Skandali elektoral, Berisha: Bashkëpunëtori i Nuredin Dumanit u gradua Zv/Drejtor policie në Elbasan
Krenar Guçe, bashkëpunëtor i bandës së Nuredin Dumanit sipas dëshmive të vetë Dumanit, është emëruar Zv/Drejtor policie në Elbasan si shpërblim për veprimtari kriminale gjatë fushatës, tha sot Kryetari i Partisë Demoratike, Sali Berisha, në vijim të denoncimeve për farsën elektorale të 11 majit, duke saktësuar se Guçe informonte grupe kriminale për lëvizjet e rivalëve, por në vend që të hetohej apo arrestohej, është promovuar.
Ndërsa akuzoi Altin Dumanin se “fle mbi dosjet e krimit” dhe mbron bashkëpunëtorët e botës së krimit. sot Kryetari i Partisë Demokratike denoncoi farsën elektorale duke publikuar një tjetër rast nga burgu i Elbasanit, ku sipas tij, Sara Mila, të cilën e quan “princesha e burgut”, ka marrë 92 nga 102 vota, duke treguar qartë manipulimin dhe presionin mbi votuesit e burgosur.
“Duke qenë një klan i lidhur kryekëput me qeverinë, Troplini në prokurori ndjehet i mbrojtur. Por e garantoj se ky problem do të bëhet sa kombëtar, aq edhe ndërkombëtar. Dhe nuk do mund ta kapërcejnë me dëshmitarë të rremë si Alfred Shehu, siç bëri para medias që e thirri shpejt e shpejt në ndihmë dhe u detyrua të ndërrojë ato që kishte thënë dy minuta më parë.
Njoftimi i kreut të kartelit më të fuqishëm të drogës në Shqipëri dhe largimi i tij, pasi ai drejtoi fushatën elektorale të partisë së krimit në Durrës, dëshmon se Altin Troplini ishte në këtë fushatë thjesht një ushtar i botës së krimit, i karteleve të drogës dhe Edi Ramës.
Këtu para jush do paraqes, përveçse të dhëna flagrante nga qendrat e votimit të akteve antiligjore që dëshmojnë se zgjedhjet ishin një farsë fund e krye dhe jo një proces zgjedhor.
Do paraqes kërcënimet që iu bënë komisionerëve në qendrat e votimit. Por do paraqes prapë një akt tjetër se si Altin Troplini fle mbi dosjet e krimit. Se si i akuzuari nga Nuredin Dumani, Krenar Guçe, si oficer ndërlidhës i bandës, bashkëpunëtor i bandës, sipas dëshmisë së Nuredin Dumanit, emërohet zëvendësdrejtor i policisë në qarkun e Elbasanit për t’u shpërblyer për aktivitetin e tij kriminal elektoral, për lidhjet e tij me kartelin e Suel Çelës dhe banda të tjera,” tha Sali Berisha duke sjellë dhe një rast tepër të veçantë nga zgjedhjet e 11 Majit.
“Është qendra e votimit të burgut të Elbasanit, në të cilën Sara Mile, famozja Sara Mile, është njeriu më i adhuruar në burgun e Elbasanit. A mund të imagjinoni ju, nga 102 vota të vlefshme, e adhuruara pafundësisht Sara Mile, merr 92 vota. Sepse burgun e kontrollon totalisht ata që kontrollojnë Ulsiun dhe Ulsiun e kontrollojnë vetëm bandat.
Shikojeni, princesha e burgut, Sara Mile, çfarë t’i themi. Nuk ke çfarë t’i thuash, kurse Ulsiu i ngarkoi Shullazit 313-ën dhe Shullazi nën terror ka detyruar, Mili i Partisë, të burgosurit të votojnë për kandidatin e partisë,” tha Kryetari i PD, Sali Berisha duke përfunduar:
“Ja pra, këto ishin zgjedhjet, farsa.
Urdhëroni, princesha e burgut!
