Sllovenia e merr presidencën e BE duke u bojkotuar nga komunistët e KE

Kryeministri i Sllovenisë, Janez Jansha, mori presidencën e BE me një bokotim primitiv nga Komisioni Europian përkatësisht Zv/Presidenti i KE, Frans Timmermans.

Pas bisedimeve në qytetin slloven, Kranj, Zv/Presidenti i KE bojkotoi demonstrativisht daljen në foto të përbashkët meqë Kryeministri slloven i djathtë ishte ankuar më parë për gjykatës e deputetë komunistë në vendin e tij. Madje sipas pjesëmarrësve ishte treguar një foto, ku ishin vënë me rreth të kuq gjykatësit që kishte kritikuar Janshan.

Komunisti Timmermans që i thotë vetes socialdemokrat reagoi i zemëruar, dhe i tha gazetës gjermane “Süddeutsche Zeitung”, se nuk mund të qëndronte në një podium me Janez Jansha, pasi ai dy eurodeputetë të grupit parlamentar socialdemokrat i kishte sulmuar dhe fyer në mënyrë të papranueshme. Respektimi i drejtësisë dhe rolit të deputetëve të zgjedhur, raporton DW duke cituar, janë shtylla bazë të shtetit ligjor, pa të cilat BE nuk funksionon.

Ndërsa Presidentja e Komisionit Europian, Ursula von der Leyen, raporton DW, i kujtoi Janshas, se gjykatësit mund të kenë biografinë e tyre, dhe ajo duhet trajtuar me respekt, edhe kur ata kanë një qëndrim tjetër politik. Mbi këtë përplasje zëdhënësi i presidencës sllovene nuk donte të shprehej. Von der Leyen nuk e përmendi përplasjen në konferencën e shtypit, por kërkoi respektimin e standardeve të shtetit ligjor.

Një funksionar i BE u shpreh vetëm për një “provokim të panevojshëm” të Janshas.

Sllovenia që ka marrë tani presidencën e radhës nga Portugalia kërkon të arrijë në 6 muajt e ardhshëm progres më të shpejtë në bisedimet e anëtarësimit me vendet e Ballkanit Perëndimor.