Skandali me votat e diasporës, Berisha: DHL i dorëzoi zarfet pa asnjë firmë në zyrat e PS-së!

Kryetari i Partisë Demokratike, Sali Berisha ka vazhduar sot me denoncimin e shkeljeve gjatë procesit zgjedhor të 11 majit 2025, duke i cilësuar zgjedhjet si një farsë elektorale dhe krim elektoral të organizuar nga narkoshteti në krye me Edi Ramën.

“Procesi i votës së diasporës u shtetëzua nga narkoshteti. U shkel çdo standard, çdo kriter, çdo ligj, në mënyrë që Edi Rama, Ramaduro të themi, të mos i themi më Edi Rama, të arrinte rezultate 95 përqind, 93 përqind, 90 përqind siç arriti me votën e diasporës.

Tani shkelja e kontratës. Numri total i miratuar i votuesve ishte 245.935. Numri i zarfeve të dërguara është po kaq. Zarfe të mbërritura në KQZ janë gjithsej 202.309 zarfe, pra 18 përqind e atyre që iu nis zarfi, zarfi mbeti rrugës sepse nuk i pëlqente Edi Ramës votimi i tyre,” shprehet Sali Berisha duke cituar Vendimin numër 13 rë Komisionit Rregullator datë 12.11.2024 që përcakton se fletët e votimit duhet të dërgohen individualisht tek votuesi.

“DHL nuk i ka dërguar individualisht. Ka dështuar. Dorëzimi duhet të bëhet në adresën e deklaruar. DHL ka dështuar,” tha Kryetari i PD, Sali Berisha, duke ftuar qytetarët të përqendrohen ndërsa përfundoi:

“Urdhëroni se kujt ia ka dorëzuar zarfet për firmë DHL-ja, i ka dorëzuar në zyrat e PS, ndaj janë të gjitha pa firmë.

Dhe janë plotësuar në zyrat e PS.”

Deklaratë:

Para se të ndalemi në farsën e turpshme elektorale, 11 maj 2025, dua të dënoj edhe njëherë me forcën më të madhe, dënimin politik ndaj deputetit Ervin Salianji nga Edi Rama dhe Fatmir Xhafaj, krerë kryesorë të organizatës kriminale të narkoshtetit.

Ervin Salianji vuajti jashtë çdo lloj ligji, Kushtetute dhe rregulli.

9 muaj në burg vetëm e vetëm pse denoncoi Geron Xhafën si trafikant kryesor në qarkun e Vlorës, i cili kërkohej në Milano.

Burgosja e Ervin Salianjit kishte si synim kryesor burgosjen e të vërtetës se Edi Rama, Fatmir Xhafaj dhe Geron Xhafaj udhëhiqnin dhe përfitonin nga trafiqet nga Vlora drejt Italisë.

Natyrisht mbajtja në burg e Ervin Salianjit pa asnjë faj është përgjegjësi direkt personale e Edi Ramës dhe Fatmir Xhafës.

Vendimi i sotëm i gjykatës u shty po me urdhër të Edi Ramës dhe Fatmir Xhafës mbi 6 javë në një akt të turpshëm dhe hakmarrës pa fund.

Krahas saj, dua të denoncoj këtu para jush qëndrimet e terrorit psikologjik ndaj të burgosurit tjetër politik, ish-presidentit, ish-kryeministrit dhe ish-kryetarit të parlamentit, Ilir Meta, gjatë këtyre ditëve në vazhdim.

Me urdhër të Edi Ramës dhe Uluzi Manjës, banditë me uniformë në burgun e Fierit kanë ushtruar terror psikologjik ndaj Ilir Metës sepse ai ka dhënë një intervistë në media, ka ushtruar të drejtën e fjalës së tij.

Ky akt i shëmtuar i ndëshkimit për fjalën e lirë tregon tmerrin që Edi Rama ka për krimet politike që ka kryer.

Banditë me uniformë në zbatim të urdhrit të Edi Ramës dhe Uluzi Manjës kanë shkuar gjer aty sa nuk i kanë lejuar takimin me familjarët duket pretenduar se janë 4 dhe mund të futen vetëm 3, dhe akte të tjera.

I kanë hequr telefonin dhe të drejtën e komunikimit sepse, sipas tyre, ka komunikuar me Sekretarin e Përgjithshëm të partisë së tij.

Këto janë akte jashtëzakonisht të rënda të një narkoshteti që nuk ndodhin as në burgjet e Bjellorusisë apo Rusisë.