Siç e shihni, në çdo aspekt, farsa nga alfa tek omega, procesi ishte farsë, farsë dhe vetëm farsë.”
Deklaratë:
Kaluan mbi tre javë dhe Altin Troplini nuk ka dhënë asnjë përgjigje për njoftimin që u bë klanit apo kartelit më të rrezikshëm në Europë, njoftim i cili u siguroi atyre lirinë dhe largimin.
Altin Troplini mbajti për rreth 3 javë në xhep mandatin ndërkombëtar të arrestit të bosëve të kartelit të vetëm në Europë që disponon port dhe e ekzekutoi atë ditë pasi bosët e kartelit ishin njoftuar dhe kaluan në fshehtësi, në arrati.
Çdo ditë që kalon fakton se Altin Troplini është një bashkëpunëtor në krim me kartelin më të rrezikshëm të drogës në Europë.
Gjer sot, shqiptarët nuk kanë asnjë shpjegim.
U përpoq të implikojë Antimafian Italiane, DEA-n amerikane, por një gjë kanë të qartë shqiptarët, se kurrë as Antimafia Italiane, as DEA amerikane nuk kanë njoftuar bosët e kartelit më të rrezikshëm të Europës, Troplinët për t’u larguar nga Shqipëria.
Gjer sot ka vetëm mashtrimet dhe trillimet e tij, përpjekjet e tij për t’u fshehur pas DEA-s dhe Antimafies, në një kohë kur njoftimi është direkt vepër e atij që mbante në xhep mandat-arrestin dhe nuk e ekzekutonte gjersa ata të përfundonin në vendin e fshehur dhe të sigurt.
Sigurisht duke qenë një klan i lidhur kryekëput me qeverinë, Troplini në prokurori ndjehet i mbrojtur.
Por e garantoj se ky problem do të bëhet sa kombëtar, aq edhe ndërkombëtar.
Dhe nuk do mund ta kapërcejnë me dëshmitarë të rremë si Alfred Shehu, siç bëri para medias që e thirri shpejt e shpejt në ndihmë dhe u detyrua të ndërrojë ato që kishte thënë dy minuta më parë.
Njoftimi i kreut të kartelit më të fuqishëm të drogës në Shqipëri dhe largimi i tij, pasi ai drejtoi fushatën elektorale të partisë së krimit në Durrës, dëshmon se Altin Troplini ishte në këtë fushatë thjesht një ushtar i botës së krimit, i karteleve të drogës dhe Edi Ramës.
Këtu para jush do paraqes, përveçse të dhëna flagrante nga qendrat e votimit të akteve antiligjore që dëshmojnë se zgjedhjet ishin një farsë fund e krye dhe jo një proces zgjedhor.
Do paraqes kërcënimet që iu bënë komisionerëve në qendrat e votimit.
Por do paraqes prapë një akt tjetër se si Altin Troplini fle mbi dosjet e krimit.
Se si i akuzuari nga Nuredin Dumani, Krenar Guçe, si oficer ndërlidhës i bandës, bashkëpunëtor i bandës, sipas dëshmisë së Nuredin Dumanit, emërohet zëvendësdrejtor i policisë në qarkun e Elbasanit për t’u shpërblyer për aktivitetin e tij kriminal elektoral, për lidhjet e tij me kartelin e Suel Çelës dhe banda të tjera.
Këto janë njoftime në media, të cilat datojnë me 6 shkurt 2025.
Nuredin Dumani nxjerr emrin e një tjetër oficeri policie si bashkëpunëtor të krimit.
Gjatë procesit gjyqësor me dyer të mbyllura, i pandehuri i drejtësisë, Nuredin Dumani, ka përmendur emrin e një oficeri policie të cilin e akuzon si bashkëpunëtor të krimit.
Dumani ka deklaruar se oficeri Krenar Guçe informonte anëtarët e grupeve kriminale për lëvizjet e objektivave.
Ai ka specifikuar se Krenar Guçe njoftonte Henrik Hoxhajn, një anëtar i grupit kriminal, i cili më pas ia përcillte informacionin e tij.
