SKANDAL/ Edhe testet serologjike me rezultat të gabuar, PD: Qeveria hesht!
Pas tamponëve që nuk japin rezultatin e saktë, Partia Demokratike përmes Ish-Deputetit Dr.Bardh Spahia sjell denoncime edhe për testet serologjike. Që skandali të jetë edhe më i madh, rasti ka ndodhur me personelin shëndetësor të vetë laboratorit të QSUT.
“Ka ndodhur tek personeli shëndetësor i vetë laboratorit të QSUT! Një anëtar i këtij personeli testohet tek laboratori i QSUT dhe del negativ. Përsërit testin serologjik tek spitali amerikan dhe del pozitiv!”
Pas këtij skandali me personalin e labortaorit të Qendrës Spitalore Universitare të Tiranës, Dr.Bardh Spahia, duke reaguar përmes rrjetit social Facebook, fillimisht pyet Qeverinë e dështuar të Edi Ramës me luftën kundër COVID-19:
“A kemi problem me procedurat e testimit apo kitet e përdorura? Si ka mundësi që i njëjti test del me rezultate të ndryshme në dy laboratorë të ndryshëm?
A kemi një situatë edhe me testet serologjike, si me tamponët që rezultojnë fals negativë? Pse vazhdon mungesa e transparencës për këtë situatë?”
Dhe sipërsëritë pyetjen për Edi Ramën që mbeti pa përgjigje:
“Kjo qeveri nuk i është përgjigjur asnjëherë pyetjes, se a po përdor testet e marra nga Kina të cilat, për shkak se nxirrnin rezultat fals, u kthyen mbrapsht nga Spanja e para e më pas vende të tjera të Europës!”
Dhe jo vetëm kaq! Akoma më serioze është situata, pasi mbetemi vendi me numrin më të ulët të testeve në rajon, edhe ato me rezultate të dyshimta, thekson Ish-Deputeti i Partisë Demokratike, Dr.Bardh Spahia duke sjell të dhënat nga rajoni :
Serbia: 80 519 teste/1 milionë banorë
Mali i Zi: 58 515 teste /1 milionë banorë
Maqedonia e Veriut 51 300 teste /1 milionë banorë
Bosnje Hercegovina: 43 910 teste /1 milionë banorë
Shqipëria: 13 033 teste/1 milionë banorë
