Sot 54 afganë largohen nga Kosova drejt SHBA

Ministria e Punëve të Brendshme e Kosovës ka bërë të ditur se sot janë nisur 54 afganë nga Kosova drejt Shteteve të Bashkuara.

“Sot ju uruam lamtumirë 54 miqve tanë afganë, të cilët sot herët në mëngjes u larguan nga Prishtina për në SHBA. Patëm kënaqësi që t’i mirëpritnim këtu dhe t’ju tregonim mikpritjen e vendit tonë. Po punojmë pandërprerë me partneren tonë, Ambasadën Amerikanë në Prishtinë që mysafirët nga kampi Liya të mund të largohen nga Kosova dhe t’ia fillojnë jetës së re. Ju urojmë gjithë të mirat dhe shpresojmë të dëgjohemi sërish me ta,” thekson Ministria e Brendshme përmes rrjetit social Facebook e cila pasoi me një falënderim nga Ambasada e SHBA në Prishtinë për strehimin e përkohshëm të qytetarëve afganë:

“Falemnderit Kosovë!”