregtisë dhe të tjera shoqata kanë dalë me deklarata, për t’u përshëndetur nga ne”, u shpreh Basha.

Ekonomia shqiptare ka qenë në recesion që në dhjetor, tha ai, prandaj paketa duhet të jetë reale dhe njerëzit duhet të mbeshteten me para në dorë.

“Sipas ekspertëve tanë, ekonomia ka qenë në recesion që në dhjetor. Kjo krizë e ka thelluar krizën. Prandaj, paketa duhet të jetë reale. Njerëzit ne nevojë duhen mbështetur me cash. Për ne prioritet kryesor është jeta dhe shëndeti i qytetarëve. Prioritet tjetër është që qytetarët të kenë akses në mallrat e shportës. Duhet që të ruhet zinxhiri i ekonomisë. Duhet ruajtur balanca tregtare e vendit. Këto nuk zgjidhen me telefonata live e propagandë, por zgjidhen në mënyrë realiste. Duhen ndërprerë të gjitha koncesionet.”

Duke e vlerësuar situatën seriozisht të jashtëzakonshme, Kryetari i Partisë Demokratike, tha se qeveria duhet të jetë e qartë me masat që vendos ndaj qytetarëve për kufizimin e lëvizjes së tyre, në një kohë kur atyre u kërkohet marrja e lejes në aplikacionin që nuk punon.

“Aplikacioni nuk ka qenë funksional, këtë e pranoi dhe kryeministri. Duhet të thuhet troç dhe të shihen masat. E-Albania s’ka funksionuar dhe s’funksionon as sot. Nëse qytetarëve u kërkohet një kufizim i tillë, atë 1 orëshin, ta përfitojnë realisht. S’ka rrugë tjetër që të mbash përhapjen e virusit, distancomi social. Ndaj këto masa duhet të merreshin më para se u morën. Distancimi social vjen dhe me dhimbje të mëdha sociale, ekonomike e psikologjike. E di se sa e vështirë është bërë jeta juaj pas këtyre 3 javëve. Duhet të tregojmë më mirëkuptim. Bashkëshortët me njëri-tjetrin, më fëmijët, me të moshuarit, kjo është situatë realisht e jashtëzakonshme. “

Në fund, Kryetari i Partisë Demokratike, Lulzim Basha, duke përsëritë apelin, thirrjen, ndaj qeverisë që mos t’i lërë këta njerëz vetëm, shtoi se s’ka rrugë tjetër për të bërë këtë, përveçse injektimin e parave tek ato familje si fillim, që janë në nevojë ndërsa pëfundoi:

“Nuk është e vështirë, është e mundur. Akti normativ duhet të rishikohet që të gjithë personat që kanë nevojë, të ndihmohen. Akti fillon nga 1 prilli, tani thonë se do mbulohet dhe një pjesë e marsit. Kjo është mungesë transparence. Çfarë do bëhet me këta njerëz që nuk kanë kursime?! Është koha që gjithsecili të bëjë detyrën e vet. Asnjë familje në nevojë mos të privohet për gjëra bazike.”