Këto ndodhin vetëm në Venezuelën e Maduros, ndaj dhe Edi Rama është një Ramaduro.

Së fundmi, dua të informoj opinionin për aktin fasadë, të turpshëm të Altin Troplinit, i cili në një akt pafytyrësie, ka hapur çështje personale pa person për problemin e Irena Gjokës.

Pra, ka hapur çështje penale pa person, pa Irenën, për Irena Gjokën.

Në një përpjekje të turpshme për të nxjerrë se Irena është viktimë dhe i kanë marrë pasaportën.

A mund të imagjinoni ju se çfarë llumi profesional dhe njerëzor ka këtu?

Irena me firmë dhe me vulë ka autorizuar me note avokatët për t’u marrë me dënimet e saj në Greqi dhe Altin Dumani hap çështje penale jo për personin, por për çështjen, vetëm e vetëm si ta mbrojë sepse është vetë një Irenë me pantallona.

Dumani përfaqëson një Irenë me pantallona.

Një njeri që ka fshehur origjinën e pasurive, tre apartamente dhe banon në një vilë tjetër tek vjehrri.

Pra, siç e shihni, një kalbësirë mafioze e narkoshtetit po dekompozohet.

Edi Rama, për të mbuluar helmimin që u bëri qytetarëve të Elbasanit me një zjarr që qyteti që nuk e kishte parë kurrë gjashtëditor, zjarr në të cilin u prodhuan toksinat më të rrezikshme për shëndetin e njeriun, zjarr në të cilin janë prodhuar dioksina dhe shumë lloje toksinash të tjera me pasoja katastrofike, zjarr për të cilin nuk ka asnjë përgjegjësi për Edi Ramën dhe që përbën krimin mjedisor më të rëndë në historinë e vendit, shkon e merret me kontejnerët e një krimineli, i cili sipas dosjes ‘Metamorfoza’ ishte angazhuar për të ekzekutuar kryeministrin e Kosovës.

Dhe për Edi Ramën, nuk ishte ky problemi më kryesor.

Prek Kodra rezulton si njeri që kishte marrë përsipër, i shtyrë nga Vuçiçi apo vëllezërit e Vuçiçit, atë nuk mund ta gjejnë se u njoftua dhe u largua ai.

Dhe tani merret me kontejnerët. Do të merret me krimin mjedisor të disa kontejnerëve dhe jo me gjëmën që i bëri Elbasanit dhe Vlorës me djegien e fushave të plehrave si në Mesjetë.

Informoj qytetarët se zhurma që bëhet për Thethin është njëlloj si të përpiqesh të mbulosh megakrimin e tij.

Qeveria duhej te vendoste milionin mbi kokën e tij për të kapur atë.

Imagjinoni ju, Tirana vrau këtu Ahmet Krasniqin. Po, po. Fatos Klosi me shokë dhe tani na dalin të tjerët, po nga Shqipëria që duan të vrasin kryeministrin e Kosovës.

Dhe problemi është se një prokurore nuk lëshoi urdhër arrest për kontejnerët, të cilët sipas raportit të policisë, nuk ishin ndërtim me themele, pra nuk plotësonin kushtin ligjor të ndërtimit pa leje. Jo!

Dhe policia këtë vendim, që ta dinë qytetarët, këtë vendim të prokurores, nuk e apeloi, nuk e çoi në gjykatë.

E kuptoni ju?

Dhe ka dy ditë që llomotit për të tërhequr vëmendjen e njerëzve nga Elbasani, nga Vlora, për të mashtruar, për të mbuluar krimin e tmerrshëm mjedisor që u krye dhe që ka në themel vjedhjen e shekullit, llamarinën që solli në Elbasan dhe që nuk funksionoi as 3 muaj, zero ndërtimin e djegësit në Tiranë dhe po kështu në Fier.

Pra, u ndala në këto çështje, të cilat janë probleme madhore të Kushtetutës, ligjit dhe drejtësisë.

Farsa elektorale/ Berisha publikon shkeljet me votën e diasporës: 18 përqind e zarfeve nuk mbërriti në KQZ, DHL i shpërndau edhe pas ditës së votimit

Por, një problem tjetër themelor është farsa zgjedhore 11 maj 2025.

Siç kam deklaruar, procesi i votës së diasporës u shtetëzua nga narkoshteti.

