Sot Dita e Verës, festë në Elbasan dhe Tiranë, ja rrugët që do bllokohen
Dita e Verës në Elbasan do të rivalizohet edhe këtë vit nga Bashkia e të burgosurit Erion Velia me koncerte dhe aktvitete të ndryshme mbështetur si rrallëherë, marrëzisht nga Kryeministri Edi Rama, ndërkohë kjo ditë tradicionale do të mirërpritet nga elbasanasit zemërgjerë me qytetarë nga e gjithë Shqipëria ku do ti nderon me praninë e tij dhe Kryetari i Partisë Demokratike, Sali Berisha.
Qyteti i Elbasanit sot është gati ta pres Ditën e Veres me festime të cilat u organizuan nga Bashkia Elbasan prej ditësh duke sjellë panaire, aktivitete kulturore dhe artistike për të gjitha moshat, ndërsa festimet vijojnë edhe pas mbrëmjes së 13 marsit me festime deri në orët e para të mëngjesit.
Nëderkoh Policia e Elbasanit ka publikuar planin e posaçëm të masave, për të garantuar mbarëvajtjen e aktiviteteve të organizuara për Ditën e Verës, me prezencë të shtuar në zonat ku zhvillohen aktivitete, në akset kryesore rrugore, si dhe në hyrje/daljet e qytetit, si dhe kufizime të përkohshme të qarkullimit në disa segmente rrugore të qytetit.
Kështu, për 48 orë, do të bllokohet segmenti rrugor nga “Elbasan Arena” deri te rrethrrotullimi i “1 Majit”; Do të ndalohet parkimi i mjeteve në qendër të qytetit dhe përgjatë bulevardit “Aqif Pasha”, ndërkaq, shërbimet e Policisë Rrugore do të jenë të pranishme për orientimin dhe devijimin e trafikut.
Për të shmangur trafikun dhe për të lehtësuar qarkullimin, mjetet do të orientohen drejt hapësirave të përcaktuara të parkimit, sipas drejtimeve nga vijnë në qytet. Konkretisht:
-mjetet që vijnë nga lindja (Ura e Bakallit), do të parkohen te Parku i Mallrave;
-mjetet që vijnë nga jugu (Kryqëzimi i Cërrikut), do të parkohen te Shkolla e Formimit Profesional dhe te parkimi i ri pranë varrezave publike;
-mjetet që vijnë nga perëndimi (Kryqëzimi i Luleve), do të parkohen te shkolla profesionale “Sali Ceka”, në afërsi të Doganës, si dhe në parkimin pranë stacionit të trenit.
Autobusët e linjës “Tiranë – Elbasan” do të stacionohen pranë Doganës, afër shkollës profesionale, ndërsa autobusët e linjës “Elbasan – Cërrik” do të stacionohen tek ish-ofiçina, në rrugën “Ura”, pranë tregut industrial.
Ndërsa Bashkia Tiranë, përveç se në Burgun e Tiranës do të mirëpresë këtë vit festimet për Ditën e Verës me disa aktivitete festive për të gjitha grup moshat, të cilat do të nisin që në orët e para të ditës dhe do të përfundojnë vonë pas mesnate.
Bashkia Tiranë njofton se devijimi i trafikut do të nisë prej orës 12:00 të datës 13 mars, deri në orët e para të datës 15 mars, dhe, me qëllim garantimin e mbarëvajtjes së këtyre aktiviteteve dhe për t’u dhënë mundësi qytetarëve që të festojnë qetësisht, në bashkëpunim me Policinë e Shtetit, Bashkia ka ndërmarrë të gjitha masat për kufizimin e qarkullimit të automjeteve në disa prej rrugëve, ku është planifikuar zhvillimi i aktiviteteve. Më konkretisht:
Kufizimin e qarkullimit të automjeteve për mbarëvajtjen e aktiviteteve të organizuara nga Bashkia e Tiranës në kuadër të “Ditës së Verës 2026”, në segmentet rrugore dhe oraret si më poshtë vijon:
a. Nga data 13 mars 2026, ora 22:00, deri më 14 mars, në orën 18:00:
-Bulevardi “Dëshmorët e Kombit” nga Ministria e Brendshme, deri në fillim të ish “Hotel Dajti”;
-Bulevardi “Dëshmorët e Kombit” nga Ura e ish “Hotel Dajti”, deri në kryqëzimin me rrugën “Ismail Qemali”;
-Bulevardi “Dëshmorët e Kombit” nga kryqëzimi i rrugës “Ismail Qemali”, deri në kryqëzimin me rrugën “Gjergj Filipi”;
-Bulevardi “Dëshmorët e Kombit” nga kryqëzimi i rrugës “Gjergj Filipi”, deri në fillim të sheshit “Nënë Tereza”;
b. Nga data 13 mars 2026, ora 12:00, deri në datën 15 mars, në orën 02:00
-Rruga “Dëshmorët e 4 Shkurtit” nga kryqëzimi me rrugën “Ismail Qemali”, deri në kryqëzimin me rrugën “Brigada VIII”;
-Rruga “Pjetër Bogdani” nga kryqëzimi me rrugën “Sami Frashëri”, deri në kryqëzimin me rrugën “Gjin Bue Shpata”.
2. Qarkullimi i automjeteve, mjeteve të emergjencës dhe Policisë së Shtetit do të bëhet sipas planit të lëvizjes, si më poshtë:
Në rrugën “Lek Dukagjini”;
Në rrugën “Abdyl Frashëri”;
Në rrugën “Papa Gjon Pali II”;
Në rrugën “Sami Frashëri”;
Në bulevardin “Zhan D’Ark;
Në bulevardin “Bajram Curri”;
Në rrugën “Myslym Shyri”;
Në rrugën “Abdi Toptani”.
3. Itinerari i lëvizjes së linjave urbane do të vazhdoj lëvizjen si më poshtë:
Linja Nr. 13 “Tirana e Re” dhe Linja nr. 2 “Teg – Sauk i Vjetër – Kopshti Zoologjik – Ish Stacioni i Trenit”, do të devijojnë tek sheshi “Willson” dhe tek bulevardi “Zogu I”.
