Skandal/ Spitali Amerikan blenë “Hygeia” 30 milionë euro dhe nuk i paguan Spitalit të Traumës 80 mijë euro. Për lirimin e tokës nuk bëhet fjalë…
Spitali me bazë në Greqi “Diagnostic and Therapeutic Center of Athens Hygeia” tha se ka përfunduar shitjen e 100% të filialit të saj, tërësisht në pronësi në Shqipëri, tek Spitali Amerikan me qendër në Tiranë.
“Vlera e transaksionit arrin në rreth 1 milion euro dhe është llogaritur pa borxhet që ekzistonin në periudhën që u përmbyll transaksioni,” tha grupi Hygeia në një njoftim për shtyp, shkruan reviat “Monitor.
Kështu blerësi ka marrë përsipër detyrimet e Hygeia Hospital Tirana, që arrijnë në 29.5 milionë euro në total, thuhet në deklaratë. “Kjo shumë do të përdoret tërësisht për të ulur huamarrjen e kompanisë në bankë, theksoi Hygeia e cila ofron shërbime parësore dhe dytësore mjekësore dhe ka gjashtë spitale private në Greqi, Shqipëri dhe Qipro. http://www.monitor.al/hygeia-shitem-100-te-deges-ne-shqiperi-te-spitali-amerikan-per-1-milione-euro-plus-borxhet/
Por kush është ky spital shqiptar që i blenë pronën një kompanie e cila ka gjashtë spitale private në Greqi, Shqipëri dhe Qipro?! E çuditshme, por ky është Spitali Amerikan, i shumëpërfolur si për transaksione ashtu edhe fillimiet e tij në ngritjen si biznes në tokën e Spitalit të Traumës. Nën zë, mjekët e Traumës flasin të gjitha të zezat mbi funksionimin e këtij spitali. Por ai lindi dhe u ngrit në kurriz të pronës shtetërore me mjekët kirurg të Traumës që vazhdojnë dhe heshtin , dh eato që ata i thonë në kafe, zyrtarisht i tha Raporti i fundit i audimit të Kontrollit të Lartë Shtetit në Spitalin Univesritar të Traumës. Ky raport zbuloi gjithçka në lidhje me marrëdhënien ekonomike që ka ky spital me atë Amerikan, detyrimet dhe okupimin e tokës, të cilën nuk e liron përkundër gjetjeve dhe rekomandimit të KLSH.
Qira të papaguar dhe tokë të okupuar
Në auditimin e Spitalit Universitar të Traumës në Tiranë, nga 18.04.2018 – 28.04.2018 në disa nga gjetjet kyçe të auditimit dhe impaktit të tyre tek pasqyrat financiare, njëra ndër gjetjet me dëm ekonomik është edhe ajo qirasë së hartuar në mes të të Spitalit të Traumës Tiranë dhe “American Hospital” sh.a. dt. 30.08.2013 për përdorimin sipas nenit nr. 1, “objekti i kontratës” për 496 m2 ambiente brenda godinës SUT.
Kjo gjetje e dëmit ekonomik konstaton se “Spitali amerikan okupon ambientet sipërfaqe nën objekt, brenda godinës së SUT një sipërfaqe totale 1.696.4 m2”. “American Hospital” sh.a. për periudhën e auditimit i detyrohet Spitalit Universitar të Traumës qira të papaguar për sipërfaqen e okupuar prej 1.200 m2 referuar kontratës së datës 28.08.2013 si më poshtë. Periudha 01.10.2015 deri 31.03.2018 gjithsej 30 muaj.
Sipërfaqja e përdorur prej 1.200 m2 me 300 lekë/m2 në muaj, për 30 muaj kap vlerën prej 10.800.000 lekë e cila duhet të arkëtohet, që me kursin aktual (126.2 lekë) i bie rreth 85.600 euro. Dhe jo vetëm kaq!
Tek gjetjet për fonde të trajtuara pa efektivitet dhe ekonomicitet, “American Hospital” sh.a. ka përdor një sipërfaqe prej 222.3 m2, të cilën e ka ndërtuar mbi ambientet ekzistuese të spitalit, për të cilin institucioni nuk ka dokumentacion, si leja ndërtimore apo kontratë, po kështu ka ndërtuar dhe një urë lidhëse ndërmjet godinës së tij dhe spitalit, me sipërfaqe 45 m2, ku edhe për të nuk ka dokumente në Spitalin Universitar të Traumës.
Nëse do të përllogarisnim dhe përdorimin e sipërfaqes së ndërtuar nga vetë Spitali Amerikan për periudhën 01.10.2015 deri 31.03.2018 gjithsej 30 muaj për sipërfaqen e përdorur 267.3 m2 për 300 lekë/m2 në muaj, gjithashtu për 30 muaj kap vlerën prej 2.405.700 lekë të ardhura të munguara për periudhën e auditivit ose rreth 19.100 euro.
Gjithashtu për periudhën 01 dhjetor 2017 deri 31 mars 2018 “American Hospital” sh.a. ka përdorur sipërfaqe të ndërtuara mbi ambientet ekzistuese të spitalit, për të cilin institucioni nuk ka dokumentacion, si leja ndërtimore apo kontratë, si platforma në nivelin e katit të parë me konstruksion çeliku në një sipërfaqe 160 m2 dhe 42 m2.
