Sot bekohet gurthemeli i spitalit të ri “Zoja e Këshillit të Mirë”

Sot në orën 11:00, zhvillohet ceremonia e bekimit të gurthemelit të i spitalit të ri “Zoja e Këshillit të Mirë” në Tiranë, ku merr pjesë dhe Sekretari i shtetit të Vatikanit, kardinali Pietro Parolin.

Më pas, Sekretari i Selisë së Shenjtë do të zhvillojë takime me ipeshkopinjtë e Konferencës Episkopale Katolike të Shqipërisë.

Sekretari i shtetit të Vatikanit, kardinali Pietro Parolin do takohet me presidentin Ilir Meta dhe kryeministrin Edi Rama.

Ndryshe, kjo është vizita e dytë që Sekretari i Shtetit të Vatikanit ndodhet në Shqipëri. Për herë të parë ka udhëtuar në vendin tonë në vitin 2014 gjatë vizitës së Papa Françeskut.