Njoftonte për lëvizjet e Elton Kiles- një nga detyrat e oficerëve kriminelë në radhët e policisë është të survejojnë dhe të ndjekin rivalët e bandave- dhe më pas Henrik Hoxhaj më informonte mua për lëvizjet e shënjestres, ka mundësi që ky Kile të jetë shënjestra, mësohet të ketë thënë Dumani në dëshminë e tij, raporton gazetarja e Top Channel, Anila Hoxha.
Pra, në mënyrë të përsëritur, kam deklaruar se balozët e krimit në prokurorinë speciale flenë mbi dosje krimi.
Se nuk duhet të fyejmë emrin Dumani me emrin Dumani më. Dumanin duhet ta quajmë Altin Troplini.
A mund të imagjinoni ju një drejtësi të tillë?
Ky është rasti më flagrant i bashkëpunëtori të Dumanit me krimin.
Sepse Guçe i paguan Dumanit aq sa ju nuk e merrni me mend.
Dëshmia e Dumanit për Krenar Guçen nuk paska vlerë, në një kohë kur dëshmia për çdo person tjetër që i intereson Altin Troplinit, ka vlerë.
Ja pra, dyfytyrësia e një krimineli, që paguhet 7 mijë euro për të mbrojtur kriminelë si Krenar Guçe apo bos Troplini.
Tani tek farsa elektorale.
E patë ju, ishte pajisur me dy fletë votimi.
Votues me dy fletë votimi.
Revolja… e patë besoj, edhe njëherë pozën e fundit.
Ja!
Pra, një bandit që futet me gisht në revole.
Këtu tani keni një gjë tepër të veçantë.
Është qendra e votimit të burgut të Elbasanit, në të cilën Sara Mile, famozja Sara Mile, është njeriu më i adhuruar në burgun e Elbasanit.
A mund të imagjinoni ju, nga 102 vota të vlefshme, e adhuruara pafundësisht Sara Mile, merr 92 vota.
Sepse burgun e kontrollon totalisht ata që kontrollojnë Ulsiun dhe Ulsiun e kontrollojnë vetëm bandat.
Shikojeni, princesha e burgut, Sara Mile, çfarë t’i themi.
Po Osman, nuk ke çfarë t’i thuash, kurse Ulsiu i ngarkoi Shullazit 313-ën dhe Shullazi nën terror ka detyruar, Mili i Partisë, të burgosurit të votojnë për kandidatin e partisë.
Ja pra, këto ishin zgjedhjet, farsa.
Urdhëroni, princesha e burgut!
Siç e shihni, në çdo aspekt, farsa nga alfa tek omega, procesi ishte farsë, farsë dhe vetëm farsë.
PYETJE-PËRGJIGJE
Osman Stafa, Neës 24: Ditën e djeshme është publikuar një lajm në lidhje me kryebashkiakun e Shkodrës, Benet Beci, i cili po hetohet. Në një dokument të publikuar është në ndjekje, pra është marrë si i pandehur nga SPAK, lajmi nuk është publikuar asnjëherë para zgjedhjeve. A keni ju dijeni komkretisht me këtë veprim që ka ndërmarrë SPAK ndaj tij, apo edhe ju dje e keni mësuar?
Berisha: Sigurisht që lajmi u mbajt i fshehtë fillimisht nga Arben Kraja, që është bashkëhajdut në këtë rast, bëri gjithçka që kjo çështje të mos mbyllej, por kjo çështje ishte shumë evidente.
Mund të them se e kam denoncuar si fakt në mënyrë të përsëritur, por ajo çka është e vërtetë për Becin, përdoret si limon i shtrydhur dhe flakët.
Vodhën së bashku me të dhe e flakin tani.
Kjo është e vërteta. Të kujtohen ty profesorët e Harvardit, i patën botuar mediat. Po mirë, ata marrin kaq, po ne të dy sa do marrim, ne që nuk jemi të Harvardit. Një nga ato.
