Sørensen në Prishtinë, takim me Kurtin, Osmanin dhe Opozitën

I Dërguari i BE-së në dialog për normalizimin e marrëdhënieve mes Kosovës dhe Serbisë, Peter Sørensen, vizitën e tij në Prishtinë sot e ka filluar me takimin me Kryeministrin në detyrë, Albin Kurti.

Më pas, Peter Sorensen pritet të takohet edhe me Presidenten Vjosa Osmani, si dhe përfaqësuesit e Opozitës.

Vizita e të Dërguarit të BE-së në dialog për normalizimin e marrëdhënieve mes Kosovës dhe Serbisë është pjesë e një turi më të gjerë në rajon, gjatë të cilit ai pritet të zhvillojë takime me nivelin më të lartë politik si në Kosovë ashtu edhe në Serbi.

Nesër, I Dërguari i BE-së për dialog pritet të udhëtojë drejt Beogradit, ku janë planifikuar takime me liderët institucional serb, ndërsa agjenda e plotë e vizitës së tij në Serbi ende nuk është finalizuar.

Ndryshe, kjo është vizitën e parë e të Dërguarit të BE-së në dialog për normalizimin e marrëdhënieve mes Kosovës dhe Serbisë, Peter Sørensen, që nga marrja e mandatit të dytë si ndërmjetësues i Bashkimit Evropian në procesin e dialogut.