Skema kombëtare në bujqësi, AZHBR përfshin 2.802 aplikime për gjashtë masa

Agjencia e Zhvillimit Bujqësor Rural, AZHBR, përfshiu në fazën e parë 2.802 aplikime nga fermerët sa i takon financimit të tyre për një nga masat e njoftuara më herët.

Në një listë të publikuar nga vetë Agjencia aplikantëve iu la mundësia deri të mërkurën e kësaj jave (18 maj 2021) që të plotësonin dokumentet shtesë që mund të kishte nevojë dosja e tyre për të kaluar në fazën tjetër të miratimit. Këto dokumente duhet të dorëzoheshin të plota ose në të kundërt përbëjnë shkak për skualifikim.

Masa me aplikimet më të mëdha të kualifikuara ishte ajo e parë për tufën bazë të martikulluar me dele/ dhi e gjedhë. Ndërkohë që masa ku ka më pak kualifikime është ajo e Global Gap që është një lloj certifikimi për prodhimet bujqësore që u mundëson fermerëve që të kenë më të lehtë eksportin e produkteve të tyre.

Por cilat janë masat dhe numri i atyre që janë përfshirë në listën e AZHBR të bërë publike?

MASA I. Për tufën bazë të matrikulluar me dele/dhi dhe gjedhe. Në vijën e financimit për këtë masë jane aktualisht të përfshirë aplikimet deri në numrin rendor 1733.

MASA 2. Për kosheret e bletëve. Në vijën e financimit për këtë masë janë aktualisht të përfshirë aplikimet deri në numrin rendor 648.

MASA 3. Për zëvendësim plasmasi. Në vijën e financimit për këtë masë janë aktualisht të përfshirë aplikimet deri në numrin rendor 188.

MASA 4. Për BAM mbjellje. Në vijën e financimit për këtë masë janë aktualisht të përfshirë aplikimet deri në numrin rendor 85.

MASA 5. Për Ferma Organike. Në vijën e financimit për këtë mase janë aktualisht të përfshirë aplikimet deri në numrin rendor 122.

MASA 6. Global GAP. Në vijën e financimit për këtë masë janë aktualisht të përfshirë aplikimet deri në numrin rendor 26.

Në njoftimin e saj AZHBR bëri me dije se fondet që do të lirohen nga skualifikimet dhe fondet e tjera që do të rialokohen do të përdorën vetëm për aplikantët që do të plotësojnë dokumentet e aplikimit brenda nga dite kalendarike nga marrja e njoftimit për t’i dorëzuar ato dokumente që u mungojnë.

Skema Kombëtare e Mbështetjes në Bujqësi 2021, ka të destinuar një fond prej 804 milionë lekë, subvencione për fermerët. Sipas të dhënave zyrtare mbi 13 mijë fermerë kanë aplikuar online në e-Albania në njërën nga 9 masat që u njoftuan nga qeveria. Aplikimet mbetën të hapura nga data 24 mars deri në 15 prill. /Monitor/