“S’jemi fasadë”, përgjigjet PD: Komiteti i Ekspertëve, zëdhënës i Edi Ramës!

Pas reagimit politik dhe të pakuptimtë të Komitetit Teknik të Ekspertëve ndaj deklaratës Kryetarit të PD, Lulzim Basha, ka reaguar Partia Demokratike përmes deputetit Dr.Bardh Spahia duke shprehur keqardhje për Komitetin i cili sot e konfirmoi se është vetëm një organ që shërben për t’i dhënë lustrën e “profesionalizmit” propagandës së rëndomtë e kriminale të Edi Ramës.

“Komitet, që nuk i dha kurrë përgjigje shqetësimeve të qytetarëve dhe as ekspertëve të PD, sot zgjedh të përdoret politikisht në mënyrën më banale, duke bërë zëdhënësin e Edi Ramës kundër Lulzim Bashës.”

Një profesionist, thekson Dr.Bardh Spahia, nuk do sillej kurrë kështu, inimumi do heshtte, por jo të bëhej mburojë militante e politikës, ndërsa përfundon:

“Skandaloze që nuk rreshtoheni në krah të kolegëve tuaj, por bëheni mburojë e dështimit të një kryeministri, që ka prioritet vec koncesionet e tenderat por jo jetët e qytetarëve!”

Ndryshe, pas deklaratës së Kryetarit të Partisë Demokratike, Lulzim Basha, se Komiteti Teknik i Ekspertëve është fasadë e Edi Ramës dhe nuk thotë të vërtetën për shifrat e koronavirusit, ka reaguar Komiteti duke bërë dhe politikë. Përkundër vendimeve absurde që publikoheshin nga Edi Rama, Komiteti sot u mundua të bind Bashën dhe opinionin publik se nuk është fasadë e askujt, por përbëhet nga profesionistë të fushës, që po i shërbejnë qytetarëve shqiptarë në këtë kohë të vështirë të pandemisë së koronavirusi ndërsa i bënë thirrje Lulzim Bashës që të tërheqë akuzat.

Reagimi i plotë:

Keqardhje për komitetin e ekspertëve që me deklaratën e sotme konfirmoi se është vetëm një organ që shërben për t’i dhënë lustrën e “profesionalizmit” propagandës së rëndomtë e kriminale të Edi Ramës.

Ai komitet, që nuk i dha kurrë përgjigje shqetësimeve të qytetarëve dhe as ekspertëve të PD, sot zgjedh të përdoret politikisht në mënyrën më banale, duke bërë zëdhënësin e Edi Ramës kundër Lulzim Bashës.

Aq të madh e kanë merakun politik, sa kanë harruar respektimin e rregullit bazik anti Covid që vetë kanë urdhëruar për cdo qytetar: përdorimin e maskës. Shfaqen në foto të mbledhur pa maska. Nuk zbatojnë rregullat që vendosin vetë, ndërsa për shqiptarët nuk kanë gajle të vendosin gjoba në emër të Edi Ramës. Dinë të bëjnë vetëm politikë dhe moralin e “bëj si them unë, por jo si bëj unë”.

Ky komitet as edhe njëherë të vetme nuk ngriti zërin për rritjen e numrit të testimeve, edhe pse kjo është një praktikë botërore dhe Shqipëria vazhdon të mbetet vendi i fundit edhe në rajon për nivelin e ulët të testimeve! Si ka mundësi që Komitetit nuk i bën përshtypje kjo gjë???

Një profesionist nuk do sillej kurrë kështu! Minimumi do heshtte, por jo të bëhej mburojë militante e politikës!

Skandaloze që nuk rreshtoheni në krah të kolegëve tuaj, por bëheni mburojë e dështimit të një kryeministri, që ka prioritet vec koncesionet e tenderat por jo jetët e qytetarëve!