S’ka risi, Edi Rama nga Asambleja e PS kërkon edhe mandatin e tretë me gallatë

Duke kërkuar mandatin e tretë qeverisës, Kryeministri Edi Rama është i bindur se nuk është e keqja më e vogël, dhe e vetmja e mirë që ka në politikën shqiptare. Por nga fjala e tij në Asamblenë Kombëtare të Partisë Socialiste, rezulton se e vetmja e mirë që ka në politikën shqiptare është burimi i pashterrshëm që ka për të pëqeshur të gjithë ata që nuk mendojnë si Edi Rama dhe natyrisht, nuk është e keqja më vogël.

Pastaj arsyet që rendiit pse duhet besuar edhe mandatin e tretë për Edi Ramën nuk pijnë ujë as te Damian Gjiknuri e Erion Braçe ndërsa utopia se ky mandat i tretë nuk i duhet për vete por për Shqipërinë që të kalojë nga ecja në vrapim, i tejkaloi edhe gallatat e G-99 që i bënte te Kodrat e Liqenit.

Askush nuk duhet të jetë i kënaqur me ato që janë arritur deri tani, u tha Edi Rama rilindasve ndërsa nuk la pa akuzuar rivalët politik ndonëse nuk i konsideron pengesë në jetën e tij politike.

“Tanimë, kur bëhen  7 vjet nga dita kur ne morëm detyrën, mund të thuhet me plot gojën se jemi në kushtet kur e keqja më e madhe është harruar, ose duhet kujtuar dhe rikujtuar se dita kur ne e nisëm këtë rrugëtim, ska asgjë të ngjashme në raport me punët e vendit në raport me ditën ku jemi sot. Por kur e keqja harrohet shpejt, e mira s’ka fund. Ne duhet të mbajmë parasysh që teksa numërojmë ato që kemi bërë në asnjë moment mos tja themi vetes e mos lëmë përshtypjen që jemi të kënaqur me sa kemi bërë,” tha Edi Rama para rilindasve që nuk po merrnin frymë në pritje të batutës së shefit gallatxhi.

Por shefi tyre vazhdoi me histori:

“Mandati i parë ishte përpjekja për të ndaluar një inerci rrënimi dhe hemorragji të rrezikshme në raport me vetë financat e vendit, ku ne jemi ulur në detyrë e kemi parë mbi tryezë të dhënat reale, kemi qenë përballë sfidës së madhe të financimit të rrogave e pensioneve pa pasyr nevojë ti ulnim

E kujtoj si sot bisedën shumë të vështirë me FMN që instistonte që duhet ta nisnim nga ulja e rrogave e pensioneve e refuzonte idenë tonë se ne do kompensonim boshllëkun e atëhershëm me një reformë shumë agresive në fushën e energjisë ku ishte burimi kryesor i hemoragjisë në aspektin financiar. Se harroj kur më kanë thënë këtë e kemi dëgjuar nga të gjithë kryeministriat e mëparshëm por e kemi mësuar nga çdo qeveri që kjo reformë në Shqipëri nuk bëhet.”

Por ndonëse arrestoj vetëm ca varfanjak dhe asnjë nga pronarët e kompanive të mëdha ashtu siç e dinte FMN, Edi Rama u mburrë para Asamblesë:

“Sot besoj që të gjithë atyre që me të drejtë, ankohen për shumëçka ende ju mungon, u duhet kujtuar që 7 vite më parë mbanin radhën në shi për të paguar fatura afrofe të energjisë elektrike, fatura arbitrare.

S’ka më fatura afrofe dhe radha në shi e s’ka arbitraritet apo gabim në faturë që nuk korrigjohet, pa llogaritur transformimin e vazhdueshëm të sektorit me investimet e munguara që na elektrifikimi.

A kanë mjaftuar për të quajtur të mbyllur? Jo aspak, as në këtë as në asnjë sektor tjetër e kjo është arsyeja pse ne duhet të marrim mandatin  e tretë,” tha Rama jo para shqiptarëve se afrofe dhe radha në shi sot nuk vlejnë vetëm për Kryeministrin.

