SKANDAL – PANDORA PAPERS, zbulohen pasuritë sekrete të liderëve botëror
“Pandora Papers” është emërtimi i rrjedhjes më të re dokumenteve sekrete që zbulojnë pasuritë sekrete të 35 liderëve botëror dhe më shumë se 300 zyrtarëve në gjithë botën
Në mesin e tyre janë Tony Blair, Andrej Babiš, Vladimir Putin me bashkëpuntorë, Mbreti Jordanisë Abdullah II, superylli indian Sachin Tendulkar, kënëtarja kolumbiane Shakira, supermodelja gjermane Claudia Schiffer, regjisori rusdhe producenti i nominuar për çmimin Oscar, Konstantin Ernst, mafiozi italian Raffaele Amato me pseudonimin Lelli i trashë, shkruani portali slloven investigativ Oštro pjesë e Konsorciumit ndërkombëtar të gazetëve investigativ, ICIJ, me partner, që kanë bashkëpunuar në projektin më të madh global në histori.
Sipas ICIJ, dokumentet mbi transakcionet legale dhe ilegale, janë mbledhur nga 600 gazetarë në 117 vende të botës. Bëhet fjalë për rrjedhjen e 6.406.119 dokumenteve, 2.937.513 fotografive, 1.206.716 postave elektronike, 467.405 tabelave, 8.511 prezantimeve, 3.497 audioinçizimeve, 1.421 videoinçizimeve dhe 873.494 dokumenteve tjera.
Në bazë të 12 milionë dokumenteve, janë zbuluar pasuritë me vlerë prej mijëra miliarda dollarëve që fshihen në parajsat fiskale në gjithë botën. Liderët botërorë dhe zyrtarë të ndryshëm ose njerëz të lidhur me ta kanë të fshehura pasuritë e tyre, i shmangen tatimit dhe pastrojnë paratë.
Për Pandora Papers tashmë kanë raportuar BBC, Guardian, që ishin pjesë e hetimit në Britaninë e Madhe, si dhe Washington Post.
