S’ka Marrëveshje, VV: Nesër takim me Quintin; LDK: Qëndrimet tona dihen!

Lëvizja Vetēvendosje dhe LDK dështuan me plotë sukses për të mos arritur një marrëveshje koalicioni qeverisës madje e patën për turp që të dalin edhe para mediave që ishin në pritje për të informuar opinionin publik për koalicionin e shumëpritur.

Por nga selitë e partive përkatëse lëshuan komunikata po aq të turpshme sa sjelljane tyre për më shumë se tre muaj.

Lëvizja Vetëvendosje thotë:

“Sot pasdite, në Kuvendin e Kosovës u mbajt edhe një takim ndërmjet LVV dhe LDK. Nuk u arrit marrëveshja. Palët u pajtuan që nesër të zhvillohet një takim tjetër bashkë edhe me ambasadorët e Quint-it në Prishtinë si dhe me Shefen e Misionit të BE-së.”

Ndërsa LDK që kishte dhënë ultimatumin e harroi sot atë pas takimit për mē shumë se dy orë por shprehet:

“Në takimin e sotëm kemi shpalosur qëndrimet tona, tashmë të njohura dhe publike për opinionin. Konsiderojmë që këto qëndrime janë të balancuara për të dy palët dhe që i shërbejnë stabilitetit të qeverisjes së vendit.”

Tashmë kur kanë mbetur edhe tetë ditë deri në skadimin e afatit kushtetues për krijimin e koalicionit qeverisës, Vetëvendosje dhe LDK sot ngushëllohen se nesër do të mbahet takimi i radhës me përfaqësuesit e Quint-it, SHBA, Gjermanisë, Britanisë së Madhe, Francës dhe Italisë, si dhe të Zyrës së BE në Kosovë edhe pse asnjëra nga palët nuk jep shenja kompromisi.