“Mandatin e dytë pasi ndaluam me sukses hemoragjinë, vumë rregull në financat e vendit, ishte mandati ku kemi forcuar organizmin e një trupi që lëngonte 7 vjet më parë dhe pse na është dashur të përballemi përvecse me problemet e trashëguara dhe me probleme të krijuara për të na rënë ndesh, dhe me probleme që i ranë në kokë Shqipërisë jashtë vullnetit të njerëzve, qoftë tërmeti e qoftë virusi,” tha Kryeministri i Shqipëri i cili vuri rregull në financat ndërsa sot ka gropën më të madhe fiannciare që nga lindja e shtetit shqiptar. Por kjo nuk i pengoi atij të vazhdoi:

“Ne sot kur jemi në përfundim të këtij mandati të dytë, mandati i ecjes pas një paralize, arrijmë që të rrisim pagat, ndërkohë që nuk më rezulton  që ndokush rreth e rrotull nesh e ka bërë këtë. Rrisim pagat si asnjëherë më parë për gjithë mjekët se e meritojnë. Por edhe sepse e konsiderojmë të domosdoshme që këtë mundësi që e kemi krijuar me punën e gjithë këtyre viteve ta vëmë në dispozicion të tyre dhe arsimtarëve.”

“Ne dhe Ata…”

Të vetmen gjë që Edi Rama e kishte si qytetar dhe e ka si Kryeministër është mosfshehja e urrejtjes ndaj atyre që nuk janë komunist. Dhe, sot në këto ditë të tmerrshme virusi dhe jetese nën qiellin e hapur të shumicës së atyre që pësuan nga tërmeti, ai vazhdoi me “ne dhe ata”.

“Sipas meje është themelore qoftë për të vënë re dallimin mes nesh dhe atyre më parë, qoftë për të përcaktuar PS-në si fuqi e vetme për të bërë dallimin. Kemi bërë vendosjen e një raporti të ri me drejtësinë. Jo  vetëm me sistemin e drejtësisë, por në sensin e thjeshtë bazik të të drejtës,” tha Rama duke paralajmëruar ditë të zeza për ekranin televiziv dhe atyre që e shikojnë:

“Mendoj që ne duhet ta bëjmë pjesë të të gjithë bashkëbisedimit me shqiptarët nga sot deri kur të bjerë gongu drejt 25 prillit.

Sot drejtësia, në sensin e sistemit të drejtësisë është një kantier ku punohet, ka plot akoma rrëmujë, akoma pisllëk, ka plot për të përfunduar, por ku për herë të parë që nga ndryshimi i sistemit janë vendosur themelet e një sistemi që do tu japë mundësinë fëmijëve tanë që nesër të mos e pësojnë si ata që lindën në ’90 dhe që sot janë bërë burra dhe gra dhe nuk

Për të ngritur një sistem të drejtë nuk mjafton as vullneti, as vizioni, as ligjvënia, por duhet kohë. Sistemi i drejtësisë, që në i referohemi si modele nuk duhet të harrojmë që janë rritur yhyyy. JO kur ne nuk kishim lindur, por as ata që ne na kanë bërë kokën nuk kishin lindur. Brenda një dekade të kemi drejtësinë që të tjerët e kanë ngritur me dekada të tëra. Të gjithë eksperiencën që ne sot e marrim të konsoliduar nga të tjerët.”

Dhe ndonësenuk ka drejtësi fare, Kryetari i PS tha se drejtësia sot nuk është ende aty ku ne e presim.

“Është thjeshtë një ferrishte që po përpëlitet akoma në pelenat e përgjakura të një lindje të vështirë. Por kush tjetër mund ta bënte atë që do vinte dita në Shqipëri, që korporata më e madhe fitimprurëse në kostumin e shtetit, korporata e prokurorëve dhe gjyqtarëve të korruptuar do të goditej, askujt. Kjo është një arsye për të kuptuar se kush do drejtësi nesër, duhet të mbështesë sot PS.”

