Sllovenia shpall fundin e epidemisë së koronavirusit

Qeveria sllovene shpalli zyrtarisht fundin e epidemisë së koronavirusit duke u bërë vendi i parë në Evropë që e mori një vendim të tillë.

Autoritetet regjistruan më pak se shtatë raste të reja në ditë, në dy javët e fundit.

Njerëzit të cilët arrijnë në Slloveni nga vendet e tjera të BE-së nuk do të duhet më të zbatojnë një karantinë të detyrueshme për të paktën shtatë ditë, siç ka ndodhur që nga fillimi i prillit, thuhet në njoftimin e qeverisë sllovene.

Por, ata që hyjnë në Slloveni nga vendet që nuk janë anëtarë të BE-së, me përjashtim të diplomatëve, raporton RFE, duhet të hyjnë në karantinë për 14 ditë.

Ky vend me dy milionë banorë deri më tani ka regjistruar 1.464 të infektuarë dhe 103 viktima.

Ndryshe, masat e epidemisë u shpallën më 12 mars.