SKANDAL/ Presidenti refuzon Gent Cakajn dhe DSIK-n, cenon marrëdhëniet me NATO-n!

Koalicioni për shkatërrimin e institucioneve shqiptare, i krijuar në vitin 2013, siç duket do ta çoj deri në fund këtë mision. Me rrënimin e menjëhershëm të funksionimit normal të Qeverisë, dhe institucionit të Presidencës ku i dhanë një goditje të pashembullt, sot Presidenti Ilir Meta me zellin e madh për të kundërshtuar emërimet e kryeministrit Edi Rama, cenon edhe marrëdhëniet me atë Shqipëria e ka më të vlefshme që nga  krjimi i shtetit shqiptarë, NATO-n.

Kështu, duke kundërshtuar dekretimin e Ministri të Jashtëm, Genti Cakaj, Presidenti Ilir Meta përmes një letre e cila u bë publike më shpejtë se sa të thahet boja, i drejtohet kryeministrit Edi Rama ku në arsyetimin e tij i bënë me dije se nga informacioni i administruar mbi verifikimin e sigurisë dhe pastërtisë së figurës, Zv/ministri për Evropën dhe Punët e Jashtme, Cakaj përkundër detyrimit ligjor nuk ka pasur çertifikatë të sigurisë personale bazuar në VKM nr. 836, datë 14.10.2015 “Për miratimin e rregullores për punën me informacionin e klasifikuar të NATO-s dhe Bashkimit Evropian” dhe akteve nënligjore në zbatim të tyre. Madje, Cakaj as që ka aplikuar, dhe sipas konfirmimit shkresor të MEPJ dhe DSIK, z. Gent Cakaj ka plotësuar formularin e aplikimit vetëm më datë 03 janar 2019 (3 ditë pas firmosjes së propozimit për dekretim si Ministër të MEPJ).

Z. Cakaj, thotë Presidenti, me mosplotësimin e formularit të aplikimit dhe mospajisjen me Certifikatat përkatëse të Sigurisë për periudhën 7 qershor 2018 deri në 3 janar 2019, jo vetëm që ka vënë në rrezik informacionin e klasifikuar sekret shtetëror apo sekret NATO dhe BE, por nga ana tjetër ai ka shfaqur haptazi mosbindjen e tij përballë një detyrimi të qartë ligjor.

Gjë që është plotësisht e vërtetë!

Por, sipas shkresës nr. 09/1 prot, datë 8.01.2019 të Ministrisë për Evropën dhe Punët e Jashtme, z. Gent Cakaj, ka plotësuar aplikimin për certifikatë sigurie pranë kësaj Ministrie vetëm më datë 03.01.2019, edhe pse përmbushja e këtij detyrimi fillon nga marrja e detyrës si Zëvendës Ministër i MEPJ, thekson Presidenti, aplikim i cili është përcjellë nga MEPJ brenda ditës në Drejtorinë e Sigurimit të Informacionit të Klasifikuar me shkresë nr. 35 prot., datë 03.01.2019. Drejtoria e Sigurimit të Informacionit të Klasifikuar, DSIK, ka lëshuar certifikatat e sigurimit të personelit për z. Gent Cakaj 1 (një) ditë më vonë dhe me shkresë nr. 18 prot, datë 04.01.2019, ja ka përcjellë këto akte Ministrisë për Evropën dhe Punët e Jashtme.

Nuk dihet se kush e ka shkruar këtë letër me të cilën Presidenti i është drejtuar Edi Ramës, por ai i cili ka vendosur ta publikoj, padyshim është i çmendur dhe këtu i tejkalon qëllimet e rrënimit të një institucioni.

Nëse Presidenti është koshient që është një shkelje flagrante, ai duhet ta dijë që edhe përdhosja e autoritetit të Drejtorisë së Sigurimit të Informacionit të Klasifikuar, DSIK, në sy të NATO-s ku Shqipëria është anëtare, është shkelje shumë më e rëndë se aventurat e Edi Ramës dhe Ilir Metës. Aq më shumë kur vetë Presidenti në letrën e drejtuar kryeministrit i thotë:
“Nga informacioni i DSIK, përcjellë Presidentit të Republikës me shkresë nr.87 prot, dt. 07.01.2019, konfirmohet se: “Z. Genc Shkëlzen Cakaj, lindur në Prishtinë më 06.07.1990, është i pajisur me CSP të nivelit “Tepër Sekret”, për njohjen e informacionit të klasifikuar “Sekret Shtetëror”; “Cosmic Top Secret” për njohje të informacionit të klasifikuar të NATO-s dhe “EU Secret/Sekret UE”, për njohjen e informacionit të klasifikuar të BE-së. Këto CSP janë lëshuar më datë 04.01.2019 dhe janë të vlefshme deri më datë 03.01.2024.

Pra rezulton se, procesi i verifikimit, i kryer në këtë rast nga DSIK si Autoriteti i Sigurimit Kombëtar në Shqipëri është realizuar brenda 1 (një dite) që referuar fakteve, dhe të dhënave të Gent Cakaj, tregon qartë se nuk është kryer një proces i mirëfilltë verifikimi sipas kushteve, detyrimeve, kritereve dhe procedurës së parashikuar në Rregulloren e Sigurimit të Personelit, miratuar me VKM nr. 188, datë 04.03.2015.”

Pra, jo vetëm çertikafa e sigurisë së lëshuar nga Drejtoria e Sigurimit të Informacionit të Klasifikuar nuk ka vlerë, por me këtë fakt të cilin Ilir Meta e bënë publik, legjenda urbane se DSIK është degjeneruar nga koalicioni PS-LSI, tashmë është realitet.

Nuk dihet se si do të vazhdojë puna me rrënimin e institucioneve nga Ilir Meta dhe Edi Rama, por nëse çertifikata e sigurisë së lëshuar nga DSIK për Gent Cakajn është e dyshimtë, dhe, është, nëse është pikërisht kështu e lëshuar brenda 24 orëve, atëherë edhe çertifikata e lëshuar për Presidentin Ilir Meta është e dyshimtë, aq më shumë që të dy vijnë nga linjat që burimin e kanë në Beogradi.

Ndërkohë, nuk është çudi nëse NATO me këtë fakt të cilin e bëri publik Presidenti do të vë në dyshim edhe çertifikatat tjerë që janë lëshuar dhe lëshohen nga DSIK, kur ky insititucion shumë i rëndësishëm për sigurinë kombëtare qenka katandisur deri në këtë pikë.  

Nëse Kryeministri dhe Presidenti i Shqipërisë janë të papërgjegjshëm. NATO nuk ka arsye të cenoj CSP të nivelit “Tepër Sekret”, për njohjen e informacionit të klasifikuar “Sekret Shtetëror”; “Cosmic Top Secret” për njohje të informacionit të klasifikuar të NATO-s dhe “EU Secret/Sekret UE”, për njohjen e informacionit të klasifikuar të BE-së. Ndryshe, ç’kuptim ka çertifikata e sigurisë…