Shumë u durua, dhe filloi atë që din të bëjë më miri, gallatën:

“Nuk ka nevojë të na dëgjojënë, por Ilir Metën, Saliun, Monikën, Lulin edhe pse Luli bën ca i thonë këta 3 të tjerët. Për të kuptuar që me ne në krye ka shumë vështirësi po nesër do ketë drejtësi. Me ta në krye ka vetëm vështirësi, por nuk do të ketë kurrë drejtësi.

Sot ne vijmë në pikën kur e zerojmë taksën dhe zerojmë TVSh për biznesin e vogël. Zero. Nuk është premtim elektoral, është ligj i Kuvendit.

E kuptoj që ky zerim krijon problem të madh.

Por duhet të jesh vërtetë kaq i mllefosur sa të mos qeshësh e lëre më ta votosh Lulin, kur thotë se ne do ta bëjmë 0.5. Unë jam i bindur që kur të vijë fushata do thotë do ta bëjmë minus, edhe e bën ai. E bën se priret për mirë. Do që njerëzit të jenë të gëzuar kur flet. Do e bëjmë 0.5 po s’ka më tarifa të pushtetit vendor. Mos paguash për pastrimin se do e pastrojë Luli qytetin me fshesën e Monikës.

Mos paguani për ndriçimin se do na ndriçojë Iliri me Salin. Ky është dëshpërim i madh dhe sot e bën më të madh dëshpërimin fakti që sot këto janë fakt.

Sot është fakt që mësuesit hyjnë në sistem falë meritës së tyre. Prej disa vitesh në Universitet si hyjnë studentët? Hyjnë dot se janë djali i Fahriut?

E përmenda për inerci se sot nuk është dita, por nuk e besoja dot që disa demokratë kishin shkruar te portali i bashkeqeverisjes se kërkonin drejtësi për djalin e Fahriut. Mbesa e Monikës, apo Nipi i Saliut, apo cilidoqoftë, nuk hyn dot më. Mund ta kenë babain me shumë lekë, por vjen djali i një cobani që ka më shumë pikë dhe të lë mbrapa me gjithë baba.

Partia nuk bën dot asnjë punë sot,” e për të vazhduar me batuta gjeti dhe inercinë:

“Prej disa vitesh në Universitet si hyjnë studentët? Hyjnë dot se janë djali i Fariut? E përmenda për inerci se sot nuk është dita, por nuk e besoja dot që disa demokratë kishin shkruar në Platformën e Bashkëqeverisjes se kërkonin drejtësi për djalin e Fariut. Mbesa e Monikës, apo Nipi i Saliut, apo cili do qoftë, nuk hyn dot më. Mund ta kenë babain me shumë lekë, por vjen djali i një çobani që ka më shumë pikë dhe të lë mbrapa me gjithë baba. Partia nuk bën dot asnjë punë sot,” po fliste Edi Rama dhe ndonëse një grua i kërkoi fjalën, Ai i kërkoi të mos e ndërpresë, por ta lërë të mbarojë.

“I kemi dhënë grave të gjitha të drejtat, por jo të na e këpusë në mes fjalën!”

Gjithsesi, Kryeministri është i bindur se opozita është shumë mbrapa dhe nuk e ka shpejtësinë për të arritur rezultatet e Partisë Socialiste.

“Luli është çun shumë i mirë, por a ka një shqiptar që po të ketë një hall natën ta marrë në telefon, unë nuk besoj. Edhe një i afërm i tij do thotë mos e merr se është ora e gjumit. Unë e fitoj garën me të gjithë pa përjashtim. E di se ku çalon puna ime, por të mos thotë njeri që ka të krahasuar mes nesh dhe kujtdo tjetër kush na del nga mbrapa.

Ata na dalin mbrapa se përpara kemi të ardhmen. Janë shumë mbrapa, nxehen bëjnë rrëmujë sepse nuk e kanë shpejtësinë për të na arritur, shpresojnë të na bllokojnë duke na nxjerrë përpara miq  ndërkombëtar.

