Publikohen skandale të reja/ Grupi i PD, Basha: Bëhuni gati për zgjedhje…

Kryetari i Partisë Demokratike, Lulzim Basha, ka paraljmëruar publikimin e skandaleve tjera që implikojnë mazhorancën socialiste. Duke iu drejtuar deputetëve në mbledhjen e Grupit,  Basha ka kërkuar nga ata që të mobilizohen për zgjedhjet pasi dita e përballjes me qeverinë mund të jetë më e afërt nga sa pritet.

“Vendi është në kolaps total. PD do të vazhdojë betejën për dekriminalizimin e zgjedhjeve. Ne do të pregatitemi intensivisht për zgjedhje dhe do t’i fitojmë ato. Duhet të bëhemi gati, dita e përballjes me qeverinë mund të jetë më e shpejtë se sa e mendojmë. Skandale të tjera do të dalin,” mësohet të ketë thënë Basha.

Minimumi 15 mandate nga PS janë të palegjitimuara, tha Basha, prandaj qëndrimi i Partisë Demokratike me parlamentin do të vazhdojë të mbetet i njëjtë.

“Është sugjeruar nga grupi hetimor arrestimi i Vangjush Dakos, por nuk është bërë nga Prokuroria,” tha Basha.