Nëse do të përllogarisnim përdorimin e sipërfaqes së ndërtuar nga vetë “American Hospital” sh.a për periudhën e mësipërme prej 4 muaj për sipërfaqen e përdorur 202 m2 x 300 lekë/m2 në muaj = 60.600 lekë 4 muaj = 242.400 lekë të ardhura të munguara ose 1.939 euro.
Dhe, ajo që e bënë të dyshimtë biznesin e këtij spitali që nuk paguan borxhe dhe vazhdon e blenë spitale, është gjetja nga ky auditim i zbatimit të detyrave të lëna nga auditimet e mëparshme në Spitalin Universitar të Traumës me shkresën nr. 1115/75, dt. 23.01.2017.
Me vendimin nr.192, datë 31.12.2016 të përcjella në Spitalin Universitar të Traumës me shkresën nr. 1115/75, dt. 23.01.2017, pas auditimit të ushtruar KLSH kishte kërkuar marrjen e masave për zbatimin e rekomandimeve në mënyrë që të shpërblehet dëmi, dhe rezulton e pa zbatuar nga “Spitali Amerikan”, janë përdorur pa kontratë dhe pa pagesë sipërfaqja e tepërt prej 1200 m2, referuar kontratës së qirasë së datës 28.08.2013, të lidhur me ish Ministrinë e Ekonomisë, Tregtisë dhe Energjetikes, duke i shkaktuar Spitalit Universitar të Traumës dëm ekonomik në shumën 7.560.000 lekë.
Për përmirësimin e gjendjes, është rikërkuar marrja e masave për zbatimin e rekomandimeve masave shpërblim dëmi, ku nga Spitali Universitar i Traumës, është kërkuar të kontabilizohet dhe të kërkohet në rrugë ligjore shpërblimi i dëmit ekonomik, duke ndjekur të gjitha procedurat e nevojshme administrative dhe procedurat e tjera në të gjitha shkallët e gjykimit, për rastet e mëposhtme.
Por auditimi konstaton se, “Spitali Amerikan” ka përdorur pa kontratë dhe pa pagesë sipërfaqjen e tepërt prej 1200 m2, referuar kontratës së qirasë së datës 28.08.2013, të lidhur me ish Ministrinë e Ekonomisë, Tregtisë dhe Energjetikes, duke i shkaktuar SUT dëm ekonomik në shumën 7.560.000 lekë.
Spitali Universitar i Traumës me shkresën nr. 39, dt. 18.01.2016 ka njoftuar subjektin për detyrimin prej 7.560.000 lekë për përdorimin pa kontratë dhe pa pagesë të një sipërfaqe prej 1200 m2.
Spitalit Universitar i Traumës nuk ka depozituar kërkesë padi pranë Gjykatës Administrative të Shkallës së Parë.
Gjithashtu vlera e mësipërme nuk është kontabilizuar dhe nuk ka filluar arkëtimi.
Nga auditimi i kryer mbi zbatimin e rekomandimeve të lëna nga auditimet e mëparshme rezultoi se Spitali Universitar i Traumës ka raportuar KLSH-në në lidhje me ecurinë e rekomandimeve të lëna nga Kontrolli i Lartë i Shtetit dhe në lidhje me këtë, Spitali Universitar i Traumës ka filluar dhe vazhduar komunikimet dhe takimet me Spitalin Amerikan, Ministrinë e Shëndetësisë dhe Ministrinë e Zhvillimit Ekonomik, Turizmit, Tregtisë dhe Sipërmarrjes, por zgjidhja e statusit të sipërfaqeve të okupuara nga “American Hospital” sh.a., ngeli i pandryshuar ashtu si edhe borxhi prej 10.800.000
Nga analiza e korrespodencave dhe mosreagimi i Spitalit Universitar të Traumës, KLSH kërkon zgjidhjen e statusit të sipërfaqeve të okupuara nga “American Hospital” sh.a. me lirimin e ambienteve dhe arkëtimin e vlerës për sipërfaqet e okupuara.
Pse vazhdon të jetë ky territor edhe sot i okupuar, korrespodencat dëshmojnë një situatë të frikshme ku Spitali Universitar i Traumës vazhdon të jetë edhe pa arkëtimet në emër të detyrimeve që ka Spitali Amerikan, pa e kuptuar se kush e mbronë këtë spital i cili nuk ka 80 mijë euro për të paguar borxhet një spitali publik, dhe ka 30 milionë euro për të blerë një spital privat, spitalin me bazë në Greqi “Diagnostic and Therapeutic Center of Athens Hygeia”.
vijon
“Korrespodencat e Spitalit Universitar të Traumës me Spitalin Amerikan, Ministrinë e Shëndetësisë dhe Ministrinë e Zhvillimit Ekonomik, Turizmit, Tregtisë dhe Sipërmarrjes si dhe rekomandimet nga auditimi i fundit i KLSH për zgjidhjen e situatës që vazhdojnë të mos përfillen