Ka miq të Shqipërisë të që janë me Lulin dhe Ilirin, jemi në demokraci. Shtetet kanë zërin e tyre dhe ne kemi për gjënë e duhur për vendin tonë, për procesin zgjedhor, për të pasur një Parlament më përfaqësues, më të përgjegjshëm dhe me të aftë se çdo tjetë më parë.”

Përralla me Aeroport

Edhe pse nuk i kërkoi njeri llogari, Kryeministri Edi Rama para Asamblesë së PS shprehet i bindur se në 25 prill, Aeroporti i Kukësit do të jetë funksional, ndërsa përsëriti përrallën me “140 çunat e Londrës”, që e kanë sharë më shumë dhe do t’i marrë me avion dhe do t’i zbresë në Aeroportin e Kukësit duke ju kërkuar të votojnë PD-në.

“Në pak vite, nuk do ketë më zyra. Para se të mbarojë mandati ynë i tretë. Nuk do ketë më asnjë mundësi dhe jo më nevojë për të paguar ryshfete. Gjithçka do ndodhë siç ndodh në një pjesë të shërbimeve sot.

Shqipëria e së nesërmes falë mandatit tonë të tretë do të jetë ndryshe. Ju e dini kur vijnë ata, rrëmbejnë shinat për skrap. Natyrisht ata kanë probleme me hekurudhat se duan tramvaj elektrik.

Më thoshin që Aeroporti i Kukësit është fantazi, po unë o do ti marr 140 demokratë që më shajnë rregullisht nga Londra dhe në shenjë falënderimi do ti ul në Kukës të votojnë PD në 25 prill o s’ka. O do ti ul 140 demokratë. Do hap një konkurs në facebook edhe do ti them publikoni këtu të gjitha sharjet kush ka sharë më shumë dhe do ta marri falas fluturimin, do ti sjell në aeroport dhe do ti them shkoni votoni PD.”

“Bomba që hodhi në erë koalicionin PS-LSI”

Duke pranuar se ishte dy herë partizan i bashkimit me Lëvizjen Socaliste për Integrim, sot Edi Rama tha se LSI është një organizatë që rritet në kurriz të partive më të mëdha si PS dhe PD. Dhe jo vetëm kaq!

LSI funksionon si qelizat e kancerit që çdo organizëm që kapin, synojnë ta vdesin tha Kryeministri Edi Rama pa sqaruar se çfarë i bëri kancerit siç është PS:

“Aleati ynë janë njerëzit. Koalicioni ynë është me njerëzit dhe sëbashku me shumicën e shqiptarëve ne do t’i lëmë mbrapa më shumë se asnjëherë tjetër, të gjitha forcat që duan të na tërheqin ne mbrapsht dhe që duan të mbajnë Shqipërinë peng.

Unë kam qenë partizan i bashkimit me LSI, 2 herë, jo një. Kam qenë partizan i bashkimit të të majtës, të një të majte me dy shpirtra që u krijua nga një çarje e madhe e PS. Kam besuar që kjo ishte rruga e duhur për të krijuar një pol të fuqishëm qeverisës dhe kam mësuar që të dyja herët problemi është zmadhuar deri sa është bërë eksploziv.

PS dhe PD, por në radhe të parë PS, sepse PS është një parti e madhe që përtej të gjitha zakoneve të këqija që janë pjesë e organizmit të çdo partie ka përgjegjësi qeverisëse, në opozitë apo pushtet. LSI nuk ka lidhje me përgjegjësinë qeverisëse. LSI do të jetë pjesë për t’u rritur në kurriz të shtetit,” tha Kryetari i PS duke treguar sot pas 4 viteve se cila ishte arsyeja e shpërbërjes së koalicionit PS-LSI:

“Bomba që hodhi në erë koalicionin me LSI ka qenë reforma në drejtësi. Aty ndarja është bërë e pariparueshme. LSI është krijuar për të marrë sa më shumë pushtet duke marrë peng, njërin nga dy të mëdhenjtë. Ka lindur si një forcë hakmarrëse, për arsye që nuk i hyn ti diskutojmë sot.

