Sot 75 vjeç! Sali Berisha mesazh mirënjohjeje për dashurinë, sakrificat, miqësinë…

Sot në 75 vjetorin e lindjes, Ish-Presidenti Sali Berisha ka një mesazh mirënjohjeje për dashurinë, sakrificat, miqësinë dhe ndihmesën e të gjithë atyre që i bënë të mundur për 75 vjet të jetoj në realitetin e ëndrrave të tij më të guximshme.

“Miq, sot 75 vjeç! E para që buron nga shpirti im këtë ditë është mirënjohja e pakufishme ndaj familjarëve të mi të dashur, miqve të ngushtë, shqiptar dhe të huaj, bashkëpunëtorëve të çmuar për dashurinë, sakrificat, miqësinë dhe ndihmesën e tyre tejet të vyer që kanë dëshmuar ndaj meje në çdo kohë dhe çdo stinë dhe kanë bërë të mundur këto 75 vite të jetoj në realitetin e ëndrrave të mia më të guximshme,” thekson Ish-Presidenti në mesazhin e tij përmes rrjetit social Facebook, pafundësisht i lumtur, i privilegjuar dhe i bekuar nga Zoti që kishte dashurinë, miqësinë, mbështetjen e tyre, ndërsa përfundon:

“Së fundi miq, këtë dekadë unë kam pasur kënaqësinë dhe privilegjin e veçantë të udhëtojë në vjeshtën e jetës time. Falënderoj Zotin që me fuqinë dhe vullnetin e tij e ka bërë këtë vjeshtë të bukur si një pranverë të dytë për mua! Sb”