“Skenë lufte”/ Përplasje me armë në Prishtinë, 2 të vdekur dhe…

Qytetarët e Kosovës edhe 20 vjet pas përfundimit të luftës vazhdojnë të jenë dëshmitar të skenave të luftës. Pasditen e sotme, pas përplasjes me armë zjarri në rrugën “Muharrem Fejza” në Prishtinë, kanë mbetur të plagosur katër persona, dy prej të cilëve kanë ndërruar jetë në QKUK.

“Ka vdekur edhe personi i dytë, i cili përkundër përpjekjeve të mjekëve, për shkak të gjendjes së rëndë nuk ka arritur të mbijetojë”, tha zëdhënësi i QKUK-së, Shpend Fazliu.    

Ndërkohë edhe dy persona tjerë të plagosur vazhdojnë të trajtohen në QKUK, transmeton KosovaPress.

Policia nuk ka bërë të ditur zyrtarisht motivet e rastit, por sipas dëshmitarëve në konfliktin e armatosur janë përfshirë familjet Mehmeti dhe Rafuna, për shkak të kontestit pronësor.