Ka përfituar nga degradimi i PS, boshllëku i krijuar nga PS, pakënaqësia e krijuar brenda PS, ku shumë njerëz ndjeheshin të papromovuar sa donin apo duhet. Është rritur në kurriz të PS dhe PD. LSI është e krijuar për këtë. Është një organizatë që funksionin vetëm me këtë parim. Njësoj si qelizat e kancerit që thuhet se rriten pa qëllim. Në fakt shtohen vetëm për ta vdekur organizmin që kapin. Me LSI nuk ka mundësi të bëhet më shumë seç kemi bërë në mandatin e parë. Unë nuk i heq asnjë presje atyre që i kam thënë më parë.

Falë atij koalicioni për shkak të numrave kemi bërë shumë gjëra, mund të kishim bërë shumë më tepër dhe kemi dhënë atë që çdo parti si PS apo PD, detyrohet të japin kur janë me LSI, një pjesë të shpirtit. Do detyrohesh ta pranosh se përndryshe nuk bën dot as atë pjesë të gjërave që përndryshe nuk ke arsye pse të vazhdosh të qeverisësh.

Dhe meqë ishin te LSI, Kryeministri Edi Rama iu përgjigj edhe thirrjes së Presidentit të Republikës, Ilir Meta për debat televiziv:

“Ffillimisht, të bëjë debat me Monikën për drejtimin e LSI-së dhe më pas me kreun e PD-së, për të marrë drejtimin e opozitës.

“Ilir Meta u ka shkruar një letër që unë kam qenë emigrant, ky është fakt. Që të kemi prapë emigrant në listën e deputetëve besoj kjo është krejt e natyrshme. Kënga e refugjatit që u bë ministër është kënga që në thelb e do Shqipërinë vetëm për vete. E dyta, Ilir Meta flet për banditë dhe trafikantë ndërkohë që profesorë dhe intelektualë qenkan përjashtuar nga Partia Socialiste dhe të merrni mbrapsht Kastriot Islamin dhe pastaj t’i bëni atë që s’thuhet Partisë Socialiste.

Iliri do video. Unë me video nuk merrem. Se kërkon video për skutat ku ai futet. Por, është e sigurt që President në botë, në Shqipëri, as Saliu që ishte President partiak që as s’ka pasur dhe nuk do të ketë më që dergjet skutave për të bërë fushatë kundër qeverisë. Kë takon ai nëpër skuta, e di vetë. Fakti që futet nëpër skuta lart e poshtë për të rrëzuar qeverinë sikur të ishte më i votuari dhe më i kërkuari, është në vetvete kriminal. Thonë shumë që t’i na e bëre president. Ilir Meta u bë president me votat e veta dhe të PS-së. Nuk kishim votat për të bërë President sipas dëshirës tonë. E kam thënë ditën që e kemi votuar që po i japim Presidentin më të mirë. Nuk e kam menduar që po shkallonte deri në këtë pikë. Ose duhet të iknim në zgjedhje dhe përsëri do ta kishim në pikëpyetje nëse do i kishim votat. Nuk i kthehem mbrapa për t’u justifikuar. Ilir Meta thotë hajde në debat, Luli thotë në debat, Monika hajde në debat. Vetëm Saliu nuk kërkon se e di mirë. Që Ilir punon për LSI-në fshehurazi, është fakt. Që të dy janë aksioner në atë ndërmarrje këtë e dimë. Që tjetri shkon President dhe e lë Monikën ky është konflikt interesi. Të bëjë debat me Monikën dhe e di se me këtë do të fitojë. Pastaj të bëjë debat me Lulin kush është kryetari i opozitës, Luli apo Iliri. Kështu jo! Edhe diçka të fundit për Ilir Metën, është Presidenti i parë dhe i fundit i një republike që jep dekorada për ata që kanë vdekur para se ky të lindte. Nuk ekziston. Presidentët nuk japin dekorata për ata që kanë vdekur më parë. Dekorata është një simbol që të shquan ty nga të tjerët. Ka medalje për ata që vriten në krye të detyrës sot. Vojo Kushi është heroi i popullit. Ça i bën Ilir Meta? Mjeshtër të punës?!

