Sot, Dita Ndërkombëtare e Paqes

Sot është Dita Ndërkombëtare e Paqes. Ajo është themeluar nga Kombet e Bashkuara dhe shënohet nga qindra miliona njerëz dhe mijëra organizata më 21 shtator të çdo viti.

Dita ndërkombëtare e paqes çdoherë është një ngjarje e posaçme, dhe këtë herë shënon 61 vjetorin e Kambanës së Paqes e cila çdo vit bie në këtë ditë.

Ishte viti 1954 kur kjo kambanë e farkuar nga monedhat e mbledhura nga fëmijët e 60 shteteve iu dhurua Kombeve të Bashkuara nga Shoqata e OKB-së së Japonisë. Që atëherë, për gjysmë shekulli, kambana ka dërguar porosi të fuqishme në mbarë botën lidhur me aspiratat e njerëzimit për paqe.

Gjatë gjithë kësaj kohe, prej kulmit të Luftës së Ftoftë e deri në rritjen e konflikteve përbrenda shteteve, nga përhapja e SIDA-s e deri te aktet e terrorizmit, jehona e kambanës ka mbetur e pandryshuar, e qartë dhe e vërtetë.

Vitin e kaluar ishte kënga ikonike e John Lennon, “Imagine”, e cila u bë himni botëror i Ditës Ndërkombëtare të Paqes, pasi të drejtat e autorit iu dorëzuan Kombeve të Bashkuara nga e veja e Lennon, Yoko Ono.

Në Shqipëri dhe Kosovë nuk është paralajmëruar ndonjë aktivitet për këtë ditë.