U shkel çdo standard, çdo kriter, çdo ligj, në mënyrë që Edi Rama, Ramaduro të themi, të mos i themi më Edi Rama, të arrinte rezultate 95 përqind, 93 përqind, 90 përqind siç arriti me votën e diasporës.

Tani shkelja e kontratës. Numri total i miratuar i votuesve ishte 245.935. Numri i zarfeve të dërguara është po kaq. Zarfe të mbërritura në KQZ janë gjithsej 202.309 zarfe, pra 18 përqind e atyre që iu nis zarfi, zarfi mbeti rrugës sepse nuk i pëlqente Edi Ramës votimi i tyre.

Në Itali kjo shifër është 17 përqind. Në Gjermani jo shifër është 15 përqind. Në SHBA kjo shifër është 16 përqind. Në Britaninë e Madhe kjo shifër 27 përqind. Në Francë 25 përqind. Në Greqi 19 përqind.

Problematikat e konstatuara me DHL-në.

Një, mungesë informacioni nga KQZ për zarfet e kthimit të votave nga diaspora në mënyrë që të mbyllet procesi i çdo vote në bazë të kodit unik të çdo zarfi, kërkesë e përsëritur nga përfaqësuesit ligjorë të PD.

Dy, vonesa në dërgimin e zarfeve. Rezulton se DHL i ka mbajtur vetë zarfet për shumë ditë pa i shpërndarë, deri në 2-3 javë në magazinat e veta.

Tre, shpërndarje zarfesh ditët e fundit para zgjedhjeve sipas informacionit të KQZ, duke mos u lënë kohë votuesve që të dorëzojnë mbrapsht zarfet.

Katër, shpërndarje e zarfeve me vonesë duke mos lënë mundësi për tre tentativa nga ana e DHL siç kërkon kontrata.

Dhe e fundit, shpërndarje e zarfeve edhe pas ditës së votimit duke bërë absurd tërë procesin dhe duke u mohuar të drejtën e votuesve dhjetëra mijëra votuesve.

Shkelje ligjore të DHL me kontraktimet.

Vendimi numri 13 i Komisionit Rregullator datë 12.11.2024 përcakton: fletët e votimit duhet të dërgohen individualisht tek votuesi. DHL nuk i ka dërguar individualisht. Ka dështuar.

Dorëzimi duhet të bëhet në adresën e deklaruar. DHL ka dështuar.

Fletët e votimit duhet të dorëzohen përmes një shërbimi ekspres. DHL ka dështuar.

Shkelje e kontratës së DHL me kontraktimet.

Nga shqyrtimi i informacionit zyrtar të DHL, vetëm dorëzimi i zarfeve tek votuesit, rezulton:

Qindra fatura të DHL janë pa firmën e marrësit. Asnjë vlerë ligjore.

Qindra fatura të DHL kanë vetëm një vizë në vend të firmës.

Qindra fatura të DHL kanë simbole dhe shenja të qarta, yllin me pesë cepa, logo e fushatës së PS, fjongo, germa, sipas porosisë nga qendra në mënyrë që të kontrollohej vota e diasporës.

Vota e diasporës është kontrolluar, patronazhuar një çdo fazë të procesit. Shenjat dalluese në vend të firmave e faktojnë këtë.

Sot kam zgjedhur për të paraqitur para jush fatura të DHL-së, dorëzime të zarfeve të votimit, por që nuk kanë asnjë firmë.

Shihni tani. Nga qindra e qindra kam zgjedhur disa.

Ja, pa firmë.

Tjetër, pa firmë fare.

Vazhdo, pa firmë.

Nuk ka firmë.

Nuk ka firmë…

Ylberi nuk ka firmë. Hatixhja nuk ka firmë. Ylberi nuk ka firmë, Gazmiri nuk ka firmë, Valentina nuk ka firmë, Mentori nuk ka firmë…

Vazhdo pa firmë.

Ju lutem, i ftoj qytetarët të përqendrohen.

Urdhëroni se kujt ia ka dorëzuar zarfet për firmë DHL-ja, i ka dorëzuar në zyrat e PS, ndaj janë të gjitha pa firmë.

Dhe janë plotësuar në zyrat e PS.

Këto ishin.

Kemi me qindra e qindra, por ne zgjodhëm këto se nuk mund t’u mbajmë kaq gjatë.

PYETJE-PËRGJIGJE

Ermal Rizaj, Syri Tv: Z.Berisha, për këto prova që sollët ju, që janë në fakt prova shkresore, kush e mban përgjegjësinë dhe kush duhet të shkojë përpara ligjit për shkeljen e kontratës dhe çfarë po bën PD për sa i takon kësaj çështje?