Osman Stafa, Neës 24: Agron Shehaj ka deklaruar së fundmi se partitë opozitare, do të duhen që të dalin me një kandidat jopolitik në zgjedhjet lokale për Bashkinë e Tiranës, a e mbështesni ju këtë propozim të tij. Pra, për t ëbërë të gjitha partitë opozitare në një koalicion të vetëm, por me një kandidat që të mos ketë profil politik?
Berisha: Për të dalë partitë opozitare më një kandidat, këtë e mbështes plotësisht.
Por që të pretendohet të zgjidhet kryetari i bashkisë së kryeqytetit, një njeri jopolitik, një gjë të tillë nuk e kam dëgjuar ndonjëherë.
Sepse ai të paktën duhet të ketë një program, në të cilin çmonton të gjithë batërdinë bazuar në politikën e narkoshtetit në Tiranë.
Nuk di se ç’nënkuptohet me kandidat apolitik, nuk e kam të qartë, por për një kandidat të përbashkët, plotësisht e drejtë është si sugjerim.
Ermal Rizaj, Syri Tv: Së fundmi, në mediat ëmerikanë është botuar një lajm ku thuhet se është rihapur çështja për ish-agjentin e lartë të FBI, Charles McGonigal. Sa rrezikon kreu i qeverisë shqiptare, Edi Rama, i cili përmendet, sa i takon hetimeve më herët? Dhe meqënëse ju denoncuat SPAK, cili është roli i SPAK dhe çfarë përbën SPAK për sa i përket kësaj çështjeje të denoncuar nga përfaqësues të opozitës?
Berisha: Dosja McGonigal është një akuzë e rëndë për Edi Ramën dhe Altin Troplinin.
Autoritetet amerikane, drejtësia e tyre, pasi e dënoi të korruptuarin McGonigal me 2.4 vite burg për dosjen me Edi Ramën, ka hapur prapë çështjen e tij, duke aluduar me shumë mundësi se ai ishte spiun i një vendi tjetër.
E vërteta është se i gjithë aktiviteti i McGonigal në Shqipëri me Edi Ramën lidhet me kompanitë ruse të Deripaskës.
Kjo është e vërteta.
Por McGonigal ka pasur një veprimtari të gjerë dhe të fuqishme për të cilat Altin Troplini ka heshtur në krim.
McGonigal në Shqipëri sipas dokumenteve të drejtësisë amerikane, dosje të cilën Altin Troplini nuk e mori ndonjëherë, megjithëse ka padi në SPAK për këtë çështje, tregohet se mori nga zyra e Edi Ramës dokumentet për të cilat u shpërblye, për të punuar kundër opozitës, dhe shpërblimin prej 225 mijë euro.
McGonigal ka arritur gjer aty sa të emërojë në funksionet e tij, të angazhojë një prokuror amerikan për hetimin e dokrrave të Tom Doshit.
E trillimeve të Edi Ramës dhe Tom Doshit se gjoja Durim Bami, i nxitur nga Ilir Meta, ka dashur të ekzekutojë Tom Doshin.
Dhe takimi është bërë në një hotel në Vjenë dhe Edi Rama ka nisur ministrin e drejtësisë, po, po janë të dokumentuara, të faktuara këto.
Dhe pas katër orë pyetje, imagjinojeni ju Durim Bamin tani, dhe në fund prokurori amerikan konkludon se ky person, nga fjala e parë tek e fundit, gënjen, nuk ka asgjë të vërtetë në tregimin e tij.
Por ama, aeroplani i posaçëm u vu në dispozicion dhe në Vjenë u shkua me aeroplan të posaçëm të paguar nga i famshmi Duçka.
225 mijë euro është shuma vetëm në monedhë, por in kind ëshët dhjetëra herë më e madhe.
Ju e dini që licenca iu ndryshua, iu mor një kompanie amerikane dhe iu dha kompanisë së Deripaskës. Licenca e naftës.
