Sot, çlirimi i Shqipërisë nga e keqja, Basha: Të gjithë në shesh në orën 19:00!

Pas mesazheve kriminale të Edi Ramës dhe jo vetëm, nga çelja e fushatës zgjedhore të Partisë Socialiste, Kryetari i Partisë Demokratike, Luzim Basha, me më shumë arsye për largimin e Kryeministrit Edi Rama, i bën thirrje qytetarëve që t’i bashkohen Protestës së Opozitës, e cila zhvillohet sot në orën 19:00 para Kryeministrisë.

“Pushteti i Edi Ramës ka rënë. Ai duhet të ishte larguar: Kur i dha pushtet kriminelëve! Kur Elvis Roshi doli trafikant e përdhunues! Kur Saimir Tahiri doli trafikant dhe blerës votash! Kur Shqipëria u kthye në hambar droge! Kur u zbuluan koncesionet e hajdutërisë! Kur Fatmir Xhafaj mbrojti drogën me shtet! Kur vodhi votat me dakon dhe Gjiknurin, “ thekson Lulzim Basha përmes një videomesazhi duke renditur faktet e degradimit të shtetit të qeverisur nga Edi Rama deri në bllokimin e rrugës drejt Europës:

“Kur fshehu 30 milionë euro në Amerikë! Kur ekonomia u kap nga paratë e krimit! Kur shkatërroi pa ligj shtëpitë e njerëzve! Kur helmoi fëmijët me gaz lotsjellës! Kur grabiti me oligarkët çdo pasuri publike! Kur mbylli gjykatat! Kur bllokoi rrugën drejt Europës!”

Për çlirimin e Shqipërisë nga e keqja! Asnjë hap pas, thekson Kryetari i PD, Lulzim Basha, duke i bërë të qartë banditëve në pushtet se koha e tyre ka mbaruar, dhe fton shqiptarët, atyre që u ka ardhur koha ta ndryshojnë fatin e Shqipërisë:

“Të gjithë të bashkuar do ta ndryshojmë fatin e vendit tonë! Nuk do ta lëmë Shqipërinë në duart e një bande që ka marrë peng të ardhmen e një populli të tërë. Koha e banditëve në pushtet ka mbaruar, ka ardhur koha e shqiptarëve!

Asnjë hap pas!

Sot të gjithë në shesh në orën 19:00.”