S’ka emra të ministrave, Mustafa: Do ta respektojmë vendimin e Kushtetueses!

Pas mbledhjes së Kryesisë së LDK, Kryetari Isa Mustafa nuk bëri emrat e ministrave siç kishte paralajmëruar vetëm se tha se janë duke bërë përpjekje që nesër të mbahet seanca për votimin e Qeverisë së re.

“Ne jemi gatshëm që çdo moment të shkojmë në Kuvend që të bëhet qeveria, po jemi të gatshëm po ashtu që të respektojmë çdo vendim të Gjykatës Kushtetuese sa i përket këtij procesi, sepse dëshirojmë që procesi të jetë krejtësisht kushtetues. Ne nuk dyshojmë që të gjitha masat të cilat janë marrë deri më tash nuk kanë qenë kushtetuese, edhe dekreti i presidentit, edhe fazat deri te ky dekret, por meqenëse çështja është iniciuar në Gjykatën Kushtetuese, ne do t’i respektojmë të gjitha ato. Por, po ashtu mendojmë që askush përpos Gjykatës Kushtetuese, nuk ka të drejtë të pengojë mbajtjen e seancës së nesërme të Kuvendit”, është shprehur Mustafa,” tha Isa Mustafa dhe ndonëse e bënë gjithë atë rrëmujë dhe gjithë ato mashtrime me kryetarin e AKR, Behgjet Pacolli, sot e bëri të ditur se me partinë e tij ende nuk e kanë përfunduar marrëveshjen e koalicionit.

Ndërkohë kandidati për Kryeministër të Hashim Thaçit, Avdullah Hoti, nuk bëri publike, siç kishte paralajmëruar, emrat e ministrave të LDK, vetëm tha se qeveria e tij do t’i ketë 16 Ministri.