Nuk la njeri pa dekoruar. Ka marrë varrezat me radhë. Doli edhe Andi Bushati që Rilindja i ka problem këto, por Ilir Meta nuk ka dhënë dekorata për kolaboracionist.”

Ikja e shqiptarëve…

Në fjalën e mbajtur përpara Asamblesë së Partisë Socialiste, ai tha se familjet në banesat individuale do të mund të hyjnë brenda vitit të ri në to.

“Njerëzit shpesh herë ngatërrojnë fadromën me fillimin e punës. Puna fillon kur sheh ëndrrën, pastaj kur hedh konceptin, pastaj projektin, financimin, garën, kontratën dhe pastaj shkohet në kantier. Ne nuk po rrimë duarkryq për ndërtimin e Durrësit. Si u bëka një lagje e re e tërë me dy mijë apartamente sikur po bën një koment në Facebook. Brenda pak muajsh do të jetë i hapur i gjithë kantieri.

Kështu, brenda vitit të ri qindra familje që jetojnë në banesa individuale do të hyjnë në shtëpi të re. Për të gjitha këto na duhet një betejë shumë e madhe komunikimi me njerëzit. Të gjitha këto nuk mjaftojnë fare për t’i parë njerëzit me idenë që duhet të na duartrokasin. E di se sa shumë halle dhe probleme ka akoma Shqipëria, por ama këto që kemi bërë vlejnë për të kuptuar atje ku duam të shkojmë,” tha Edi Rama duke akuzuar ata që denoncojnë për premtimet e pambajtura:

“Nuk kemi pasur klimën më të mirë të mundshme për të punuar nga ana e opozitës që doli mendsh fare, e cila doli edhe nga Parlamenti dhe pastaj dy goditje shumë të rënda dhe kemi provuar që ne bëjmë ata që nuk e bëjnë dot këtu. Këta kanë bërë tendera rrugësh më shumë se qeveritë e Ballkanit të mbledhur së bashku dhe asnjë prej tyre nuk e mbaruan. Edhe Rrugën e Kombit po e mbarojmë ne.”

Në fund u ndaj edhe tek problemi i ikjes masive të të rinjve nga vendi, duke dhënë përgjigje të përçartur sivëllau i tij Ilir Meta, pa lidhje me realitetin.

“Ka një shqetësim të thellë për ikjen dërrmuese të njerëzve. Ka një fakt që është nga Eurostati jo nga Partia Socialiste. Shikoni sa njerëz kanë ikur në vitin 2008. Këto janë të regjistruar në librat e Eurostatit dhe nuk janë në fletoren e asnjë zyre këtu dhe as fjalimet në Parlament. 2008-2010 ka qenë momenti i ikjeve më të mëdha dhe shikoni si ka rënë, 2008-2013-2019 dhe shikoni sa janë kthyer. Është fakt që shqiptarët, të rinjtë ata që janë në gjendje pune një pjesë ikin, ka nga ata që kthehen.

A është kjo një tendencë shqiptare dhe jo tendencë rajonale e ish-vendeve komuniste ku ka qytete të tëra të vdekura që nga Lituania e deri në Bullgari dhe së dyti, kush është zgjidhja? A ka një zgjidhje kjo? A është kthimi i Monikës dhe Saliut në pushtet një magnet. Edhe një dekadë tjetër trendi do të jetë ky; më shumë do të ikin se sa do të vijnë. Nëse ne do të bëjmë gjërat e duhura, patjetër që do të jemi ndër vendet që do ta stabilizojmë,” tha Kryeministri Edi Rama duke përfunduar:

“Që shqiptarët kanë ikur dhe ikin dhe do kthehen kjo është gjëja më normale.”