SKANDAL/ Raporti i SHISH, publikohen sekrete shtetërore para deputetëve pa çertifikatë sigurie

Drejtori i SHISH, Helidon Bendo, sot në prag të fillimit të raportimit para Komisionit të Sigurisë për Raportin vjetor të SHISH, deklaroi se kemi të bëjmë me një dokument tërësisht konfidencial dhe kërkoi zhvillimin e mbledhjes pa praninë e mediave.

Deputeti socialist, Xhemal Qefalia kërkoi që mediat të qëndrojnë nëse  ndonjë pjesë e Raportit nuk përmbanë informacion të klasifikuar, gjë të cilën e mbështeti Kryetarja e Komisionit, Ermonela Felaj, meqë edhe dy deputetët e Komisionit, Elena Xhina dhe Adnor Shameti nuk janë të pajisur ende me çertifikatë sigurie, meqë sipas saj, kjo kërkon kohën e vet, por drejtori i SHISH kundërshtoi duke theksuar se informacioni në Raportin vjetor është tërësisht konfidencial.

Pas kësaj, kryetarja e Komisionit të Sigurisë, Ermonela Felaj kërkoi largimin e mediave por jo edhe të dy deputetëve që janë pa çertifikate sigurie, duke shkelur kështu ligjin për informacionin e klasifikuar.

Nuk është e qartë pse heshti Helidon Bendo, për të cilin, për një vit sa refuzohej nga Presidenti për tu dekretuar, u trumbetua se ishte profesionist. Madje ndaj këtij vendimi nuk reagoi as deputeti i Opozitës së Edi Ramës, Myslym Murrizi, i cili vazhdoi të qëndroi në punimet e këtij Komisioni përkundër shkeljes kaq të rëndë ligjore nga ana e komunistëve, siç janë, Bendo, Braho dhe Felaj.

Ndryshe, kjo është dhe goditja përfundimtare që i bëhet institucionit të DSIK, pas atij me çertifikatën e sigurisë së kandidatit për Ministër të Jashtëm, Gent Cakaj, të cilit iu lëshua për 2 ditë, dhe sot dy deputetët në fjalë nuk i kanë këto çertifikata as pas 10 ditëve që bënë betimin më spektakolar në historinë e paralmentarizmit shqiptar.