Skandal në Kuvend/ Ruçi ndërpret edhe internetin që opozita…

Seanca parlamentare në Kuvendin e Shqipërisë ashtu sikundër pritej ka qenë e tensionuar. Opozita ka kërkuar dënimin e dhunës nga policia ndaj Kryeredaktorit të RD, Bledi Kasmi, dhe largimin e Fatmir Xhafajt nga posti i ministrit të Brendshëm.

Por ajo që ndodhi gjatë seancës mund të konsiderohet një skandal më vete, pasi kryeparlamentari Gramoz Ruçi urdhëroi ndërprerjen e internetit, duke mos i dhënë mundësi opozitës që të transmetojë në rrjetet sociale në mënyrë të drejtpërdrejtë seancën dhe atë çka ndodhte në sallën e Kuvendit.

Kjo u dallua gjatë kohës kur ishte duke folur Edmond Spaho pasi fjala e tij u ndërpre nga lidhja live.

“Ju erdhi ora e Facebookut, vazhdoni në Facebook”, tha Ruçi para se ta ndërpriste seancën për të tretën herë.