S’ka gërr-gërr, Celibashi e kuptoi kodin e Ramës: Lulzim Basha ka të drejtën ta regjistrojë partinë!
Pasi dëgjoi palët ku njëra kishte në dorë Vendimin e Gjykatës së Rrethit Gjyqësor Tiranë të datës 25 Mars 2022 që njehë vendimet e Kuvendit të 11 dhjetorit që ndër të tjera shkarkon Lulzim Bashën nga posti i Kryetarit të PD, dhe pala tjetër që nuk kishte në dorë vendim gjykate por Vërtetim të Sekretares së Regjistrit të Partive Politike pranë Gjykatës së Rrethit Gjyqësor Tiranë, Besa Korbeci, lëshuar me 1 Mars 2023 që e konfirmonte Lulzim Bashën si Kryetar të PD, kreu i KQZ, Ilirian Celibashi i qartë tashmë nga mesazhi i koduar i Kryeministrit Edi Rama se nuk ka gërr-gërr, u bind nga dokumenti i gjykatës ku rezulton Basha si kryetar, pra, ka të drejtën ta regjistrojë partinë!
Arsyetimi i tij ishte kriminal, shumë më kriminal se reagimi i KLGJ me dallimin se llirian Celibashi e pranoi se në perceptimin e tij Sali Berisha është kryetar i PD.
“Nuk është KQZ që vendos se kush është përfaqësuesi i një partie politike, për aq kohë sa nuk është KQZ, këtë e merr nga një palë e tretë. E ka përcaktuar ligji i partive politike dhe kodi zgjedhor që përcakton se kush është organi që vendos për drejtimin e partive politike. Është gjykata dhe një dokument që vjen prej gjykatës që përcakton se kush është drejtuesi i një partie politike. Kjo është e qartë për këdo dhe është e kotë që të vazhdojmë diskutimet.
Në nenin 9 të ligjit për partitë politike thuhet se regjistrimi i partive bëhet në shkallën e parë të rrethit Tiranë që mban edhe regjistrin e partive politike. Anëtarësia e një partie politike mund të njohin për drejtues të një partie këdo që ata çmojnë dhe vlerësojnë, por për ligjin dhe institucionet publike, përfshi edhe KQZ-në, ajo që merret në referencë është dokumenti zyrtar.
Do të ishte shumë e dëmshme nëse KQZ do ta merrte këtë vendim bazuar mbi perceptime dhe fakte publike, për sa kohë që ekziston një dokument zyrtar që vërteton një fakt. Unë mund ta pranoj që në perceptimin tim Berisha është kryetar i PD-së, por nuk ndryshon asgjë në përputhje me ligjin pasi duhet të marr në konsideratë një dokument zyrtar të gjykatës,” tha kreu i KQZ, ILirian Celibashi duke përfunduar:
“Të drejtën për të regjistruar PD-në, bazuar në dokumentet zyrtare që i janë vënë KQZ-së e ka Lulzim Basha. Ai figuron kryetar i PD-së!”
Në fund, deri sa Gjykata e Apelit mori vendim për të zbatuar urdhërat e Edi Ramës dhe ti dhuroi vulën Lulzim Bashës, kreu i KQZ, Ilirian Celibashi e pranoi Lulzim Bashën si kryetar por regjistrimin e PD nga ana e tij e kushtëzoi me ndryshimin brenda 48 orëve të një dokumenti që Basha e quan Autorizim deri sa logjika juridike bazuar në përmabjtje nuk mund ta quan ndryshe veç se Testament.
