SKANDAL/ Vuk Jeremiç zbulon: Edi Rama dhe Republika Srpska lobojnë për ndarjen e Kosovës

Ish-Ministri i Punëve të Jashtme i Serbisë, Vuk Jeremiç në një bisedë për të përditshmen Der Standard ka folur për negociatat e Serbisë me Kosovën, shkëmbimin e territoreve dhe përcaktimin e kufijve të rinj në Ballkan.

Presidenti i Serbisë, Aleksandar Vuçiç, vlerëson Jeremiç, është i gatshëm ti jap Kosovës, Luginën e Preshevës, e për idenë e shkëmbimit, sqaroi ai, për herë të parë ka dëgjuar kur Ish-kryeministri britanik Tony Blair po mundohej ta bindë kancelaren gjermane Angela Merkel se kjo është rruga e drejtë.

-Marrëveshja për normalizimin gjithëpërfshirës duhet të përfshinte paragrafin ku theksohet se Serbia dhe Kosova të mos pengojnë anëtarësimin në organizatat ndërkombëtare. Por nuk jam i sigurt nëse qëndrimi i Serbisë do të ndryshonte pozicionin e Rusisë ose Kinës ndaj Kosovës në OKB. Rusia me siguri se do të kërkonte një çmim shtesë. Madje as marrëveshja për shkëmbim territoresh në mes të Vuçiçit dhe Thaçit nuk garanton miratimin e Këshillit të Sigurimit të OKB. Përveç kësaj, përcaktimi i kufijve në mes të grupeve etnike që do ti ndante njërën nga tjetra, në Ballkan nuk do të përfundonte  me shembullin e Kosovës dhe Serbisë – thekson Jeremiç.

Gazetarët e Der Standard, në rastin e ndryshimit të kufijve në Ballka dhe mundësisë së bashkimit të shteteve të vogla etnike, u interesoj se cilat do të ishin pasojat në Bosnje Hercegovinë, duke pasur parasysh aspiratat separatiste të Milorad Dodikut.

-Kur ndryshon një herë ky parim, gjithçka është e mundshme – tha Ish-Ministri i Jashtëm i Serbisë.

Duke folur për bashkëpunimin e Aleksandar Vuçiçit me kryeministrin e Shqipërisë Edi Rama dhe Presidentin e Kosovës, Hashim Thaçi, Jeremiç tha se “këta nacionalistë punojnë shumë mirë prapa dyerve të mbyllura” dhe bashkëpunojnë ngusht, por njëkohësisht kërcënojnë sigurinë me ngritjen e tensioneve në mes të popujve.

-Ishte ky rasti edhe në vitet e hershme ’90-të, kur Sllobodan Millosheviç dhe Franjo Tuxhman së bashku kanë punuar dhe kanë mbështetur ndarjen e Bosnjes prapa dyerve të mbyllura. Kjo përfundoi me katastrofë – tha ai  

Jeremiç sqaroi se Serbia bashkëpunon ngushtë me konsulentë të huaj të cilët i ndihmojnë për realizimin e shkëmbimit të territoreve me Kosovën. Thekson se në nivel të Bashkimit Evropian punën për Serbinë po e bënë Ish-Përfaqësuesi i Lartë për BeH, Wolfgang Petritsch, e Ish-Kryeministri britanik,Tony Blair me të gjitha nivelet në të gjitha kontekstet. Në SHBA këtë punë e bënë Corey Lewandowski, Ish-Këshilltar i Presidentit Donald Trump.

– Lewandowski është takuar me Vuçiçin në Beograd dhe përfaqëson ndarjen e territoreve në Washington. Atë e ka angazhuar zyrtarisht Republika Srpska, por ai lobon për ndarjen e Kosovës – thekson Jeremiç.

Për lidhjet e zyrtarëve të entitetit të Republikës Srpska  me shtëpinë lobuese prapa së cilës qëndron Corey Lewandowski është shkruar edhe më parë. Duke gjykuar nga deklaratat e Jeremiçit, Lewandowski me paratë e entitetit të Republikës Srspka lobon për shkëmbimin e territoreve në Kosovë, derisa zyrtarët e entitetit të Republikës Srpska dhe Serbisë  gjithnjë e më shumë flasin për reflektimin dhe shkëmbimin në BeH.

-Nëse dikush mendon se mund ta bëjë shtetin e Kosovës, e Republikën Srpska ta injoroj vazhdimisht, mashtrohet keq – është shprehur Milorad Dodik në fund të vitit 2018.

Nëse çështja e Kosovës ndërlidhet me entitetin e Republikës Srpska, kërcënohet integriteti terriotiral i BiH, tha dje presidenti i SDA, Bakir Izetboviç  duke sqaruar shkaqet e inicimit të apelimit të emrit të entitetit “Republika Srpska”./nga Der Standard/