“Skandali McGonigal”, Kongresi hap hetime për Ish-Zyrtarin e FBI
“Skandali McGonigal” që ka tronditur Shtetet e Bashkuara dhe jo vetëm, për shkak të implikimit të një zyrtari të lartë të FBI në afera korruptive, tashmë ka mbërritur edhe në Kongres ku kanë filluar hetimet.
Kryetari i Komitetit Gjyqësor të Dhomës së Përfaqësuesve, Jim Jordan dhe kongresmeni Matt Gaetz kërkojnë hetim të plotë për rastin ndërsa i janë drejtuar përmes një letre drejtuar kreut të FBI-së, Chris Wray, ku kërkojnë informacion nga Byrosja Federale e Hetimit lidhur me të gjitha takimet, komunikimet dhe personat që kanë punuar me Ish-Zyrtarin e lartë gjatë kohës që ai ishte në detyrë.
“Ju lutem siguroni informacion në lidhje me të dhënat personale të Charles McGonigal, duke përfshirë, por jo duke u ndalur vetëm tek historiku i punës së tij, formularët e vlerësimit, sigurisë dhe dokumente të lidhura me to.
Të gjitha dokumentet dhe komunikimet referuar ose të lidhura me veprime të marra ose të planifikuara të merren për të vënë në rrezik sigurinë kombëtare.
Lutemi që informacioni të dorëzohen sa më shpejt të jetë e mundur, por jo më vonë se data 16 shkurt,” thuhet në kërkesën e Kryetarit të Komitetit Gjyqësor të Dhomës së Përfaqësuesve, Jim Jordan dhe kongresmenit Matt Gaetz drejtuar kreut të FBI-së, Chris Wray.
Ndryshe, deri sa Kongresi i SHBA ka filluar hetimet lidhur me “Skandalin McGonigal” për veprimtarinë e dyshimtë të Ish-Zyrtarit të lartë të FBI, në Shqipëri, ku përfshihet edhe veprimtaria e tij kriminale në fushën e biznesit dhe shkatërrimin e opozitës, Kryeministri Edi Rama nuk denjon ti përgjigjet as detyrimit kushtetues për një interpelancë për të saqruar pse emri i tij shfaqet 14 herë në aktakuzën kundër McGoligan, sepse për hetim parlamentar është përgjigjur zari i tij, Taulant Balla, pa e pyetur njeri, se një Komision Hetimor Parlamentar do të kundërshtohet përderisa drejtësia amerikane po merret me rastin.
Ndërkohë, 45 deputetë të Partisë Demokratike kanë firmosur një kërkesë për ngritjen e Komisionit Hetimor Parlamentar për të hetuar lidhjet e Kryeministrit Edi Rama me Ish-Zyrtarin e lartë të FBI-së, dhe pritet të dorëzohet nesër në Kryesinë e Parlamentit.