McGonigal në Shqipëri, sipas dëshmive të biznesmenëve guximtarë, është përpjekur të vërë gjoba milionëshe, duke u marrë përsipër të tyre t’i heqë nga lista e zezë.
McGonigal është sjellë në mënyrën më të shfrenuar në hotele dhe në lokale.
Është shpallur qytetar nderi, turpi i mbuloftë Damian GJiknurin, Edi Ramën dhe Rexh Byberin, që shpallën një armik të SHBA, qytetar nderi në Tropojë.
Faktikisht dosja shqiptare e McGonigalit është ndër më të pasurat, por atë e mban në sirtar Altin Troplini, i cili nuk ka lëvizur qoftë edhe një fije.
I kam deklaruar dhe i deklaroj Edi Ramës, se dy gjëra nuk do i ndahen gjer në ditën e fundit të jetës së tij.
E para, djegësi i Tiranës.
E dyta, McGonigal.
Pastaj është një listë e tërë mbrapa.
Daniela Maloku, Report Tv: Z.Berisha, që prej përfundimit të zgjedhjeve dhe deri në këto momente, i vetmi njeri që keni mbajtur konferenca për media, për të faktuar farsën elektorale, jeni ju, dhe asnjë përfaqësues tjetër i lartë i PD nuk ka mbajtur konferenca, qoftë edhe drejtuesit politikë, për të faktuar në qarqe të caktuara problematikat që ata kanë hasur. Është kjo një zgjedhje, apo Sali Berisha është ‘braktisur’ në këtë betejë për vërtetimin e farsës elektorale?
Berisha: Përfaqësues të PD janë çdo natë në ato media që i ftojnë, se ka media që nuk i ftojnë.
Kanë qenë pa përjashtim, të mos të jap listën. Kanë qenë në të gjitha emisionet që janë ftuar.
Kanë qenë në të gjitha mediat që janë ftuar.
Konferenca e shtypit është e kryetarit dhe paraqet këtu tërësinë e provave, fakteve të farsës elektorale.
Pra, me respekt ndaj qytetarëve dhe medias, përfshi edhe ju, tjetër punë se një ditë kërkon se ku janë të dhënat e Trenit Bullgar, ditën tjetër ti mungon dhe mbetesh ta shohësh në media.
Pra, këto janë.
E rëndësishme është që këtu po bëhet zbërthimi me fakte, dokumente zyrtare i farsës së turpshme të 11 Majit 2025.
Daniela Maloku, Report Tv: Për pak muaj pritet edhe përfundimi i dënimit të deputetit demokrat, Ervin Salianji. A ka menduar PD, cili do të ishte shpërblimi politik për këtë të fundit, cili do të jetë pozicioni që z.Salianji do të mbajë në selinë e PD?
Berisha: Berisha: Pozicioni i zotit Salianji në PD do jetë pozicion beteje
Pozicioni i zotit Salianji në PD do jetë pozicion beteje.
Anisa Kadesha, TVSH: Z.Berisha, pavarësisht denoncimeve tuaja, kryeministri ka zgjedhur të heshtë, nuk ka bërë asnjë reagim, ndërkohë që vazhdon axhendën private, sic raportojnë mediat, ndodhet në Nju Jork në dasmën e Aleks Soros, për t’u kthyer në trajnimin e deputetëve të rinj të PS. Si e komentoni heshtjen e tij?
Berisha: Edi Rama është i gozhduar dhe çdo ditë do gozhdohet më shumë.
Domethënë, lagimi i tij i përkohshëm, por atje shkon dhe atje gjen një zjarr të ndezur.
Gjen aferën McGonigal të hapur, në një kohë kur ky është personazh kryesor në atë aferë.
Dhe i them, mos u lodh se çfdaërdo përpjekje që të bësh, ajo dosje nuk mbyllet kurrë.
Ajo mbyllet vetëm pasi ti të shkosh te McGonigal.
Rruga e vetme e mbylljes është ndarja e krimit dhe përgjegjësisë për krimin me McGonigal.
