Socialistët prodhojnë tensione, Berisha: Përjashtoni Ramën nga Kuvendi!

Socialistët sërish prodhojnë tensione në seancën e parlamentit kur atë e drejton Ermonela Felaj, duke riprodhuar sot dhe të drejta për të folur në seancë ose mocion me debat edhe kur plotësohet kushti i vetëm me 7 firma deputetësh.

U deshtë rrëmuja që Felaj të bindet për ti dhënë fjalën Ish-Presidentit, Kryetarit të PD dhe deputetit, Sali Berisha, dhe sërish për ta ndërprerë me idenë se ka dhe monopolin e të drejtës së fjalës duke ndërprerë seancën. Kur Sali Berisha u lidhë “live” përmes rrjetit social Facebook ajo u kthye sërish për ta vazhduar seancën.

“Zonjë do mbrojmë të drejtat kushtetuese! Kurrë nuk do të mund të shtypësh këtu popullin opozitar. Jeni shndërruar në strofull hajdutësh që nuk njihni ligjin. Edhe një herë jam live në të gjithë botën. Hajde, hajde, mos qaj hallin ti. Merre këtu atë, të vijë këtu ai përfaqësuesi i bandave. Jam live në të gjithë botën.

Vokshi-Felajt: Jepja fjalën

Noka: Jepja fjalën, do ja japësh fjalën?

Berisha: Të përjashtoni Edio Ramën nga parlamenti për fjalët e tij të pista. Del e përjashton Palokën dhe Leksajn që nuk dëgjoji njeri një fjalë prej tyre, por nuk reagoni për fyerjet e tij.

Duhet të uleni në vend, se do ju japim fjalën

Berisha: E vazhdojmë fjalën ne. Ulemi!

Kur Nënkryetarja mori urdhër nga Edi Rama për të vazhduar seancën, Ermonela Felaj e la aty ku e kishte ndërprerë seancën, për të vazhduar debatin për Integrimin me bedelët dhe duke kundërshtuar kërkesën e 7 deputetëve opozitarë për të diskutuar me debat mandatin e Xhaçkës.

Me këtë rast, Kryetari i PD, Sali Berisha, paralajmëroi sot në parlament kryeministrin Edi Rama dhe mazhorancë sepse, siç u zotua në 12 nëntor, do jetë populli opozitar që do të flasë në këtë sallë.

“Obstruksioni që ju i bëni zërit opozitar është një akt i shëmtuar që tregon frikë dhe tmerr nga e vërteta. Nuk ka parlament në botë që pjesëton deputetët në 5 minutësh, 10 minutësh dhe 2 minutësh përveç jush. Kjo është histori turpi, që nuk ka ekzistuar kurrë. Standardi i një njeriu që urren për shkak të trashëgimisë së tij kundërshtarët politikë. Jepini fund kësaj se nuk do ta tolerojmë këtë situatë.

Ka 4 muaj që shtypni të drejtën tonë për mocion me rezolutë. E bëni këtë me urdhër të Aleksandar Vuçiç. Ka 4 muaj që nuk respektoni as të drejtat më elementare kushtetuese tonat. Kjo situatë duhet të marrë fund nëse doni paqe dhe stabilitet në parlament. Jemi përpjekur me durim shumë të madh të kërkojmë zbatimi ne rregullores. I keni shkelmuar çdo ditë.

Sot merr fund kjo. Ju garantoj siç u zotova në 12 nëntor se do jetë populli opozitar që do të flasë në këtë sallë. Ne vijmë këtu për të respektuar zgjedhësit tanë por për Taulant Sharrën dhe Edi Ramën nuk do vinim kurrë në parlament. Na vjen turp që jemi me njerëz të tillë në parlament. Asnjë kombinacion nuk do funksionojë më. I jap paralajmërim Ramës mos përdor atë gjuhë që përdor,” tha Kryetari i PD, Sali Berisha, duke përfunduar:

“Ne vijmë me fjalën, me pendën se në mënyrë absolute mund të japim çdo përgjigje që meriton. Mos e përdor, atë mbaje ne kuzhinën tënde në Surrel, në shpellat e partisë tënde.”