S’ka kompromis pa Vetting/ Basha nga Berati: Nuk ka kthim në Kuvend pa…

Pastrimi i Parlamentit të Shqipërisë nga politikanë që janë të lidhur me krimin nuk ka kompromis. Këtë e bëri të qartë kryetari i Partisë Demokratike, Lulzim Basha duke prezantuar në Berat, Platformën e PD-së për pastrimin e politikës nga krimi, ndërsa sqaroi se në cilat kushte opozita kthehet në Parlament:

“Gjendja ku ndodhet vendi është një thirrje për PD, për të shpalosur platformën tonë. E para dhe më e rëndësishme, kjo nuk ka asnjë lloj kompromisi. Nuk bëhet asnjë kompromis pastrim i i politikanëve nga
kuvendi që janë të lidhur me krimin. Kthimi në Kuvend me politikanët e lidhur me krimin, nuk ka dhe nuk do të ketë. Zgjidhja është para jush,” tha Basha duke shtuar se opozita nuk kërkon asgjë më shumë se standardi që miratuan për prokurorët dhe gjyqtarët.

“I njëjti standard që Venecia rekomandoi për këta, i njëjti standard që bëri ligj për policët dhe gardistët, i njëjti standard duhet të vleje për politikën. Kjo është vijë e kuqe për opozitën. Trajtim preferencial për politikanët nuk ka për të patur.”

Pika e dytë e opozitës, tha kryetari i PD, është se nuk do të ketë më trajtim preferencial për politikanët.

“Nëse duam zgjidhje institucionale, është miratimi i Vettingut dhe shporrja e politikanëve mafioz nga Kuvendi dhe bashkitë. Ata që bëjnë pakt për vota me kriminel, do përfundojnë në burg Dekriminalizmi i zgjedhjeve nis me ndëshkimin e krimit elektoral, Edi Rama futi duart në zgjedhjet dhe këtë e dinë të gjithë si ne dhe miqtë ndërkombëtar,” tha Basha duke folur nga Berati me emra konkret të politikanëve që duhej të ishin prapa hekurave: “Edi Rama, Taulant Balla, Vangjush Dako, Saimir Tahiri, Qazim Sejdini etj., duhet të shkojnë në burg. Këta politikanë kanë vjedhur votat, kanë lidhje me krimin.”

Duke folur pikën e tretë të Platformës, që ka të bëjë me luftën kundër koncesioneve, ai ritheksoi se atojanë korruptive:

“Nuk ka kontratë të blinduar me Ramën, nuk ka shans që ju të falimentoni qeverinë. Ta keni të qartë nuk do të falimentojnë qeveria, por do të falimentoni ju dhe do i ktheni lekët një më një qytetarëve,” tha kryetari i Partisë Demokratike, Lulzim Basha duke iu drejtuar oligarkëve.