“S’ka kompromis”, Basha: Fundi i qeverisë-bandë!
Pas Protestës së Madhe të opozitës, duke e dëshmuar me pamje pjesëmarrjen masive të qytetarëve, Kryetari i Partisë Demokratike, Lulzim Basha, e vlerësoi si fundin e qeverisë-bandë të kapur duke vjedhur zgjedhjet me kriminelët.
“Ky është fundi i qeverisë-bandë të kapur duke vjedhur zgjedhjet me kriminelët, kërcënimi Nr.1 për demokracinë, sigurinë, mirëqenien,” thekson Lulzim Basha përmes rrjetit social “Twitter” duke e bërë të qartë edhe një herë se nuk ka kompromis me ëndrrën, Shqipëria si gjithë Europa:
“Nuk ka kompromis me ëndrrën tonë ‘E duam Shqipërinë si gjithë Europa’, me standardet europiane për zgjedhje të lira, drejtësi dhe ekonomi të lirë!”
Kryeministri i papërmbajtshëm u përgjigjë menjëherë duke detyruar edhe ministrin e Brendshëm të dal dhe të akuzoj opozitën për Protestën e 13 Prillit, por lideri i opozitës sërish e bëri të qartë:
“Ne jemi deri në fund në krah të njerëzve që janë ngritur kundër qeverisë-bandë që bashkë me krimin dhe oligarkët ka vjedhur dhe dhunuar shqiptarët, ka shkatërruar demokracinë dhe shtetin ligjor dhe po kërcënon të ardhmen europiane te Shqipërisë!”
Ndërkohë si Kryeministrin Edi Rama ashtu edhe ministrin e Brendshëm, kryetari i Partisë Demokratike, Lulzim Basha i sqaroi se cili do të jetë fati i tyre:
“Fati i qeverisë-bandë është rrëzimi i saj! Krerët e kësaj bande i pret burgu që sot e kanë mbushur me protestues të pafajshëm!”
Ja postimi i plotë:
“Ky është fundi i qeverisë-bandë të kapur duke vjedhur zgjedhjet me kriminelët, kërcënimi nr.1 për demokracinë, sigurinë, mirëqenien. Nuk ka kompromis me ëndrrën tonë ‘E duam Shqipërinë si gjithë Europa’, me standardet europiane për zgjedhje të lira, drejtësi dhe ekonomi të lirë!”, shkruan Basha.
