Socialistët nuk prangosen/ Abuzoi me legalizimet, Gjykata për Nr. 2 të PS: Detyrim paraqitje…

Gjykata e Durrësit ka konfirmuar sot se është nën urdhërat e Partisë Socialiste. Ish-Zv/Drejtori i Agjencisë Shtetërore të Kadastrës së Durrësit, Arben Isaku, falsifikoi dhe shpërdoroi detyrën, u akuzua për abuzim me legalizimet në qytetin bregdetar u shpall në kërkim, dje sikur u dorëzua dhe sot Gjykata dha për Isakun masën: “Detyrim paraqitjeje”!

E njëjta masë, “detyrim paraqitje” është dhënë edhe për dy të arrestuarit e tjerë, specialistin F.Rexho dhe ekonomistin R.K.

Ndryshe, Arben Isaku është mbajtur për disa muaj në përgjim, nga ku ka rezultuar se në cilësinë e Drejtorit të ALUIZNI-t në Durrës ka legalizuar me tituj pronësie dy persona, të cilët kanë paraqitur dokumente të falsifikuara.

Bëhet fjalë për dy truaj në zonën e plazhit në Durrës, përkatësisht 123 metra katrorë dhe 500 metra katrorë, që janë përfituar nga dy të rinj, një nga Durrësi dhe tjetri nga Berati, në dëm të pronarit të vërtetë të tokës. Njëri prej bashkëpunëtorëve të Isakut, R.K., 27 vjeç, banues në Durrës, me detyrë ekonomist pranë Agjencisë Shtetërore të Kadastrës, është ndaluar, ndërkohë është shpallur në kërkim F.R., 28 vjeç, banues në Durrës, me detyrë specialist në këtë institucion.