S’ka alternativë tjetër, Vjosa Osmani: Koalicioni LDK-VV…
Një ditë pas përfundimit të procesit të numërimit të votave ku Lëvizja Vetëvendosje u rendit e para e pasuar nga Lidhja Demokratike e Kosovës , Kandidatja për Kryeministre ndërsa në Qendrën e Numërimit dhe të Rezultateve, vazhdon numërimi i votave me kusht të personave me nevoja të veçanta dhe votat që kanë arritur përmes postës, Kandidatja për Kryeministre e LDK, Vjosa Osmani, i jep fund kalkulimeve politike të kundështarëve të kësaj force politike duke e bërë të ditur krijimin e koalicionit të ri qeverisës LDK-VV.
“Qytetarët, jo vetëm që votuan, por, ajo votë ishte thirrje për ndryshim e ndëshkim ndaj qeverisjes së keqe. Qytetarët, poashtu, përcaktuan qeverinë e re, e cila duhet të përbëhet nga opozita e deridjeshme. Për mua nuk ka asnjë alternativë tjetër. Koalicioni LDK-VV ka shumë sfida para vetes, por duhet ta ketë vetëm një interes: atë të qytetarëve të Kosovës,” tha Vjosa Osmani përmes rrjetit social Facebook duke u shprehur e kënaqur me ringritjen e LDK-së në një rezultat që nuk e kishte nga viti 2004 ndërsa garantoi të gjithë ata që i besuan votën se në secilën betejë, do të jenë së bashku, deri në fund!
Ja statusi i plotë:
Të dashur qytetarë të vendit tim,
Këtë vjeshtë janë mbushur plot 20 vjet që jam bërë anëtare e LDK-së dhe gati po aq që kam shërbyer në institucionet e Kosovës. Ka qenë rrugë jo e lehtë, plot pengesa e sfida, sikur për shumë të rinj e të reja në vendin tonë. Deri tani, ishte një rrugëtim i jashtëzakonshëm, përgjatë të cilit kam takuar mijëra gra e burra, vajza e djem, qytetarë të mirë të këtij vendi që më kanë mbushur plot shpresë për të ardhmen. I falënderoj miliona herë, nga thellësia e zemrës, të gjithë që na përkrahën e besuan në ne, si dhe të gjithë aktivistët e veprimtarët që kurrë nuk reshtën së punuari me vetëmohim. Arritëm që të gjithë së bashku, por për një kohë tejet të shkurtë prej vetëm një muaji, ta ringrisim LDK-në në një rezultat që nuk e kishte nga viti 2004. Por, na mbetet edhe shumë punë për të bërë, edhe shumë sfida për të kaluar, e ato mund t’i kalojmë vetëm së bashku.
Më në fund, qytetarët, jo vetëm që votuan, por, ajo votë ishte thirrje për ndryshim e ndëshkim ndaj qeverisjes së keqe. Qytetarët, poashtu, përcaktuan qeverinë e re, e cila duhet të përbëhet nga opozita e deridjeshme. Për mua nuk ka asnjë alternativë tjetër. Koalicioni LDK-VV ka shumë sfida para vetes, por duhet ta ketë vetëm një interes: atë të qytetarëve të Kosovës.
Unë do të punoj dhe do t’i shërbej vendit tim, pavarësisht se ku jam.
Ashtu siç e kam thënë gjithnjë: në secilën betejë, do të jemi së bashku, deri në fund!
E juaja,
Vjosa