Berisha: PD nuk njeh vlefshmërinë e zgjedhjeve dhe po bën gjithçka dhe do bëjë në rrafshin kombëtar dhe ndërkombëtar për të hedhur poshtë vlefshmërinë e zgjedhjeve.  Kjo është evidente. Ja çfarë ndodh.

Ermal Rizaj, Syri Tv: Ku janë këto dërgimet pa firmë, në cilin shtet?

Berisha: Këto zarfe janë pa firmë.

Këto janë zarfet e Greqisë.

Por janë tre kategori.

Një sasi janë pa firmë fare. Qindra.

Një sasi tjetër kanë vetëm një vizë, do ua paraqes herën tjetër.

Një sasi tjetër që janë dorëzuar kanë yllin e Partisë Socialiste në vend të firmës.

Ne i kemi zbërthyer.

Dhe t’u them këtu, i kërkoj KQZ-së të dorëzojë me urgjencë të gjithë dokumentacionin e zarfeve të dorëzuara nga votuesit se atë nuk e dorëzojnë, e mbajnë sekret.

Kemi dy javë që e kërkojmë.

Se ka një gjë, ky është zarfi që ka shkuar. Ky është dokumenti që është dorëzuar pa firmë në zyrat e PS.

Por tani ne do analizojmë edhe kthyesit e zarfeve. Zarfet e kthyera. Ligjshmërinë dhe rregullshmërinë e tyre.

Nuk po i nxjerrin akoma.

Kemi bërë kërkesë me shkrim, në përputhje me ligjin.

Ermal Rizaj, Syri Tv: Që në nisje të fjalës suaj denoncuat mbajtjen në burg të z.Ervin Salianji dhe e cilësuat një burgim politik ndaj tij. Cili do të jetë roli i Ervin Salianjit në PD, tani pas lirimit të tij?

Berisha: Berisha: Qëllimi kryesor i Edi Ramës ishte t’i këpuste karrierën politike Salianjit, që ai të mos kandidonte më në parlament, se e kishte tmerr

Ervin Salianji është një nga drejtuesit e PD, aktiv dhe do japë kontributin e tij.

Sikundër, u garantoj se ai do të damkosë në të gjitha shkallët ndërkombëtare të gjyqësorit, sepse qëllimi kryesor i Edi Ramës ishte t’i këpuste karrierën politike atij, që ai të mos kandidonte më në parlament se e kishte tmerr.

Edi Rama dhe Fatmir Xhafaj, dy bosë kryesorë të organizatës kriminale të narkoshtetit, u plagosën rëndë nga denoncimet e Ervin Salianjit.

Andon Kello, MCN: Çfarë mendoni ju për gjyqtaren Elsa Ulliri?

Berisha: A jam unë këtu për të dhënë mendime për gjyqtarët dhe për këtë e atë?

Nuk jam unë këtu për atë çështje.

Aty janë me dhjetëra gjyqtarë.

Ja për shembull, unë lavdëroj shumë prokurorin e Shkodrës, që nuk e njoh, as me emër nuk e di kush është, por me komunikatën që kishte bërë dje, ai ose ajo, kishte dëshmuar se ishte njeri i ligjit dhe Kushtetutës.

Unë gjykoj sipas aktit.

Akti i atij ose i asaj prokuroreje, ishte një akt dinjitoz i një zyrtari të shtetit, që i thoshte kreut të organizatës kriminale se nuk mund të dënohet kush, nuk mund të ndiqet kush pa fakt penal.

Kurse ky mafioz fliste me veten… dhe atë e ka për të hequr vëmendjen nga gjëma që i bëri Elbasanit.

Kurse, kjo prokurore bëri një akt dinjitoz.

Anisa Kadesha, Tvsh: Z.Berisha, cila duhet të jetë përgjegjësia e Ilirjan Celibashit, i cili  ka pranuar vetë zarfet me votat e diasporës, kanë mbërritur jo sipas kontratës së DHL, por nga shërbime tjera postare?

Berisha: Ilirjan Celibashi, sikur të kishte nanogramin minimal të ligjit dhe të detyrës, zhvlerësonte menjëherë procesin zgjedhor.

Të informonte shqiptarët dhe botën se zgjedhjet ishin një farsë e turpshme elektorale, një krim i shëmtuar elektoral.

Kjo nuk mund të ndodhi, natyrisht!