“Skenari Lleshaj”/ Ministri Lleshaj arsyeton dhunën policore: Opozita, plan sulmi ndaj institucioneve…
Pasi paralajmëroi konferencë për shtyp, mediat u bënë gati për ndonjë lajm nga vjedhja e 6.5 milionë euro në pistën e Aeroportit të Rinasit, por jo Ministri i Brendshëm, Sandër Lleshaj, e kishte përgatitur një përgjigje për akuzat që ngriti Sekretari i Përgjithshë i PD, Gazment Bardhi, se Lleshaj kishte sajuar skenarë për djegie makinash fallco e e policë të dhunuar, pasi qeveria ishte tmerruar nga bashkimi i shqiptarëve.
Dhe, përgjigja siç i ka hije një Ish-Gjenerali komunist nuk kishte të bënte me akuzat e ngritura nga opozita, por ai ngriti akuza të reja ndonëse protesta ishte transmetuar “live”.
Por çfarë i kishte thënë Edi Rama, Ish-Gjeneral Sandër Lleshajt të thotë?! Protesta e djeshme tha Ish-Gjeneral Lleshaj pati më tepër dhunë, tregon dëshpërimin e organizatorëve madje i akuzoi për një plan sulmi ndaj institucioneve dhe thirrje antikushtetuese.
“Pati më tepër dhunë, ky është një lajm i keq që tregon dëshpërimin e organizatorëve. Protesta e mbrëmshme u zhvendos në mënyrë të pabesë, tinëzare nga vendi ku ishte kërkuar tek kryeministri drejt parlamentit duke krijuar pasoja të rënda, duke përfshirë qytetarë të palidhur me protestën e duke sjell dëme. Nga ana e organizatorëve nuk ishin marrë asnjë masë për sigurinë e saj, nuk ishte shpenzuar asnjë burim njerëzor apo material që protesta të zhvillohej brenda hullisë ligjore. Përkundrazi nga organizatorët ishin marrë masa për të hartuar plan sulmi dhe për të përdorur dhunë kundër institucioneve kushtetuese. Gjatë protestës u konsumuan thirrje të hapura antikushtetuese, për dhunë, për revolucion,” tha ministri i Karshillëkut të opozitës duke sajuar përveç këtyre akuzave edhe idiotësi që nuk besohen nga viti 1985, se opozita na paska përdor një arsenal lëndësh shpërthyese të ndaluara e të rrezikshme nga të cilat u shkaktuan dëme të mëdha.
“Protesta kontribuoi edhe njëherë për ta zhvendosur vëmendjen e policisë nga krimi tek protesta. Policia dha shembull dinjiteti, dhunuesit një tjetër arsye për t’u braktisur nga çdo qytetar. Policia reagoi me profesionalizëm ndaj njerëzve që kanë vrarë,” tha ministri i Punëve të Brendshme të Edi Ramës, i cili vetëm fal shefit të tij i cili i shkatërroi Gjykatat e këtij vendi, mund të dal, të akuzoj kë t’ia doj kokërra e qejfit dhe të mos përgjigjet për marrëzirat që nxjerr nga goja sepse vetë ai nuk përgjigjet para Ligjit, dhe vetëm ai vazhdon dhe arreston atë që i thotë shefi i tij dhe jo Ligji.
Madje ky ministër që vazhdon dhe i bënë karshillëk opozitës, nuk tregoi nëse është marrë qoftë edhe një masë kortezie për atë oficer policie kriminal i cili mbrëmë ndërsa lideri i opozitës po jepte prononcim për mediat para Parlamentit, dhe të gjithë po e dëgjonin, një rebesh bombash pa kurrfarë shkaku ra pikërisht para Lulzim Bashës dhe gazetarëve. Për këtë akt makabër, nuk duhet komenti i Ish-Gjeneral Sandër Lleshajt, por prangat për atë kriminel që dha këtë urdhër qoftë ky dhe zbatuesi i Lleshajt apo Edi Ramës.
Ndryshe, Policia e Tiranës në bazë të analizave të pamjeve filmike, raport shërbimeve, si dhe provave të tjera të mbledhura nga grupi hetimor, nuk ka asnjë përgjigje për vjedhjen në Aeroportin e Rinasit, ama për protestën e opozitës që u zhvillua mbrëmë janë proceduar 61 persona, 37 prej të cilëve u arrestuan. Dhe jo vetë kaq! Mes personave që po ndiqet penalisht është edhe Sekretari i përgjithshëm i PD, Gazment Bardhi, ai i cili sot në mëngjes tha:
