“Skandali McGonigal”/ As mocion as interpelancë, oferta e Edi Ramës: Dialog me Spiropalin!
Pavarësisht se çfarë është thënë në aktakuzat e gjykatave amerikane për zyrtarin e lartë të FBI, Charlie McGonigal dhe angazhimin e tij nga Kryeministri Edi Rama për të shkatërruar opozitën shqiptare, si dhe kërkesës së deputetëve të PD për interpelancë dhe mocion me debat lidhur me situatën e krijuar pas “Skandalit McGonigal”, Rama vendosi të mos përfill asnjërën nga këto kërkesa!
“Do ta ftoja Kuvendin të votohet kërkesa për ndryshim rendi dite, do kërkoje të mbyllnim votimin me procesverbalin dhe të vazhdojmë. Nesër të mbledhim Konferencën e Kryetarëve për kërkesën për mocion me debat,” tha Taulant Balla duke e bërë të qartë se Partia Socialiste dhe kreu i saj vazhdon të jetë kundër veriut të Shqipërisë dhe se kot e kishte me “non grata” sepse do ta refuzojnë çdo kërkesë të PD edhe kur ajo nuk mbanë firmën e Sali Berishës, e nëse deputetët e kundërshtojnë këtë vendim absurd të Edi Ramës, vendi ku ata qëndrojnë, do ta pagëzojnë ashtu sç dëshiron elektorati kriminal i Taulantit, “tokë e xanun”.
Dhe, pasi Taulanti nuk eci vetëm dhe ekzekutoi kërkesën për mocion me debat me kartonat e shumicës, u bë e ditur se Skënderbeu kishte dërguar Spiropalin që të dialogoj me ata që kërkuan interpelancë me Kryeministrin!
Deri sa kërkuesit e mocionit reaguan duke kërkuar plotësimin e të drejtës së tyre parlamentare dhe atyre nuk iu dha fjala në foltore, për vendimin e Skënderbeut që të dërgoj Spiropalin, për kërkuesin e interpelancës Gazment Bardhi, kjo u vlerësua si e papranueshme.
“Kam kërkuar interpelancë me kryeministrin për takimet e tij private dhe jo me hijen e tij. Nuk e kam thirrur si të pandehur, por si kryeministër. Nuk mund të fshihet pas Elisë, Agron Nezës dhe McGonigal . Duhet të vijë të japë llogari se si me veprime kriminale ka korruptuar zyrtarë të lartë në FBI. Sipas rregullore interpelanca urgjente është pika e parë. pezullo seancë plenare. Ushtro autoritetin tënd. Mos u sill si kukull e Edi Ramaës, Silluni si kryetare e Parlamentit. Thirr Kryeministrin në seancë. Më lër të mbaroj.
Si avokate ta marri Elisën, nuk ndërhyj. Por si kryeministër të vijë këtu dhe të japë llogari. Nuk pranoj të bëj interpelancë me hijen e kryeministrit. Se di që ajo të ketë qenë në këto takime, por ka qenë Kryeministri dhe Duçka dhe Neza. Nëse i ka folur Rama në vesh dhe Elisa të vijë të bëjë këtu si altoparlant”, tha deputeti Gazment Bardhi.
Me këto tensione që vazhdon dhe krijon politika e Edi Ramës, Kryetarja e Parlamentit, Lindita Nikolla, ndërpreu seancën!
